SAN JUAN 7:10 - New Testament in Mixtec Atatláhuca

¹⁰ Te nuū ni yáha ñani yā cuangoo de vico ún, te sáá te suni cuahān maá yá. Te tú cuahān ndijin yā, chi tu ní stéén yā maá yá.

SAN JUAN 7:10 ပူးပေါင်းရင်းမြစ်များ

SAN MATEO 10:16

’Cuni sōho ró, chi tájí rí rohó quíngoo ró nájnūhun lanchi mēhñu yɨ́hɨ̄. Núu súcuan te coo listo rō nájnūhun coō, te coo vītá ni rō nájnūhun paloma.

SAN MATEO 12:46

Te níní súcuan cáhán yā jiín ñáyuu ún, te ni quee naná yā jiín táca ñani yā, íin ña nuū quéhe, te cúní ña cahān ña jíín yá.

SAN MATEO 3:15

Te ni cahān Jesús jiín de: Tuú chi sáha ró, chi súcuan cánuú squícu yó táca jniñu ndácu Yaā Dios, achí yá. Yūcuán na te ni scuándute de ya.

SAN MARCOS 3:21

Te tāca jnáhan vehe ya ni cajini jnūhun jeē súcuan cúu. Te ni quecoo de venūquīhin de ya. Chi cácahān de jeē ní sana xinī yā.

SAN JUAN 11:54

Jeē yúcuan tuá ní jíca ndijin yā nuū jnáhan ñuu yā hebreo un, chi ni quenda ya región Judea, te cuahān yā ɨɨn ñuu naní Efraín, nuū iyó yajni ñuhun téhé. Te ni condee yā yūcuan jíín tée cáscuáha jíín yá.

SAN JUAN 7:3

Te ñani yā ni cacahān de jíín yá: ¿Naun máá yáha‑ni íne ró? ¿Naun tú quihīn rō región Judea, návāha tēe yūcuan jéē cácandíje de róhó, suni coto de jniñu jéhnu sáha ró.

SAN JUAN 7:5

Súcuan ni cacahān ñani yā jiín yá, chi ni máá de tu cácandíje de ya.

SAN JUAN 7:9

Súcuan ni cahān yā jnūhun yáha jíín de, te ni quendōo ya Galilea.

GÁLATAS 4:4

Te nde ná ni quee quɨvɨ̄ jeē ní jeni Yaā Dios, te ni tají yá Sēhe ya, ni cacu ya chīji ɨɨn ñahan, te ni cacu ya yucūn ñayuu nación hebreo jeē cáyɨhɨ chīji ley Moisés.