SAN JUAN 18:30 - New Testament in Mixtec Atatláhuca

³⁰ Te ni cacahān i: Núu jeē násūu tée cúnéé cúu tēe yáha, te ma jnɨ́ɨ ná de jeē quíndeca ná de nuū ni núú, áchí i.

SAN JUAN 18:30 ပူးပေါင်းရင်းမြစ်များ

SAN MARCOS 10:33

Achí yá: Cuni sōho ró, chi je cuángoo yó ñuu Jerusalén vijna, te yūcuán nastúu ñayuu ruhū, Yaā ní nduu tēe, nuū sutú cácujéhnu jíín núū tée cástéén tutu ley. Te ndonda de sɨquɨ̄ rī jeē cúū rī, te squɨ́vɨ de ruhū nuū tée nación Roma jeē cáyūcú Jerusalén cándacu jniñu.

SAN MARCOS 15:3

Te sutū cácujéhnu un ní cacahān de cuehē cuēchi sɨquɨ̄ yā.

SAN LUCAS 24:7

Chi ni cachi ya jeē maá yá, Yaā ní nduu tēe, cánuú natūu ya nuū tāca tée cáhīyo cuēchi, jeē jnɨɨ de ya cahni de ya jicā cruz, te nuū uní quɨvɨ̄ te natecu yā. Achí ndajéhé un.

SAN JUAN 18:29

Yūcuán na te ni quenda Pilato, tēe cúu gobernador, ni cahān de jíín i jíjnáhan i: ¿Na cuēchi cájicān rō sɨquɨ̄ tée yáha?

SAN JUAN 18:31

Te ni cahān Pilato: Cuángoo jíjnáhan ró, te sándaā rō sɨquɨ̄ de jíín ley cánevāha máá ró. Te ni cacahān ñayuu hebreo un: Máá ná jeē cácuu ná ñáyuu hebreo, tú na permiso cánevāha ná jéē cáhni ná ni ɨɨn ñayuu.

SAN JUAN 19:12

Yūcuán na te nde hora un ndúcú ndéyɨ́ Pilato ndese siáá de ya. Te ñayuu hebreo chi cácana jee i: Núu siáá ni tée jiñā, te tu cúu ní amigo rey Roma jeē cujéhnu ndácu jniñu núu súcuan. Chi tāca tée jeē sáha de rey maá de, núu súcuan te cúu de enemigo sɨquɨ̄ rey un. Achí i.

HECHOS 3:13

Tuú chi máá Yáā Dios jií yō Abraham jiín Isaac jiín Jacob jiín táca gá jií yō, ni sáha ya jniñu yáha návāha cuni ñayuu jeē cujéhnu Sēhe ya Jesús, Yaā jeē ní cajendēca ní núū tée cácujéhnu. Te ná ni cuni Pilato jeē siaá de ya, te tu ní cájēhe ni jnúhun.

2 TIMOTEO 2:9

Te jeē sɨquɨ́ jnūhun un ndóho ri jnūndóho, te nde ni cajihni i ruhū íne ri vecāa nájnūhun ɨɨn tēe ni sáha cuēchi xeēn. Te jnūhun Yaā Dios chi ma cúu cuhni i jeē ma cuité núu.

1 PEDRO 4:15

Te núu ndoho ró, te na ndóho ró sɨ́quɨ̄ jeē cácandíje ró Cristo. Te ma ndóho ró sɨ́quɨ̄ tāca cuéchi nájnūhun cándoho ñayuu jéhni ndɨ̄yɨ, ñayuu sacuíhná, ñayuu sáha jniñu néé, jíín ñáyuu quɨ́vɨ nduu nuū jníñu jnáhan jeē tu cánuú quɨ́vɨ nduu.