SAN JUAN 6:14 - New Testament in Mixtec Atatláhuca

¹⁴ Te ñayuu un ní cajito i jniñu jéhnu ni sáha Jesús jeē ni stéén yā poder yā. Te ni cacahān i: Jendaá ndije jeē tée yáha cúu jeē cahán tutu jeē quíji ini ñayɨ̄vɨ jéē nácani jnūhun Yaā Dios. Achí i.

SAN JUAN 6:14 ပူးပေါင်းရင်းမြစ်များ

SAN MATEO 11:3

cuacajnūhún de ya: ¿A máá ní cúu Cristo jeē achí tutu jeē quíji, chí condetu yó ɨnga tēe quiji? áchí de.

SAN MATEO 21:11

Te ni cacahān ñayuu vējicoo jíín yá: Yāha cúu Jesús jeē nácani jnūhun Yaā Dios, jeē véji nde ñuu Nazaret ndañúū Galilea. Achí i.

SAN LUCAS 24:19

Te ni cajnūhun yá de: ¿Te na vé ni cuu? Achí yá. Te ni cacahān de jíín yá: Jeē ní ndoho Jesús ñuu Nazaret, Yaā ní nacani jnūhun Yaā Dios. Te jíín poder Yaā Dios ni sáha ya tācá jniñu jéhnu te ni nacani ya jnūhun, jíto jínúū Yaā Dios jiín táca ñáyuu.

SAN LUCAS 7:16

Te ndɨvii ñayuu ni cayūhú i jeē ní cajito i, te ni cacahān i jeē yóhyo vāha Yaā cúu Yaā Dios. Te cácahān i: Mēhñu yó ni quee ɨɨn tēe cújéhnu nácani jnūhun Yaā Dios. Te suni cácahān i: Máá Yaā Dios ni quejéé yá chindéé ñáhán yá ñayuu yā. Achí i.

SAN JUAN 1:21

Te ni cacajnūhún tucu de: Núu súcuan ¿te ndé ɨɨn cúu ró? ¿A cúu ró Elías, tēe ni nacani jnūhun Yaā Dios nde jenahán, chí naún? Te ni cahān Juan: Nasūú de cúu ri. Te ni cacajnūhún tucu de: Núu súcuan ¿te á cúu ró tée nacani jnūhun Yaā Dios jeē achí tutu iī jeē quíji? Tuú, áchí tucu Juan.

SAN JUAN 11:27

Te ni cahān ña: Cándíje ná jéē maá ní cúu Cristo, Sēhe Yaā Dios, jeē achí tutu jeē quíji ini ñayɨ̄vɨ, áchí ña.

SAN JUAN 2:11

Jniñu yáha jéē ni sáha Jesús ini ñuu Caná ndañúū Galilea cúu jniñu jéhnu xīhna ñúhún jéē ni sáha ya jeē steén yā poder yā. Te súcuan ni steén yā jeē yóhyo cújéhnu ya. Te tēe cáscuáha jíín yá ni cacandíje de ya.

SAN JUAN 4:19

Te jeē súcuan ni cahān yā, te ni cahān ña: Tátā, ɨɨn tēe nácani jnūhun Yaā Dios cúu ní, jéni ni ná.

SAN JUAN 4:25

Te ni cahān ñahan ún: Jíní na jéē quíji Mesías jeē cúu Cristo, Yaā jeē tají Yaā Dios. Te núu ni quee maá yá, te stéén cají yá tāca jnúhun nuū yō.

SAN JUAN 4:42

Te ni cacahān i jíín ñahan ún: Tuá niní jéē cahán maá ró te candíje ri yā, chi je ni cajini sōho ri jnūhun cáhán maá yá. Te cájini yō jeē maá yá cúu ndije Cristo, Yaā jnama ñayuu ñayɨ̄vɨ́. Achí i.

SAN JUAN 6:2

Te yōhyo cuehē ñayuu ni candiquīn i ya, chi ni cajito i tācá jniñu jéhnu jeē steén yā poder yā jeē ní nasávāha ya ñayuu cácuhū.

SAN JUAN 6:26

Te ni cahān Jesús: Jendaá cahán rī jiín ró jeē cánanducú ró ruhū sɨquɨ̄ jeē ní cayeji rō nde ni candutú chíji ró, te nasūu sɨ́quɨ̄ jeē ní cajito ró táca jniñu jéhnu jeē steén rī poder rī.

SAN JUAN 6:30

Yūcuán na te ni cacahān i: Núu súcuan ¿te na jniñu jéhnu sáha ní coto ná jíjnáhan ná te candíje ná jéē ní tají yá nihín? ¿Na jniñu cúu jeē sáha ní?

SAN JUAN 7:40

Te sava ñayuu cuehē ún, ná ni cajini sōho i jnūhun yáha, te ni cacahān i: Jendaá jeē tée yáha cúu jeē achí tutu jeē quiji de nacani de jnūhun Yaā Dios, achí i.

HECHOS 7:37

Te máá Moisés cúu jeē suhva ni cahān de jnūhun yáha jíín jnáhan ñuu yō Israel: Máá Yáā Dios cani ya Yaā nacani jnūhun nuū rō jijnáhan ró nájnūhun ni jeni ya ruhū. Te cuu ya ɨɨn jnáhan ñuu yō. Te na chúhun ni rō jnūhun cahān Yaā ún, áchí.