SAN JUAN 18:33 - New Testament in Mixtec Atatláhuca

³³ Te ni ndɨ̄vɨ Pilato ini palacio, te ni cana de jeē na quíji Jesús. Te ni cajnūhún de ya: ¿A máá ró cúu Rey ñayuu hebreo naún?

SAN JUAN 18:33 ပူးပေါင်းရင်းမြစ်များ

SAN MATEO 27:11

Te nuū ní jinūcoo de jíín Jesús nuū gobernador, tēe cúu Pilato, te ni cajnūhún de ya: ¿A máá ró cúu Rey ñayuu hebreo? achí de. Te ni cahān Jesús: Suu ri cúu, nájnūhun cáhán rō.

SAN MATEO 27:27

Yūcuán na te soldado un cuangoo de jíín Jesús ini palacio. Te ni cacana de ndɨhɨ jnáhan de ni candutútú núū yā.

SAN MARCOS 15:2

Te Pilato ni cajnūhún de ya: ¿A máá ró cúu Rey ñayuu hebreo? achí de. Te ni cahān yā: Suu ri cúu, nájnūhun cáhán rō.

SAN LUCAS 23:2

Te yūcuan ní caquejéé de cácahān de cuēchi sɨquɨ̄ yā: Ni canihīn na tée yáha jéē stónda de ñayuu sɨquɨ̄ tohō. Te cáhán de jeē tú vāha jeē cuāha ná xúhun renta nuū rey nación Roma jeē ndácu jniñu nuū nación na. Te suni cáhán de jeē maá de cúu Cristo, Rey jeē ní tají Yaā Dios. Achí de jíjnáhan de.

SAN JUAN 1:49

Yūcuán na te ni cahān Natanael jiín yá: Maestro, máá ní cúu Sēhe Yaā Dios, máá ní cúu Rey ñuu yō Israel, achí de.

SAN JUAN 12:13

Te ni cajehnde i ndaha ñúú, te ni quendacoo i cuajnahan i ya. Te cácana jee i: Yōhyo cújéhnu Yaā Dios. Yōhyo vāha Yaā cúu Yaā jeē véji jíín jniñu máá Jítoho yō Yaā Dios. Yōhyo vāha Yaā cúu Rey nación yō Israel. Achí i.

SAN JUAN 12:15

Ñayuu ñuu Jerusalén jeē naní ñuu Sion, ma yūhu ró jijnáhan ró. Yāhá condēhe ró jeē véji Rey rō, te yósó yá ɨɨn burro. Achí tutu.

SAN JUAN 18:34

Te ni cahān Jesús jiín de: ¿A cájnūhun ró ruhū jeē súcuan jéni ni maá ró, chí jéē ní cacastūhun ñáyuu hebreo nuū rō?

SAN JUAN 18:37

Yūcuán na te ni cahān Pilato jiín yá: ¿Te á ɨɨn rey cúu ró jéē súcuan? Te ni cahān Jesús: Rey cúu ri, nájnūhun cáhán rō. Ni quiji ri ni cacu ri ini ñayɨ̄vɨ yáha návāha nacani ri jnūhun ndaā. Te ndɨhɨ ñayuu cájetáhú jnúhun ndaā, cájini nahín i jnūhun cáhán rī. Achí yá.

SAN JUAN 18:38

Te ni cahān Pilato: ¿Ndese cuni yō ndé ɨɨn cúu máá jnúhun ndaā? Te jeē ni cáhān de jnūhun yáha, te ni quenda tucu de nuū ñáyuu hebreo. Te ni cahān de jíín i: Tú cuɨtɨ na cuēchi níhín rī sɨquɨ̄ de.

SAN JUAN 19:12

Yūcuán na te nde hora un ndúcú ndéyɨ́ Pilato ndese siáá de ya. Te ñayuu hebreo chi cácana jee i: Núu siáá ni tée jiñā, te tu cúu ní amigo rey Roma jeē cujéhnu ndácu jniñu núu súcuan. Chi tāca tée jeē sáha de rey maá de, núu súcuan te cúu de enemigo sɨquɨ̄ rey un. Achí i.

SAN JUAN 19:3

Te ni jecondichi de nuū yā, te ni cacahān catá de: Nacā jeē váha rey cúu Rey ñayuu hebreo. Te ni cacani de nuū yā.

SAN JUAN 19:4

Yūcuán na te ni quenda Pilato ɨnga jínu, te ni cahān de jíín ñáyuu: Yāhá condēhe ró tava rī de, návāha na cúni rō jeē tú na cuēchi níhín rī sɨquɨ̄ de.

SAN JUAN 19:9

Te ni ndɨ̄vɨcoo tucu de ini palacio, te ni cajnūhún de Jesús: ¿Ndé nuū véji ró? Te tu ní cáhán cuɨtɨ Jesús jiín de.

1 TIMOTEO 6:13

Te cáhán nīhin ri jiín ró, jíto máá Yaā Dios, Yaā jeē sáha jeē técu tācá‑ni, jíín Jesucristo, Yaā jeē cají ní cahān yā ni nacani ya jnūhun vāha nuū Poncio Pilato.