SAN JUAN 2:4 - New Testament in Mixtec Atatláhuca

⁴ Te ni cahān Jesús jiín ña: ¿Naun cáhán ni súcuan jíín ná nánā? Chi ná tu quee quɨvɨ̄ jeē sáha ná jniñu jéhnu, áchí yá.

SAN JUAN 2:4 ပူးပေါင်းရင်းမြစ်များ

SAN MATEO 15:28

Yūcuán na te ni cahān Jesús: Yōhyo vāha jeē cándíje nīhin ní súcuan, nánā. Te na sáha ná jéē cuní ni, áchí yá. Te máá hora un ní nduvāha‑ni sēhe sɨ́hɨ́ ña.

SAN MATEO 8:29

Te ni cacana cóhó de ni casáha tachī: ¿Naun vēji ní núū ná, Jesús Sēhe Yaā Dios? ¿A véji ní yáha jeē stóho ní sáña ndé ná tu quee maá quɨ́vɨ̄? áchí.

SAN LUCAS 2:49

Yūcuán na te ni cahān i: ¿Naun cánanducú ní sāña? ¿A tu cájini ni jéē cánuú cocu ná jíín jniñu Tátá na Yaā Dios? Achí i.

SAN JUAN 12:23

Te ni cahān Jesús jiín de: Je ni quee quɨvɨ̄ jeē ndujéhnu Yaā ní nduu tēe.

SAN JUAN 13:1

Te jehíni ɨnga quɨvɨ̄ te quejéé vico pascua. Te je jíní Jesús jeē ní quee quɨvɨ̄ jeē quénda ya ñayɨ̄vɨ yáha quínuhun yā nuū Tatá yā. Te níní cúndáhú ni yā ñayuu maá yá jeē cáyūcú ini ñayɨ̄vɨ́. Te vijna jeē jínu jeē íne ya ñayɨ̄vɨ́, te sáha ya ɨɨn jniñu jeē steén cají yá jeē cundáhú ni yā i.

SAN JUAN 2:3

Te ni ndoco vino. Te náná Jesús ni cahān ña jíín yá: Ni ndoco vino i, áchí ña.

SAN JUAN 20:13

Te ni cacahān yā jiín ña: ¿Najehē ndahyú rō? Te ni cahān ña: Ni catava de Jitoho ná, te tu jíní na ndé nuū ní cachune de ya.

SAN JUAN 20:15

Te ni cahān yā jiín ña: ¿Najehē ndahyú rō? ¿Ndé ɨɨn nánducú ró? achí yá. Te máá ña jéni ni ña jeē tée ndíto huerto cúu ya. Te ni cahān ña jíín yá: Núu máá ní ni quenehen ní yá, te cachi ní ndé nuū ni jéchune ní yá, te na quínuquihin ná yá, achí ña.

SAN JUAN 7:30

Yūcuán na te ni canducú de jnɨɨ de ya. Te ni ɨɨn de tu ní cúu jnɨɨ de ya, chi ná tu quee maá quɨ́vɨ̄ jeē jnɨ́ɨ de ya.

SAN JUAN 7:6

Yūcuán na te ni cahān Jesús: Ná tu quee maá quɨ́vɨ̄ jeē quihín rī. Te máá ró jijnáhan ró chi na‑ni quɨvɨ̄‑ni te cuu quingoo ró.

SAN JUAN 7:8

Cuángoo máá ró vico ún. Te máá rí chi ma quihín rī vijna, chi ná tu quee maá quɨ́vɨ̄ cánuú quíhīn rī. Achí yá.

SAN JUAN 8:20

Tāca jnúhun yáha ní cahān Jesús jeē steén yā ini templo nuū cáyūcu yéjnū jeē cásocō i xūhún. Te tú ni ɨɨn de ní jnɨ́ɨ de ya, chi ná tu quee maá quɨ́vɨ̄ jeē jnɨ́ɨ de ya.

2 CORINTIOS 5:16

Jeē yúcuan tuá casáha ri cuenta ndese‑ni cándāa ñayuu, nájnūhun cásáha ñayuu ñayɨ̄vɨ́. Te vēsú súcuan ni casáha ri cuenta sɨquɨ̄ Cristo nde saá, jeē ɨɨn tēe‑ni cúu ya, te vijna chi cájini rī jeē cúu ya Sēhe Yaā Dios.