SAN JUAN 7:12 - New Testament in Mixtec Atatláhuca

¹² Te yōhyo ni cacahān ñayuu jeē sɨquɨ́ yā, chi sava i cácahān: Tēe vāha cúu de. Te sava ga i cácahān: Tuú chi stáhú de ñayuu.

SAN JUAN 7:12 ပူးပေါင်းရင်းမြစ်များ

SAN MATEO 10:25

Tēe scuáha chi nájnūhun ndóho maestro de suni súcuan ndoho nahín máá de, te tēe cúu mozo suni ndoho de nájnūhun ndóho patrón de. Núu súcuan te núu ruhū cácahān i jeē Satanás cúu ri, te nagā ni cuu jeē ma cahán i jeē rohó cácuu Satanás.

SAN MATEO 21:46

Te ni canducú de modo jnɨɨ de ya. Te cáyūhú de jeē quɨtɨ̄ ni ñayuu, chi cájeni ni i jeē tée nácani jnūhun Yaā Dios cúu ya.

SAN MATEO 27:63

Te ni cacahān de: Cánucūhun ni na jéē nde na técu tēe stáhú néé un te ni cahān de jeē nátecu de nuū uní quɨvɨ̄.

SAN LUCAS 18:19

Te ni cahān Jesús jiín de: ¿Naun cáhán rō jeē tée vāha cúu ri? Tú ni ɨɨn tēe vāha íyó, chi máá ɨɨn‑ni Yaā Dios.

SAN LUCAS 23:47

Te tēe nación Roma jeē cúu capitán ni jito de jeē súcuan ni cuu, te ni cahān de jeē yóhyo cújéhnu Yaā Dios, te áchí de: Jendaá ndije jeē tée tú na cuēchi cúu tēe yáha, áchí de.

SAN LUCAS 23:50

Te ni īyo ɨɨn tēe vāha tēe ndaā, nání de José. Te tēe ñuu Arimatea ndañúū Judea cúu de. Te cúu de jnáhan tāca tée hebreo cácujéhnu ga jeē casáha junta.

SAN LUCAS 6:45

Te suni súcuan tēe vāha, cáhán de jnūhun vāha, chi vāha ánuá de. Te tēe sáha néé cáhán de jnūhun néé, chi cánéé ánuá de. Chi modo ndese íyó ánuá ñayuu, máni jeē yúcuan cúu jeē cácahān i.

SAN LUCAS 7:16

Te ndɨvii ñayuu ni cayūhú i jeē ní cajito i, te ni cacahān i jeē yóhyo vāha Yaā cúu Yaā Dios. Te cácahān i: Mēhñu yó ni quee ɨɨn tēe cújéhnu nácani jnūhun Yaā Dios. Te suni cácahān i: Máá Yaā Dios ni quejéé yá chindéé ñáhán yá ñayuu yā. Achí i.

SAN JUAN 6:14

Te ñayuu un ní cajito i jniñu jéhnu ni sáha Jesús jeē ni stéén yā poder yā. Te ni cacahān i: Jendaá ndije jeē tée yáha cúu jeē cahán tutu jeē quíji ini ñayɨ̄vɨ jéē nácani jnūhun Yaā Dios. Achí i.

SAN JUAN 7:32

Te ni cajini tēe fariseo jeē súcuan cácahān ñayuu jnūhun ya. Te máá de jíín sútū cácujéhnu, ni catají de policía cándito templo jeē jnɨ́ɨ de ya.

SAN JUAN 7:47

Te ni cacahān tēe fariseo: ¿Te á suni nde máá ró jijnáhan ró ní stáhú de naún?

SAN JUAN 7:52

Te ni cacahān jiín de: Te róhó, ¿á suni nde Galilea vēji ró jéē cahán rō jehē tēe ún? Nanducú váha ró núū tútu iī te cuni rō jeē ndé Galilea tu quénda cuɨtɨ ni ɨɨn tēe nácani jnūhun Yaā Dios. Achí jíín de.

SAN JUAN 9:16

Yūcuán na te ni cacahān sava tēe fariseo: Tēe ún chi nasūu ndé nuū Yaā Dios vēji de, chi tu née iī de quɨvɨ̄ ndétātú. Te sava ga de chi ni cacahān: ¿Ndese cuu sáha tēe un táca jniñu jéhnu yáha te núu tēe íyó cuéchi cúu de? Te ni cacusɨ́ɨn de sɨquɨ̄ yā.

HECHOS 11:24

Chi tēe vāha cúu Bernabé, te ni cunuú Espíritu Santo jiín de, te cándíje nīhin de. Te ni cacandíje cuehē ñayuu nuū maá Jítoho yō ni sáha de.

ROMANOS 5:7

Te yɨɨ́ cúu jeē cúū ɨɨn ñayuu jehē ɨnga ñayuu, vēsú jehē ɨɨn ñayuu ndaā. Chí sanaa te íyó jínu jeē chúndeyɨ́ ni ɨɨn tēe cuu de jehē ɨɨn tēe ndaā vāha.

FILIPENSES 2:14

Ndɨhɨ jeē sáha ró, ma cahán sōo ró, ni ma tejnáhan ró,