SAN JUAN 6:7 - New Testament in Mixtec Atatláhuca

⁷ Te ni cahān Felipe jiín yá: Te ni ma cánda uū ciento denario staā, ni vēsú jeē cáji i jecu jecu jijnáhan i, áchí de.

SAN JUAN 6:7 ပူးပေါင်းရင်းမြစ်များ

SAN MATEO 18:28

Te ni quenda mozo un cuáhān de, te ni najnáhan‑ni de jíín ɨɨn jnáhan mozo de jeē taú jecu peso nuū de. Te ni jnɨɨ de tēe ún, te ni quitu de sucūn, te ni cahān de: Chunaa jeē taú rō nuū rī, achí de.

SAN MARCOS 6:37

Te ni cahān Jesús jiín de: Cuāha máá ró jeē cáji i, áchí yá. Te ni cacahān de: ¿Te ndese cuu? Chi ni ma cúu vēsú núu quicuaan ná ndé uū ciento denario staā caji ñayuu, achí de.

SAN JUAN 1:43

Te ɨnga quɨvɨ̄ un cúní Jesús quihīn yā región Galilea. Te ni nihīn jnáhan ya jiín Felipe, te ni cahān yā jiín de: Condiquīn ruhū na quíhín yō.

SAN JUAN 1:44

Te Felipe cúu tēe ñuu Betsaida, jeē cúu ñuu Andrés jiín Pedro.

SAN JUAN 1:45

Te ni jenanducú de Natanael, te ni cahān de jíín: Ni canihīn jnáhan ri jiín Yaā jeē yosó jnúhun ya nuū tútu ley jeē ní tee Moisés, jiín núū tútu ni catee tēe ni canacani jnūhun Yaā Dios nde jenahán. Te Jesús sēhe José ñuu Nazaret cúu ya. Achí de.

SAN JUAN 1:46

Te ni cahān Natanael jiín de: ¿Te ndese cúu cujéhnu ɨɨn tēe jeē ní cacu ñuu ndahú Nazaret? Te ni cahān Felipe: Quíhín yō de cuni rō, achí de.

SAN JUAN 1:48

Te ni cahān Natanael jiín yá: ¿Ndese jíní ni sáña? Te ni cahān Jesús: Je ni jito ri rohó ndé ná tu cana Felipe xinī rō, ná íne ró jéhē nundéhe higo, achí yá.

SAN JUAN 12:5

¿Najehē tu ní cúyāhu perfume yáha jéē uní ciento denario, te cuāha yó núū ñáyuu ndahú núú. Achí de.