SAN JUAN 19:7 - New Testament in Mixtec Atatláhuca

⁷ Te ni cacahān ñayuu hebreo un: Cánevāha ná ɨɨn ley, te jeē sɨquɨ́ ley un cánuú jéē cúū de, chi sáha de máá de jeē Séhe Yaā Dios cúu de.

SAN JUAN 19:7 ပူးပေါင်းရင်းမြစ်များ

SAN MARCOS 15:39

Te tēe ñuu Roma jeē cúu capitán, índichi de nuū yā, te ni jini de jeē ní cana jee ya te ni jihī yā. Te ni cahān de: Jendaá ndije jeē Séhe Yaā Dios cúu tēe yáha, áchí de.

SAN JUAN 19:8

Te jeē ní jini sōho Pilato jnūhun yáha, te víhyá gā ni yūhú de.

SAN JUAN 5:18

Te sɨquɨ̄ jeē ni cáhān yā súcuan, te tēe hebreo un víhyá gā cácuni de cahni de ya. Chi nasūu máá ɨɨn‑ni jeē tu squícu ya jeē cahán ley sɨquɨ̄ quɨvɨ̄ ndétātú, chi suni jeē ni cáhān yā jeē Tatá yā cúu Yaā Dios, te súcuan sáha ɨnuú yá maá yá jiín Yaā Dios.

HECHOS 18:13

Te ni cacahān i jíín Galión: Tēe yáha yōhyo scáhán de tāca ñáyuu jeē ɨnga modo chiñúhún i Yaā Dios, suu ɨɨn modo jeē cúu contra sɨquɨ̄ ley, achí i.

ROMANOS 1:4

Te ni natecu yā mēhñu ndɨ́yɨ ni sáha Espíritu iī, te súcuan ni steén Yaā Dios jeē cúu ya Sēhe ya jeē ndíso poder.