SAN JUAN 5:36 - New Testament in Mixtec Atatláhuca

³⁶ Te íyó jéē steén cají gá jeē cujéhnu ri vēsú jeē ni cáhān Juan. Suu jniñu sáha ri, jniñu jeē ní tejníñu Tátá rī ruhū jeē sáha ri, jniñu un stéén ndije jeē maá yá ni tají rúhū vēji ri.

SAN JUAN 5:36 ပူးပေါင်းရင်းမြစ်များ

SAN MATEO 11:4

Te ni cahān yā jiín de: Cuángoo te castūhun ró nuū Juan tācá jniñu cájito ró jíín jnúhun cájini ró.

SAN LUCAS 2:49

Yūcuán na te ni cahān i: ¿Naun cánanducú ní sāña? ¿A tu cájini ni jéē cánuú cocu ná jíín jniñu Tátá na Yaā Dios? Achí i.

SAN JUAN 10:25

Te ni cahān Jesús: Je ni castūhun rí nuū rō, te tu ní cácandíje ró. Tācá jniñu jeē ní tejníñu Tátá rī ruhū sáha ri, yūcuan stéén cají jéē maá yá ni tají rúhū.

SAN JUAN 11:37

Te sava i chi ni cacahān i: Tēe yáha jéē ní nanune de tɨnūu tée cuáá, ¿á tu ní cúu sáha de jeē ma cúū Lázaro nuú? áchí i.

SAN JUAN 15:24

Núu jeē tu ní sáha ri jniñu jéhnu nuū i jeē ní ɨɨn tēe tu ní sáha de súcuan, te ma cóo cuēchi i núú. Te vijna je ni cajito i jniñu ún, te vēsú súcuan te cáquɨtɨ̄ ni i nuū rī jiín núū Tatá rī.

SAN JUAN 17:4

’Je ni steén na núū ñáyuu ñayɨ̄vɨ jéē cujéhnu ní, te je sínu ná jniñu ní ndacu ní núū ná.

SAN JUAN 2:23

Te ná íne Jesús ñuu Jerusalén máá vico pascua, te cuehē ñayuu ni cacandíje i jeē cúu ya Cristo, chi ni cajito i tācá jniñu jéhnu sáha ya jeē steén yā poder yā.

SAN JUAN 3:17

Chi tu ní tájí Yaā Dios Sēhe ya ini ñayɨ̄vɨ jéē snahnú ndetū yā ñayuu, chi sa suhva jeē jnáma ya ñayuu.

SAN JUAN 3:2

Tēe yáha ní quiji de nuū Jesús ɨɨn jecuáā, te ni cahān de jíín yá: Maestro, je cájini na jéē maá Yaā Dios ni tají yá nihín jéē steén ni jnúhun ya nuū na jíjnáhan ná. Chi núu tu íyó Yaā Dios jiín ní, te ma cúu sáha ní ni ɨɨn jniñu jéhnu nájnūhun sáha máá ní jeē steén ni poder ní, áchí de.

SAN JUAN 4:34

Te ni cahān Jesús: Jeē ní cachi rī jeē iyó jéē cáji rī cúu jeē cúsɨɨ̄ ni rī sáha ri jniñu cúní Yaā ní tají rúhū vēji ri, jiín jéē sínu ri jniñu ún.

SAN JUAN 5:32

Te íyó ɨnga jeē cahán jeē cúu ri Sēhe ya. Te jíní rī jeē jnúhun un jéē cahán yā, chi níhín jníñu.

HECHOS 2:22

’Jeē yúcuan níhín tée ñuu yō Israel, cuni nahín gá ni jnúhun yáha jíjnáhan ní. Ni steén Yaā Dios jeē ní tají yá maá Jesús, Yaā ní jehnu ñuu Nazaret, chi máá Yáā Dios ni jēhe ya jeē ni sáha Jesús jniñu jéhnu mēhñu máá ní, jiín jniñu jeē steén jeē cujéhnu ya, te jniñu un ní canaa ni ni ní cajito ní. Te je cájini vāha ní jéē súcuan ni cuu.

1 JUAN 5:9

Te cájetáhú yó jnūhun cácahān ndaā tēe, te jéhnu ga cúu jnūhun cáhán maá Yaā Dios. Te jnūhun ni cahān yā cúu jnūhun sɨquɨ̄ Séhe ya.