SAN JUAN 7:1 - New Testament in Mixtec Atatláhuca

¹ Yūcuán na te jíca cuu Jesús región Galilea. Chi tu cúní yā caca cuu ya región Judea, chi jnáhan ñuu yā hebreo jeē cáyūcu yúcuan, cácuni de cahni de ya.

SAN JUAN 7:1 ပူးပေါင်းရင်းမြစ်များ

SAN MATEO 10:23

Te núu cájito xeēn i róhó ɨɨn ñuu, te cunu ró quíhīn rō ɨnga ñuu. Chi jendaá cahán rī jiín ró jeē ma ndécāva ró caca cuu ró ndɨhɨ nación yō Israel te ndiji‑ni máá rí, Yaā ní nduu tēe.

SAN MATEO 21:38

Te tēe cásájniñu ún, núu ní cajito de nuū séhe tēe chíí uva, te ni cacahān maá: Tēe chíí táhū cúu jeē yáha. Na cáhni yō de, te ndōo tahū de cuu yó, áchí.

SAN MARCOS 11:18

Te tēe cástéén tutu ley Yaā Dios jiín sútū cácujéhnu, ni cajini de jnūhun yáha, te ni quejéé de cánducú de modo ndese cahni de ya. Chi cáyūhú de jeē ndujéhnu ga maá yá vēsú maá de, chi tāca ñáyuu yōhyo cácusɨɨ̄ ni i cájini i jnūhun stéén yā.

SAN JUAN 1:19

Te ñayuu hebreo ñuu Jerusalén, ni catají i jecu sutū jiín tée grupo levita jeē cájejníñu ini templo, ni jengoo de nuū Juan, návāha cajnūhún de ndé ɨɨn cúu Juan te na jniñu ndíso de.

SAN JUAN 4:3

Te ná ni jini Jesús jeē súcuan ni canihīn de jnūhun, te ni quenda ya región Judea, te cuanuhun yā región Galilea.

SAN JUAN 4:54

Yāha cúu vuelta uū jeē ni sáha Jesús jniñu jéhnu jeē ni stéén yā poder yā región Galilea, jeē ní najinū yā jeē ni jéhēn yā región Judea.

SAN JUAN 6:1

Yūcuán na te cuahān Jesús ɨnga lado mar Galilea, jeē cúu mar Tiberias.

SAN JUAN 7:11

Te jnáhan ñuu yā hebreo cánanducú i ya nuū víco ún, te cácahān i: ¿Ndé nuū íne tēe ún? áchí i.

SAN JUAN 7:13

Te yuhu‑ni ni cacahān i jnūhun ya, chi cáyūhú i jeē quɨtɨ́ ni jnáhan i tēe hebreo.

SAN JUAN 7:19

’¿A násūu jéē ni jéhe Moisés ley yā nuū rō jeē squícu ró? Te ni ɨɨn ró tu cásquícu. Chi sa jeē cácuni rō cahni rō ruhū, ¿te najehē cúu? Achí yá.

SAN JUAN 7:25

Yūcuán na te sava ñayuu ñuu Jerusalén ni cacajnūhun jnáhan i: ¿A násūu tée yáha cúu jeē cánanducú tée cácujéhnu jeē cáhni de, chí naún?

SAN JUAN 7:35

Yūcuán na te máá tée un ní cacajnūhun jnáhan de: ¿Te ndé nuū quihín tēe yáha jeē ma nánihīn yō de? ¿A quíhīn de nuū jnáhan yó hebreo jeē ní cajitē núu cáyūcu ndé nación Grecia? ¿Te á stéén de jnūhun nuū ñáyuu Grecia, chí naún?

SAN JUAN 8:37

Te jíní rī jeē séhe yucūn Abraham cácuu ró, te vēsú súcuan te cácuni rō cahni rō ruhū, chi tu cájetáhú ró jnūhun cáhán rī.

SAN JUAN 8:40

Te vijna chi cácuni rō cahni rō ruhū, vēsú ni cahān rī jiín ró tāca jnúhun ndaā ni steén Tatá rī nuū rī. Te Abraham chi tu ní sáha cuɨtɨ de súcuan.

HECHOS 10:38

Te cájini ni jéē Yaā Dios ni jēhe ya Espíritu Santo jiín poder nuū Jesús, Yaā ní jehnu ñuu Nazaret. Te cájini ni jéē ní jica cuu ya ni sáha ya jniñu váha, te ni nasávāha ya tāca ñáyuu jeē cándoho i sáha jexeén, chi Yaā Dios ni chindéé ñáhán yá Jesús.