SAN JUAN 18:37 - New Testament in Mixtec Atatláhuca

³⁷ Yūcuán na te ni cahān Pilato jiín yá: ¿Te á ɨɨn rey cúu ró jéē súcuan? Te ni cahān Jesús: Rey cúu ri, nájnūhun cáhán rō. Ni quiji ri ni cacu ri ini ñayɨ̄vɨ yáha návāha nacani ri jnūhun ndaā. Te ndɨhɨ ñayuu cájetáhú jnúhun ndaā, cájini nahín i jnūhun cáhán rī. Achí yá.

SAN JUAN 18:37 ပူးပေါင်းရင်းမြစ်များ

SAN MATEO 26:64

Te ni cahān yā: Suu ri cúu, nájnūhun cáhán rō. Te na cástūhun rí nuū rō jijnáhan ró jéē tāca quɨ́vɨ jeē quíji te coto ró rúhū, Yaā ní nduu tēe, condee rī lado váha Yaā iyó poder. Te coto ró jéē ndíji ri ichi ándɨvɨ́ jíín vícō. Achí yá.

SAN MATEO 27:11

Te nuū ní jinūcoo de jíín Jesús nuū gobernador, tēe cúu Pilato, te ni cajnūhún de ya: ¿A máá ró cúu Rey ñayuu hebreo? achí de. Te ni cahān Jesús: Suu ri cúu, nájnūhun cáhán rō.

SAN MARCOS 14:62

Te ni cahān yā: Suu ri cúu. Te coto ró jéē ruhū, Yaā ní nduu tēe, condee rī lado váha Yaā iyó poder, te ndiji ri ichi ándɨvɨ́ jíín vícō, achí yá.

SAN MARCOS 15:2

Te Pilato ni cajnūhún de ya: ¿A máá ró cúu Rey ñayuu hebreo? achí de. Te ni cahān yā: Suu ri cúu, nájnūhun cáhán rō.

SAN LUCAS 22:70

Yūcuán na te ndɨhɨ de ni cacajnūhún de ya: ¿A máá ró cúu Sēhe Yaā Dios núu súcuan? Te ni cahān yā jiín de: Suu ri cúu, nájnūhun cácahān rō, achí yá.

SAN LUCAS 23:3

Yūcuán na te Pilato ni cajnūhún de ya: ¿A máá ró cúu Rey ñayuu hebreo? Te ni cahān yā: Suu ri cúu, nájnūhun cáhán rō, achí yá.

SAN JUAN 1:14

Te máá Yaā cúu Jnūhun Yaā Dios ni nduu ya tēe, te ni condee yā jiín yó. Te ni cajito yó jéē yóhyo luu cújéhnu ya, chi máñúhún‑ni ya cúu Sēhe Tátá yā, Yaā cujéhnu súcuan. Te máni máá jéē sáha ya jeē váha yóhó, te máni máá jnúhun ndaā cahán yā.

SAN JUAN 1:17

Moisés ni steén de ley Yaā Dios nuū ñáyuu jenahán, te Jesucristo chi sáha ya jeē váha yóhó te stéén yā tāca jnúhun ndaā Yaā Dios nuū yō.

SAN JUAN 14:6

Te ni cahān Jesús jiín de: Máá rí cúu ichi jinū rō andɨvɨ́, te máá rí cúu jnūhun ndaā jiín jnúhun cotecu rō nɨɨ́ cáni. Te ni ɨɨn ma jinú nuū Tatá rī te núu tú ruhū.

SAN JUAN 3:32

Te nácani ya jnūhun jeē ní jito ya jiín jéē ní jini sōho ya. Te ñayuu chi tu cácandíje i jnūhun cáhán yā.

SAN JUAN 7:17

Núu ɨɨn ñayuu cuní i sáha i jniñu cúní Yaā Dios, ñayuu ún chi jecūhun ni i núu nde nuū Yaā Dios vēji jnūhun stéén rī, chí jnúhun jeē jéni ni maá‑ni ri cúu.

SAN JUAN 8:14

Te ni cahān Jesús jiín de jíjnáhan de: Vēsú cáhán rī jehē maá rí, te íyó ndáā jnūhun cáhán rī. Chi jíní rī ndé nuū véji ri jiín ndé nuū quihín rī. Te róhó tu cájini rō ndé nuū véji ri ni ndé nuū quihín rī.

SAN JUAN 8:45

Te ruhū chi cáhán rī jnūhun ndaā, te jeē yúcuan cúu jeē tu cácandíje ró rúhū.

SAN JUAN 8:46

Te ni ɨɨn ró ma nihín rō cuēchi sɨquɨ̄ rī, chi tú cuɨtɨ na cuēchi ri. Te máni jnūhun ndaā cahán rī, ¿te naun tu cácandíje ró rúhū?

SAN JUAN 8:47

Ñayuu cácuu sēhe Yaā Dios, chi cáchusóhó i jnūhun Yaā Dios. Te nasūu séhe Yaā Dios cácuu ró, te jeē yúcuan tu cácuni rō chusóhó ró. Achí yá jiín de.

1 TIMOTEO 6:13

Te cáhán nīhin ri jiín ró, jíto máá Yaā Dios, Yaā jeē sáha jeē técu tācá‑ni, jíín Jesucristo, Yaā jeē cají ní cahān yā ni nacani ya jnūhun vāha nuū Poncio Pilato.

1 PEDRO 1:22

Te vijna chi je ni candundoo ánuá rō, chi ni cajetáhú ró jnūhun ndaā ni sáha Espíritu jiín ró, návāha cundáhú ndije ni rō hermano cácandíje. Núu súcuan te na cúndáhú ndasɨ́ ni rō jnáhan ró nde jiín ini jiín ánuá rō.

1 JUAN 2:21

Núu súcuan te tée ri yāha cuájeē nuū rō, sɨquɨ̄ jeē cájini rō jnūhun ndaā, nasūu sɨ́quɨ̄ jeē tu cájini rō. Te cájini rō jeē tú na jnūhun stáhú íyó nuū jnúhun ndaā.

1 JUAN 3:14

Te máá yó chi sɨquɨ̄ jeē cundáhú ni yō jnáhan yó, súcuan jíní yō jeē jé ni cācu yó jéē cótecu yō nɨɨ́ cáni. Te ñayuu jeē tu cúndáhú ni jnáhan, íyó i jíín jnúhun jnahnū ndetū i.

1 JUAN 3:19

Te súcuan cundaā ni yō jeē squícu yó jnúhun ndaā, te cucáhnu ni yō jeē váha sáha yó núū yā.

1 JUAN 4:6

Te máá yó chi sēhe Yaā Dios cácuu yó. Te ñayuu jeē cájini i ndese Yaā cúu Yaā Dios, máá i cájini nahín i jnūhun cácahān yō. Te ñayuu jeē násūu séhe Yaā Dios cácuu, máá i tu cájini nahín i jnūhun cácahān yō. Te súcuan nacuni yō ndé‑ni cúu jeē cahán jnūhun ndaā jiín ndé‑ni cúu jeē cahán jnūhun stáhú.

1 JUAN 5:20

Te suni jíní yō jeē ní quiji Sēhe Yaā Dios, te ni sáha ya jeē jécūhun ni yō, návāha cuni yō ndese Yaā cúu máá Yaā ndaā. Te ndúú yó jiín Yaā ndaā, suu jíín máá Séhe ya Jesucristo. Máá yá cúu ndije Yaā ndaā, te máá yá sáha jeē cótecu yō nɨɨ́ cáni.

APOCALIPSIS 1:4

Máá rí cúu Juan, te tée ri jnūhun yáha cuájeē nuū rohó, ndɨhúxá grupo ñayuu cácandíje jeē cáyūcu Asia. Te ñúhun ni rī jeē maá Yaā Dios na sáha ga yā jeē váha róhó jíjnáhan ró, te sáha ya jeē coo ndeyɨ́ coo sɨɨ̄ ni rō. Chi máá yá cúu Yaā iyó vijna, te ni īyo ya nɨɨ́ cáni, te coo ya nɨɨ́ cáni. Te ñúhun ni rī jeē suni súcuan sáha ndɨhúxá Espíritu jeē cáhīin ya yuhu mesa nuū ndácu Yaā Dios jniñu.

APOCALIPSIS 3:14

’Te tee ró jnúhun yáha na quíhín nuū jeē cujéhnu nuū ñáyuu cácandíje ñuu Laodicea: Súcuan cáhán ruhū, maá Yaā cúu jnūhun ndaā, Yaā cúu testigo vāha jeē cahán ndaā. Te máá rí ni sáha ndɨhɨ jeē ni cáhān Yaā Dios jeē na jécōo.