SAN JUAN 19:6 - New Testament in Mixtec Atatláhuca

⁶ Te nuū ní cajito sutū cácujéhnu jíín táca policía nuū yā, te ni cacana jee de: Cata caa ní de jicā cruz, na cúū de. Te ni cahān Pilato: Núu súcuan te najnɨɨ máá ró de te cahni rō de. Chi ruhū, tú na cuēchi níhín rī sɨquɨ̄ de.

SAN JUAN 19:6 ပူးပေါင်းရင်းမြစ်များ

SAN MATEO 26:58

Te Pedro chi jícá‑ni ndíquín de ya, te ni jinū de patio sutū cujéhnu ga. Te ni quɨ̄vɨ de ini patio, te ni cucōo de jíín táca policía, návāha coto de ndese coo sɨquɨ̄ yā.

SAN MATEO 27:22

Te ni cajnūhún Pilato: Núu súcuan te ¿ndese cácuni rō jeē sáha ri jiín Jesús, tēe cúu Cristo? achí de. Te ni cacahān ndɨhɨ i: Cata caa ní de jicā cruz, na cúū de, áchí i.

SAN MATEO 27:24

Te ni jini Pilato jeē tu cúndeyɨ́ de jíín ñáyuu, chi sa víhyá gā cácuvaā i. Te ni ndacu de jniñu jeē na quíji ndute, te ni nandahá de nuū ñáyuu cuehē ún. Te ni cahān de: Jeē nándahá rí yāha cúu seña jeē tú na cuēchi condee sɨquɨ̄ rī jeē cúū tēe vāha yāhá. Chi sɨquɨ̄ maá ró jijnáhan ró na cóndee. Achí de.

SAN LUCAS 23:4

Te ni cahān Pilato jiín sútū cácujéhnu jíín ñáyuu cuehē ún: Tú ni ɨɨn jnūhun stɨ́vɨ cáhán tēe yáha jéē nihín rī cuēchi sɨquɨ̄ de, áchí de.

SAN JUAN 18:3

Te ni jinū de yūcuan jíín ɨɨn grupo soldado jiín jecu policía cándito templo, jeē ní catají sutū cácujéhnu jíín tée grupo fariseo. Te cándiso de machete, te cájnɨɨ de linterna jiín yɨtɨ.

SAN JUAN 18:31

Te ni cahān Pilato: Cuángoo jíjnáhan ró, te sándaā rō sɨquɨ̄ de jíín ley cánevāha máá ró. Te ni cacahān ñayuu hebreo un: Máá ná jeē cácuu ná ñáyuu hebreo, tú na permiso cánevāha ná jéē cáhni ná ni ɨɨn ñayuu.

SAN JUAN 18:38

Te ni cahān Pilato: ¿Ndese cuni yō ndé ɨɨn cúu máá jnúhun ndaā? Te jeē ni cáhān de jnūhun yáha, te ni quenda tucu de nuū ñáyuu hebreo. Te ni cahān de jíín i: Tú cuɨtɨ na cuēchi níhín rī sɨquɨ̄ de.

SAN JUAN 19:15

Te ni cacana jee i: Na cúū de. Cata caa ní de jicā cruz, achí i. Te ni cahān Pilato jiín i: ¿A jéē cata caa rī rey rō jicā cruz naún? Te sutū cácujéhnu un ní cacahān de: Tuá na ɨnga rey cánevāha ná jíjnáhan ná, chi máá‑ni rey Roma jeē cujéhnu ndácu jniñu nuū ná.

SAN JUAN 19:4

Yūcuán na te ni quenda Pilato ɨnga jínu, te ni cahān de jíín ñáyuu: Yāhá condēhe ró tava rī de, návāha na cúni rō jeē tú na cuēchi níhín rī sɨquɨ̄ de.

HECHOS 2:23

Te máá ní ni cajnɨɨ ní yá, te ni cajendēca ní yá nuū tée xeēn ni cajehni de ya jicā cruz ni casáha ní. Te nde jiín tiempo je ni jini Yaā Dios jeē súcuan sáha ní jíjnáhan ní, chi súcuan je ni sándaā yā.

HECHOS 7:52

¿A ní īyo tēe nácani jnūhun ya nde jenahán jeē tu ní sáha ndevāha jíí yō jiín de? Chi jíí yō ni cajehni de tēe ni canacani jnūhun jeē quíji máá Yáā ndaā. Te je ni quiji Yaā ún, te máá ní ni canastúu ni yá nuū tée ni cajehni de ya.