SAN JUAN 15:24 - New Testament in Mixtec Atatláhuca

²⁴ Núu jeē tu ní sáha ri jniñu jéhnu nuū i jeē ní ɨɨn tēe tu ní sáha de súcuan, te ma cóo cuēchi i núú. Te vijna je ni cajito i jniñu ún, te vēsú súcuan te cáquɨtɨ̄ ni i nuū rī jiín núū Tatá rī.

SAN JUAN 15:24 ပူးပေါင်းရင်းမြစ်များ

SAN MATEO 11:5

Te cachi rō nuū de jeē ñáyuu cuaá cánanune tɨnūú i, te ñayuu yacuá cánacaca i, te ñayuu ndóho cuehyɨ̄ stehyú cánduvāha i, te ñayuu sohó cánanune sōho i, te ñayuu jihí nátecu i sáha ri. Te suni nácani ri jnūhun nuū ñáyuu ndahú jéē jnama Yaā Dios i.

SAN MATEO 21:32

Chi ni quiji Juan, ni steén de ndese condiquīn rō jnūhun ndaā, te tu ní cácandíje ró jnúhun ni cahān de. Te sa suhva tēe cástútú xúhun renta jiín ñahan cájica jnéní, ni cacandíje i jnūhun ni cahān de. Te máá ró, vēsú ni cajito ró jéē ní cacandíje i, te tu ní cánacani cuɨtɨ ni rō jeē candíje ró. Achí yá.

SAN MATEO 9:33

Te ni quenehen ya tachī un cuáhān. Te tēe ñɨ́hɨ́n un ní nacahān de. Te ni canaa ni ñayuu ni cajito i, te ni cacahān i: Ná tu cuni cuɨtɨ yō ni ɨɨn jniñu súcuan ini ñuu Israel, achí i.

SAN MARCOS 2:12

Yūcuán na te ni ndocuɨñɨ̄‑ni tēe ún, te ni naquihin de camilla de, te ni quenda de cuahān de, jíto jínúū ndɨhɨ ñayuu. Te ndɨvii i ni canaa ni i cájito i, te ni cacahān i jeē yóhyo vāha Yaā cúu Yaā Dios. Te áchí i: Ná tu coto cuɨtɨ yō ni ɨɨn jniñu súcuan, áchí i.

SAN LUCAS 24:19

Te ni cajnūhun yá de: ¿Te na vé ni cuu? Achí yá. Te ni cacahān de jíín yá: Jeē ní ndoho Jesús ñuu Nazaret, Yaā ní nacani jnūhun Yaā Dios. Te jíín poder Yaā Dios ni sáha ya tācá jniñu jéhnu te ni nacani ya jnūhun, jíto jínúū Yaā Dios jiín táca ñáyuu.

SAN JUAN 10:32

Te ni cahān yā jiín de: Ni steén rī cuehē jniñu váha nuū rō jeē ni sáha ri jiín poder Tatá rī. ¿Te á sɨ́quɨ̄ jeē ni sáha ri jniñu váha cúu jeē cuáha ró yúū xinī rī núu súcuan? Achí yá.

SAN JUAN 10:37

Núu tu sáha ri jniñu sáha Tátá rī, núu súcuan te ma candíje ró rúhū.

SAN JUAN 12:10

Yūcuán na te sutū cácujéhnu ni casquíjnáhan de jnūhun jeē suni cahni de Lázaro.

SAN JUAN 12:45

Te ñayuu cájito nuū rī, suni cájito i nuū Yaā ní tají rúhū.

SAN JUAN 14:9

Te ni cahān Jesús: Felipe, je ni cuu cuehē quɨvɨ̄ jíca ri jiín ró jijnáhan ró, ¿te á ná tu cuni rō ndé ɨɨn cúu ri naún? Tēe jeē jíto ruhū, suu Tátá rī jíto de. Núu súcuan ¿te najehē cahán rō jeē steén rī Tatá rī nuū rō?

SAN JUAN 15:21

Te tācá jniñu yáha sáha i jíín ró jeē sɨquɨ́ ruhū, chi tu cájini i Yaā ní tají rúhū vēji ri.

SAN JUAN 15:22

’Núu jeē tu ní quíji ri nacani ri jnūhun nuū i, te ma cóo cuēchi i núú. Te vijna chi ma cúu ga cahān i jeē tu jíní i jeē iyó cuéchi i.

SAN JUAN 15:23

Ñayuu jeē cáquɨtɨ̄ ni nuū rī, suni nuū Tatá rī cáquɨtɨ̄ ni i.

SAN JUAN 16:9

Stéén yā jeē iyó cuéchi i, chi tu cácandíje i ruhū.

SAN JUAN 3:2

Tēe yáha ní quiji de nuū Jesús ɨɨn jecuáā, te ni cahān de jíín yá: Maestro, je cájini na jéē maá Yaā Dios ni tají yá nihín jéē steén ni jnúhun ya nuū na jíjnáhan ná. Chi núu tu íyó Yaā Dios jiín ní, te ma cúu sáha ní ni ɨɨn jniñu jéhnu nájnūhun sáha máá ní jeē steén ni poder ní, áchí de.

SAN JUAN 5:36

Te íyó jéē steén cají gá jeē cujéhnu ri vēsú jeē ni cáhān Juan. Suu jniñu sáha ri, jniñu jeē ní tejníñu Tátá rī ruhū jeē sáha ri, jniñu un stéén ndije jeē maá yá ni tají rúhū vēji ri.

SAN JUAN 6:36

Te nájnūhun je ni cahān rī jiín ró, tu cácandíje ró rúhū, vēsú ni cajito ró núū rī.

SAN JUAN 7:31

Te cuehē ñayuu chi ni cacandíje i ya, te ni cacahān i: ¿A násūu tée yáha cúu Cristo, Yaā ndétu yó jéē quiji? Chi cuehē ndasɨ́ jniñu jéhnu sáha ya jeē steén yā poder yā. Achí i.

SAN JUAN 9:32

Te nɨ́ɨ́ véji yó te tu ní jíni sōho cuɨtɨ yō jeē ɨ́ɨn tēe nanune de tɨnūú ɨnga tēe ni cacu cuáá.

SAN JUAN 9:41

Te ni cahān Jesús: Núu jeē cácuu ró tée tu jécūhun ni nuú, te ma cóo cuēchi ró. Te sɨquɨ̄ jeē ní cacahān rō jeē cájecūhun ni rō, te tu cájetáhú ró, jeē yúcuan condee cuēchi sɨquɨ̄ rō.

HECHOS 10:38

Te cájini ni jéē Yaā Dios ni jēhe ya Espíritu Santo jiín poder nuū Jesús, Yaā ní jehnu ñuu Nazaret. Te cájini ni jéē ní jica cuu ya ni sáha ya jniñu váha, te ni nasávāha ya tāca ñáyuu jeē cándoho i sáha jexeén, chi Yaā Dios ni chindéé ñáhán yá Jesús.

HECHOS 2:22

’Jeē yúcuan níhín tée ñuu yō Israel, cuni nahín gá ni jnúhun yáha jíjnáhan ní. Ni steén Yaā Dios jeē ní tají yá maá Jesús, Yaā ní jehnu ñuu Nazaret, chi máá Yáā Dios ni jēhe ya jeē ni sáha Jesús jniñu jéhnu mēhñu máá ní, jiín jniñu jeē steén jeē cujéhnu ya, te jniñu un ní canaa ni ni ní cajito ní. Te je cájini vāha ní jéē súcuan ni cuu.

ROMANOS 1:30

Cácahān jnūhun néé sɨ́quɨ̄ jnáhan, cájito uhū Yaā Dios, cácujéē ni, cásándúxí máá, cásátéyɨ́ máá, cájequin costumbre neé, tu cájendetū nuū tatá nuū naná.

2 TIMOTEO 3:4

Te suni nastúu i jnáhan i, te ma yūhú i sáha i cuēchi, te coo ndúxí ndasɨ́ i, te nducú i jeē cúsɨɨ̄ ni maá‑ni i, te ma nducú i quɨ̄vɨ i nuū Yaā Dios.

SANTIAGO 4:4

Ñayuu castóo Yaā Dios cácuu ró. ¿A tu cájini rō jeē núu cútóó ni rō jeē iyó ini ñayɨ̄vɨ́, yūcuan cúu jeē cájito uhū rō Yaā Dios? Chi ñayuu jeē cutóó ni jeē iyó ñayɨ̄vɨ́, ndúu i ñayuu jíto uhū nuū Yaā Dios.