SAN JUAN 6:65 - New Testament in Mixtec Atatláhuca

⁶⁵ Te ni cahān gā yā: Jeē yúcuan ní cahān rī jiín ró jeē ma cúu quɨ̄vɨ ni ɨɨn ñayuu ndaha ri, te núu tu sáha Tátá rī jeē cúu ni i quɨ̄vɨ i, áchí yá.

SAN JUAN 6:65 ပူးပေါင်းရင်းမြစ်များ

SAN MATEO 13:11

Te ni cahān yā jiín de: Róhó jíjnáhan ró chi sáha ya jeē cájecūhun ni rō jnūhun ni yɨsāhi yáha, ndese quɨ́vɨcoo ñayuu ndaha Yaā andɨvɨ́ jeē ndacu ya jniñu nuū i. Te ñayuu yáha jéē tu cácandíje, chi ma jécūhun ni i.

SAN JUAN 10:16

Te suni íyó gá ñayuu jeē cácuu lanchi ri, te sɨ́ɨn sɨ́ɨn ñayuu cácuu i. Te cánuú jéē suni condeca ri ñayuu ún. Te cuatáhú i jnūhun cáhán rī. Te coyūcu cáhnu‑ni ndɨhɨ ñayuu candíje, te coo ɨɨn‑ni pastor i.

SAN JUAN 3:27

Te ni cahān Juan: Ni ɨɨn tēe ma cúu sáha de jniñu Yaā Dios te núu ma tejníñu ya de.

SAN JUAN 6:37

Tāca ñáyuu jeē sáha Tátá rī jeē candíje i ruhū, máá i quɨ́vɨcoo ndaha ri. Te jétáhú rí tāca jéē cuní quɨ̄vɨ ndaha ri, chi ma squéhichī cuɨtɨ rī quihīn.

FILIPENSES 1:29

Chi ni jēhe Cristo uū jeē váha nuū rō: nasūu máá ɨɨn‑ni jeē candíje ró yá, chi suni jeē na ndóho ró jéē sɨquɨ́ yā.

1 TIMOTEO 1:14

Súcuan ni sáha Jitoho yō jeē váha ndasɨ́ jíín rí. Te ni sáha ya jeē candíje ri jiín jéē cúndáhú ni rī jnáhan ri sɨquɨ̄ jeē ni quɨ́vɨ ri ndaha Cristo Jesús.

2 TIMOTEO 2:25

Te jíín jéē víta ni de te cani ichí de ñayuu nīhni ni. Chi sanaa te nacani ni i sáha Yaā Dios, te jecūhun ni i ndese íyó jnúhun ndaā.

HEBREOS 12:2

Te na cócunuū vāha yó Jesús, Yaā jeē ni scándíje yóhó te sáha ya jeē íje vāha yó jíín jnúhun ya nde jīnu ije yó. Chi máá yá ni jendeyɨ́ ni yā ni ndoho ya jicā cruz. Te vēsú jnūhun canu cúu jeē súcuan cuu yā, te tu ní sáha ya cuenta. Chi ni ñuhun ni yā jeē sa cusɨɨ̄ ndasɨ́ ni yā ná ni cuu ni ndoho ya. Yūcuán na te ni cucōo ya lado váha mesa nuū ndácu Yaā Dios jniñu.