SAN JUAN 3:26 - New Testament in Mixtec Atatláhuca

²⁶ Te ni quecoo de nuū Juan, te ni cacahān de: Maestro, tēe ní ine jíín ní yūte Jordán ichi núū cáne niāndii, jeē ní nacani ní jnúhun de nuū ná, vijna te scuándute máá de, te ndɨvii ñayuu cuangoo i nuū de.

SAN JUAN 3:26 ပူးပေါင်းရင်းမြစ်များ

SAN MATEO 23:7

Te suni cánujnahan ni de jeē cahán yɨñúhún ñáyuu jiín de nuū calle, jiín jéē cahán i maestro jiín de.

SAN MATEO 23:8

’Te máá ró jijnáhan ró, ma cuáha ró jnúhun jeē cahán ñayuu maestro jiín ró. Chi ɨnuú cácuu ndɨhɨ ró jéē cácuu ró hermano, te íyó ɨɨn‑ni Maestro rō jeē cúu ruhū, Cristo.

SAN JUAN 1:15

Te Juan ni nacani de jnūhun ya, te ni cahān de: Yaā yáha cúu jeē ni cáhān rī náa áchí rí jeē Yaā quiji chi cújéhnu ga yā vēsú ruhū, chi je íyó yá nde ná tu cacu ri, achí de.

SAN JUAN 1:7

Tēe un ní quiji de jeē nácani cájí de jnūhun máá Yaā cúu luz, návāha candíje tāca ñáyuu jeē jiín jnúhun cáhán de.

SAN JUAN 1:9

Te máá Yaā cúu luz ndije jeē steén ini anuá tāca ñáyuu, nde saá ní quiji ya ini ñayɨ̄vɨ́.

SAN JUAN 11:48

Te núu condēhé‑ni yó, te ndɨvii ñayuu candíje i de. Te quijicoo tāca tée nación Roma jeē cácujéhnu, te canu de templo cáhnu yó, te scuíté núu de ñayuu nación yō, achí de jíjnáhan de.

SAN JUAN 12:19

Yūcuán na te ni cacahān maá tée fariseo: Vijna te je ni cajito yó jéē ma cúu cuɨtɨ gā casɨ yō. Chi jíto yó jéē ndɨvii cuɨtɨ ñayuu cuangoo i jíín de. Achí de jíjnáhan de.

SAN JUAN 3:2

Tēe yáha ní quiji de nuū Jesús ɨɨn jecuáā, te ni cahān de jíín yá: Maestro, je cájini na jéē maá Yaā Dios ni tají yá nihín jéē steén ni jnúhun ya nuū na jíjnáhan ná. Chi núu tu íyó Yaā Dios jiín ní, te ma cúu sáha ní ni ɨɨn jniñu jéhnu nájnūhun sáha máá ní jeē steén ni poder ní, áchí de.

SAN JUAN 4:1

Te tēe grupo fariseo, ni canihīn de jnūhun jeē iyó cuéhē gā tēe cáscuáha jíín Jesús vēsú jiín Juan, jiín jéē cuehē gā ñayuu scuándute ya vēsú Juan.

SAN JUAN 4:2

Te nasūu jéē scuándute máá yá, chi tēe cáscuáha jíín yá cúu jeē cascuándute.

SAN JUAN 4:31

Te nde ná tu jinūcoo i, te tēe cáscuáha jíín yá ni cacahān ndahú de jíín yá: Maestro, caji ni stáā víī, achí de.

SAN JUAN 5:33

Máá ró ni catají ró tēe ni cacajnūhún de Juan. Te Juan chi ndaā ni cahān de jnūhun ri.