SAN JUAN 16:17 - New Testament in Mixtec Atatláhuca

¹⁷ Yūcuán na te sava tēe cáscuáha jíín yá, ni cacajnūhun jnáhan de: ¿Na jnūhun cúu jeē yáha jeē cahán yā jiín yó? Chi áchí yá jeē jecu na te ma cóto ga yō nuū yā, te jecu tucu quɨvɨ̄ te coto tucu yó núū yā, chi sɨquɨ̄ jeē quínuhun yā nuū ndeé Tátá yā.

SAN JUAN 16:17 ပူးပေါင်းရင်းမြစ်များ

SAN MARCOS 9:10

Jeē yúcuan ní cachuvāha de tāca jéē ní cuu ún, te cácajnūhun jnáhan de na jnūhun cúu jeē nátecu yā.

SAN MARCOS 9:32

Te tu ní cájecūhun ni de jnūhun yáha, te cáyūhú de cajnūhún de ya sɨquɨ̄ jnúhun ni cahān yā.

SAN LUCAS 18:34

Te máá de tu ní cájecūhun cuɨtɨ ni de tāca jnúhun yáha. Chi jnūhun yɨɨ́ cúu, te tu ní cúu jecūhun ni de jeē cahán yā.

SAN LUCAS 9:45

Te tu ní cájecūhun ni de jnūhun cáhán yā, chi tu ní cúu cuɨtɨ jecūhun ni de. Te ni cayūhú de cajnūhún de ya sɨquɨ̄ jnúhun ni cahān yā.

SAN JUAN 12:16

Te quɨvɨ̄ ún te tēe cáscuáha jíín yá, tu ní cájecūhun ni de jeē súcuan squícu tāca jéē yosó núū tútu iī. Te nde ná ni ndujéhnu Jesús jeē cuánuhun yā andɨvɨ́, te sáá te ni canucūhun ni de tāca jnúhun yósó sɨ́quɨ̄ yā, jiín jéē ní casáha de súcuan jíín yá.

SAN JUAN 14:22

Te ni cahān Judas jiín yá (te nasūu tée cúu Iscariote): Najehē cúu jeē steén ni máá ní nuū ná, te nuū ñáyuu ñayɨ̄vɨ́ chi tuú?

SAN JUAN 14:5

Te ni cahān Tomás jiín yá: Tu cájini na ndé nuū quihín ni, ¿te ndese cuni ná ichi jínú yūcuan núu súcuan?

SAN JUAN 16:1

’Tāca jnúhun yáha ní cahān rī jiín ró návāha ma náyūhu ró jeē quíji jnūndóho.

SAN JUAN 16:16

’Jecu na te ma cóto ga rō nuū rī. Te jecu tucu quɨvɨ̄ te coto tucu ró núū rī, chi quinuhun rī nuū ndeé Tátá rī. Achí yá.

SAN JUAN 16:18

¿Na jnūhun cúu jeē yáha jeē cahán yā, jecu na? Tu cájecūhun ni yō na vé cúu jeē cahán yā. Achí de.

SAN JUAN 16:19

Te ni jini Jesús jeē cácuni de cajnūhún de ya. Te ni cahān yā jiín de: ¿A cácajnūhun jnáhan ró na vé cúu jeē ni cáhān rī jiín ró jeē jecu na te ma cóto ga rō nuū rī, te jecu tucu quɨvɨ̄ te coto tucu ró núū rī?

SAN JUAN 16:5

Te vijna chi nuhūn rī condee rī jiín Yaā ní tají rúhū vēji ri. Te ni ɨɨn ró tu cájnūhun ró ndé nuū quihín rī.