SAN JUAN 18:25 - New Testament in Mixtec Atatláhuca

²⁵ Te níní jéē súcuan cúu, te índichi‑ni Pedro, násaā de yuñúhún. Te ni cacahān jiín de: ¿A násūú ɨɨn tēe scuáha jíín tée un cúu ró, chí naún? Te máá de tu ní cáchi de: Nasūu cúu ri, achí de.

SAN JUAN 18:25 ပူးပေါင်းရင်းမြစ်များ

SAN MATEO 26:69

Te níní jéē súcuan cúu, te Pedro néne de nuū quéhe ini patio. Te ni quee ɨɨn ñahan jéjníñu vehe ún, te ni cahān ña jíín de: Róhó chi suni ni jica ró jíín Jesús tēe Galilea, achí ña.

SAN MARCOS 14:66

Te íne Pedro ini patio ichi chíji nuū cáhīin de jíín Jesús. Te ni quee ɨɨn ñahan jéjníñu vehe sutū cujéhnu ga ún.

SAN LUCAS 22:55

Te tācá policía ni cascáyú de ñuhūn ini patio, te ni condúu de yuñúhún un cáyūcú de. Te suni ni cucōo Pedro jiín de.

SAN LUCAS 22:56

Te ɨɨn ñahan jéjníñu ini vehe un, ní jito ña nuū de jeē néne de yuñúhún. Te ni jito vāha ña nuū de, te ni cahān ña: Tēe yáha suni ni jica de jíín tée ún, áchí ña.

SAN LUCAS 22:57

Te máá de tu ní cáchi de, chi ni cahān de: Tu jíní rī tēe ún, áchí de.