SAN JUAN 18:36 - New Testament in Mixtec Atatláhuca

³⁶ Te ni cahān Jesús: Nasūu jéē ndácu ri jniñu nájnūhun cándacu tāca rey ñayɨ̄vɨ yáha. Chi núu jeē ñáyuu ñayɨ̄vɨ ní casáha jeē cúu ri rey, yūcuán na te tēe cándiquīn ruhū, cuajnáhan de návāha ma quɨ́vɨ ri ndaha jnáhan ri hebreo nuú. Te nasūu núū ñayɨ̄vɨ yáha cúu jeē ndácu ri jniñu vijna. Achí yá.

SAN JUAN 18:36 ပူးပေါင်းရင်းမြစ်များ

SAN MATEO 26:53

¿Te á tu cájini rō jeē cuu cacān tahú rī nuū Tatá rī, te vijna ñúhún tají yá víhyá gā uxī uū mil ndajéhé andɨvɨ́ jeē jnama ruhū?

SAN LUCAS 12:14

Te ni cahān yā jiín de: ¿Ndé ɨɨn ni jeni ruhū jeē ndacu ri jniñu tahū sáva tahū rō? Achí yá.

SAN JUAN 18:35

Te ni cahān Pilato: ¿Chí tée hebreo cúu ri jeē cúni rī? Ñayuu nación maá ró jiín sútū cácujéhnu ni cachihi róhó ndaha ri. ¿Na vé ni sáha ró núu súcuan? Achí de.

SAN JUAN 6:15

Te ni jini Jesús jeē cácuni i sáfuerza i ya jeē cuu ya rey i núú. Te ni cujiyo tucu máá ɨɨn‑ni ya, ni caa ya cuahān yā nuū sucún gá yucu.

SAN JUAN 8:15

Máá ró chi cuenta ñayuu ñayɨ̄vɨ cásándaā rō sɨquɨ̄ jnúhun cáhán rī. Te ruhū chi tu sándaā mañúhún rí sɨquɨ̄ ni ɨɨn ñayuu.

ROMANOS 14:17

Chi jeē ndácu Yaā Dios jniñu nuū yō, nasūu sɨ́quɨ̄ ndese caji yō coho yó cúu, chi sa suhva sɨquɨ̄ jeē na sáha yó jniñu ndaā, te coyūcu mánī yō jiín jnáhan yó, te cusɨɨ̄ ni yō sáha Espíritu Santo.

1 TIMOTEO 6:13

Te cáhán nīhin ri jiín ró, jíto máá Yaā Dios, Yaā jeē sáha jeē técu tācá‑ni, jíín Jesucristo, Yaā jeē cají ní cahān yā ni nacani ya jnūhun vāha nuū Poncio Pilato.