SAN JUAN 6:59 - New Testament in Mixtec Atatláhuca

⁵⁹ Tāca jnúhun yáha ní steén Jesús nuū ñáyuu ní candutútú ini vehe iī sinagoga ñuu Capernaum.

SAN JUAN 6:59 ပူးပေါင်းရင်းမြစ်များ

SAN MATEO 4:23

Te ni jica cuu Jesús nɨɨ́ región Galilea, ni steén yā jnūhun ini tācá vehe iī jeē cúu sinagoga. Te ni nacani ya jnūhun vāha ndese ndácu Yaā Dios jniñu. Te ni nasávāha ya ñayuu cácuhū tācá‑ni cuehyɨ̄.

SAN LUCAS 4:31

Yūcuán na te cuahān Jesús ñuu Capernaum región Galilea. Te quɨvɨ̄ ndétātu ní steén yā jnūhun nuū ñáyuu.

SAN JUAN 18:20

Te ni cahān Jesús: Níní ní cahān rī nuū chitú ñáyuu, ni cajini sōho ndɨhɨ ñayuu. Te níní ní steén rī jnūhun ini tācá vehe iī sinagoga jiín ini templo cáhnu nuū ndutútú ndɨvii jnáhan yó hebreo. Te tú ni ɨɨn jnūhun ní cáhán sāhi rí.

SAN JUAN 6:17

Te ni ndɨ̄vɨcoo de ini barco, te ni cascáca de jeē quíngoo de nde ɨnga lado mar nde ñuu Capernaum. Te je ni cunee, te ná tu ndee Jesús nuū de.

SAN JUAN 6:24

Te jeē ní cajito ñayuu un jéē tuá Jesús íne ya yūcuán, ni tēe cáscuáha jíín yá, te ni quɨ̄vɨcoo i tāca barco un, te cuangoo i ñuu Capernaum cuananducú i ya.