SAN JUAN 20:25 - New Testament in Mixtec Atatláhuca

²⁵ Yūcuán na te sava ga tēe cáscuáha un, ní cacahān de jíín Tomás: Ni cajito ri nuū maá Jítoho yō. Te ni cahān Tomás: Núu tú coto ri nuū ni túji ndaha ya ni sáha ndūyu cāa, te núu tú chune ri xinī ndáha ri nuū ni íne ndūyu cāa, te núu tú chune ri ndaha ri xiin ya, te ma candíje cuɨtɨ rī, achí de.

SAN JUAN 20:25 ပူးပေါင်းရင်းမြစ်များ

SAN MATEO 27:42

Núu ɨnga ñayuu ni jnama de, ¿te naun tu cúu jnama de máá de vijna? Núu Rey ñayuu Israel cúu de, te na núu de jicā cruz, návāha candíje yó de.

SAN MARCOS 16:11

Te nuū ní cajini de jnūhun jeē ní jito ña nuū yā jeē técu yā, te tu ní cácandíje de jnūhun cáhán ña.

SAN MARCOS 16:13

Te ni canandicó de, ni cacastūhún de nuū tāca gá jnáhan de. Te ni tu ní cácandíje tucu jnáhan de jeē cácahān ndɨndúú de.

SAN MARCOS 16:14

Te cúcuéé gá te ni nane ndijin yā nuū ndɨhúxí ɨɨn de jeē cáyūcú de mesa cáyeji de staā. Te ni cahān yā nuū de, chi nīhni ni de jeē tu cácandíje de jeē cácahān jnáhan de un, jéē ní natecu yā ni cajito de ya.

SAN LUCAS 24:25

Yūcuán na te ni cahān maá yá jiín de: Tēe tu cájecūhun cuɨtɨ ni cácuu ró. Yōhyo uhū cácandíje ró táca jnúhun Cristo ni cacahān tēe ni canacani jnūhun Yaā Dios nde jenahán.

SAN JUAN 1:41

Te Andrés, yachī ni jenanducú de ñani de Simón, te ni cahān de jíín: Ni caquijnáhan ri jiín Mesías, achí de. Te jnūhun un cúní cahān Cristo, Yaā ní tají Yaā Dios.

SAN JUAN 20:27

Te ni cahān‑ni ya jiín Tomás: Chune xinī ndáha ró ini ndaha ri yāhá te coto ró. Te scáá ndaha ró, te chune ró xiin ri nuū ni tújī. Te ma cáni sɨquɨ́ gá ni rō, chi sa suhva na cándíje ró.

SAN JUAN 21:7

Yūcuán na te tēe scuáha jeē maní gā Jesús jiín, ní cahān de jíín Pedro: Máá Jítoho yō cúu, áchí de. Te jeē ní jini sōho Simón Pedro jeē maá Jítoho yō cúu, te ni nachuhun de sahma de, chi ni tava de jeē sájniñu de. Te ni ndava‑ni de nuū mar cuahān de nuū yā.

SAN JUAN 6:30

Yūcuán na te ni cacahān i: Núu súcuan ¿te na jniñu jéhnu sáha ní coto ná jíjnáhan ná te candíje ná jéē ní tají yá nihín? ¿Na jniñu cúu jeē sáha ní?

HEBREOS 3:12

Núu súcuan hermano, coto má conéé ánuá ni ɨɨn ró jéē cáca yátá ró jeē tuá candíje ró Yaā Dios, Yaā técu.

HEBREOS 3:18

¿Te ndé‑ni i cúu jeē ni cáhān teyɨ́ yá jeē ma quɨ́vɨcoo cuɨtɨ i nuū ndetātú i sáha ya? Suu máá ñáyuu jeē tu ní cájendetū nuū yā.