SAN JUAN 6:45 - New Testament in Mixtec Atatláhuca

⁴⁵ Te suhva yósó núū tútu ni catee tēe ni canacani jnūhun Yaā Dios: Tācá i chi stéén Yaā Dios nuū i, áchí. Núu súcuan te tāca ñáyuu jíni sōho jnūhun cáhán Tatá rī, te jétáhú i jeē steén yā nuū i, ñayuu ún chi quɨ́vɨcoo i ndaha ri.

SAN JUAN 6:45 ပူးပေါင်းရင်းမြစ်များ

SAN MATEO 11:27

Te ni cahān gā yā: Ndɨvii ni jēhe Tátá rī nuū rī. Te tu cájini ñayuu ndé ɨɨn cúu ruhū, Sēhe Yaā Dios, chi máá‑ni Tátá rī cúu jeē jiní yā ruhū. Ni tu cájini ñayuu ndese Yaā cúu máá Tátá, chi máá‑ni Sēhe cúu jeē jiní. Te íyó ñáyuu jeē cuní maá Séhe stéén yā nuū i ndese Yaā cúu Tátá yā, te máá i suni cuni i.

SAN MATEO 17:5

Te níní cáhán gā de, te ni quiji vicō nūhun jéē yaa ndasɨ́, ni jesɨ‑ni nuū de. Te nuū vicó un ní cahān ɨɨn jnūhun: Yāha cúu Sēhe ri jeē maní ndasɨ́ rí jiín, te cúsɨɨ̄ ni rī jiín. Na cúni nahín ró jnūhun cáhán yā. Achí.

SAN MARCOS 1:2

Isaías, tēe ni nacani jnūhun Yaā Dios nde jenahán, súcuan ni tee de jnūhun Juan nuū tútu: Tají rí tēe nacani jnūhun ri cosnūú de ichi núú rō, návāha coo tūhva ñayuu jeē jinú rō, achí Yaā Dios jiín Cristo.

SAN LUCAS 1:70

Chi súcuan ni jejnūhun ya, ni cacahān tāca tée ndoo ánuá jeē ní canacani de jnūhun ya jenahán.

SAN LUCAS 18:31

Te ni cana sɨ́ɨn ya ndɨhúxí uū tēe cáscuáha jíín yá, te ni cahān yā jiín de: Vijna je cuángoo yó ñuu Jerusalén. Te yūcuan squícu ndɨhɨ jnūhun ndese ndoho ruhū, Yaā ní nduu tēe, nájnūhun ni catee tēe ni canacani jnūhun Yaā Dios nde jenahán.

SAN JUAN 10:27

Ñayuu cácuu lanchi ri, chi nácuni i jeē maá rí cúu jeē cahán jiín i. Te jíní rī i, te cándiquīn i ruhū.

SAN JUAN 6:37

Tāca ñáyuu jeē sáha Tátá rī jeē candíje i ruhū, máá i quɨ́vɨcoo ndaha ri. Te jétáhú rí tāca jéē cuní quɨ̄vɨ ndaha ri, chi ma squéhichī cuɨtɨ rī quihīn.

SAN JUAN 6:65

Te ni cahān gā yā: Jeē yúcuan ní cahān rī jiín ró jeē ma cúu quɨ̄vɨ ni ɨɨn ñayuu ndaha ri, te núu tu sáha Tátá rī jeē cúu ni i quɨ̄vɨ i, áchí yá.

HECHOS 13:40

Núu súcuan te coto ní jíjnáhan ní jéē ma ndóho ní táca castigo jeē ní cacahān tēe ni canacani jnūhun Yaā Dios nde jenahán, chi suhva ni cahān Yaā Dios:

HECHOS 7:42

Te Yaā Dios ni cujiyo ya cuahān yā, te ni stóo ya de na chíñúhún de nuū tāca jéē jíto yó íin andɨvɨ́, nájnūhun yósó núū tútu tēe ni canacani jnūhun Yaā Dios nde jenahán: Ni cahān yā: Róhó ñáyuu Israel, ¿á cájeni ni rō jeē nuū ruhū ni casocō rō quɨtɨ ná ni cajica cuu ró úū xico cuiyā nde nuū ñúhun téhé?

EFESIOS 1:17

Chi jícán tahú rī jeē na sáha Yaā Dios jeē jécūhun vāha ni rō te ndundíchí ró jiín jnúhun ya, te cuni gā rō ndese Yaā cúu ya. Chi máá yá cúu Yaā Dios Jitoho yō Jesucristo, te cúu ya Tatá yō jeē lúu ndasɨ́ cújéhnu.

FILIPENSES 3:15

Te tāca yó jeē jé ni ije vāha yó jíín jnúhun cándíje yó, súcuan na cáni ni yō. Te núu ndé ɨɨn ró sɨ́ɨn jéni ni rō, te Yaā Dios suni stéén yā nuū rō jeē násūu súcuan cúu.

1 TESALONICENSES 4:9

Te tu jíni ñúhún jéē tée ri nuū carta yáha jéē coo manī rō jiín táca hermano, chi je ni steén Yaā Dios nuū rō jeē coo manī rō jiín jnáhan ró.

HEBREOS 10:16

Suhva coo contrato jeē nasáha ri jiín i, nde na quíji quɨvɨ̄ yúcuan, áchí Jítoho yō Yaā Dios: Sáha ri jeē jécūhun ley rī ini anuá i, te suni nuū jeē níjnūní i tee ri jnūhun ley rī.

1 JUAN 2:27

Te máá ró jijnáhan ró, chi ni jēhe Jesucristo Espíritu Santo, ndeé yá ini anuá rō. Te jeē yúcuan tu jíni ñúhún jéē steén ni ɨɨn ñayuu nuū rō ndé vé cúu jendaá, chi máá Espíritu cúu jeē steén ndɨhɨ nuū rō, te stéén yā jnūhun ndaā, chi tu stáhú cuɨtɨ yā. Núu súcuan te caca ndúú ró jiín Cristo, nájnūhun stéén Espíritu nuū rō.