SAN JUAN 14:24 - New Testament in Mixtec Atatláhuca

²⁴ Te ñayuu jeē tú manī jiín rí, tu cásquícu i jeē cahán rī. Te jnūhun cájini sōho ró cáhán rī, nasūu jnúhun máá rí cúu, chi jnūhun máá Tátá rī jeē ní tají rúhū cúu.

SAN JUAN 14:24 ပူးပေါင်းရင်းမြစ်များ

SAN MATEO 19:21

Te ni cahān Jesús: Núu cúní rō squícu ndɨhɨ ró, cuáhán te xīco ró ndɨhɨ jeē névāha ró, te cuāha ró núū ñáyuu ndahú. Te nde andɨvɨ́ cuáha ya jeē ndetū ndasɨ́ coo ró. Yūcuán na te quiji ró condiquīn rō ruhū quihīn yō, achí yá.

SAN JUAN 14:10

¿A tu cándíje ró jéē ɨɨn‑ni cúu ri jiín Tátá rī, te Tátá rī ɨɨn‑ni cúu ya jiín rí? Tāca jnúhun cáhán rī jiín ró, nasūu jnúhun máá rí cúu. Chi Tátá rī jeē ɨɨn‑ni cúu ya jiín rí, máá yá sáha tācá jniñu jeē sáha ri.

SAN JUAN 14:15

’Te núu manī rō jiín rí jijnáhan ró, te na squícu ró jniñu ndácu ri nuū rō.

SAN JUAN 14:25

’Tāca jnúhun yáha cáhán rī jiín ró níní íne ga rī jiín ró.

SAN JUAN 3:11

Jendaá cahán rī jiín ró jeē jnūhun cájecūhun ni rī cúu jeē cácahān rī jiín ró. Te cánacani cájí rí jnūhun jniñu ní cajito ri. Te tu cácandíje ró jnúhun cácahān rī.

SAN JUAN 3:34

Chi Yaā ní tají Yaā Dios vēji, máni máá jnúhun Yaā Dios cahán yā. Chi Yaā Dios tu yɨ́cuāha jéhe ya Espíritu yā nuū Yaā ní tají yá.

SAN JUAN 5:19

Te ni cahān Jesús: Jendaá cahán rī jiín ró jijnáhan ró: Ruhū jeē cúu Sēhe Yaā Dios, tú na vé cúu sáha ri jeē maá rí, chi máni sáha ri jeē jíto ri sáha Tátá rī. Chi tāca jéē sáha Tátá rī, suni sáha ruhū jeē cúu ri Sēhe ya.

SAN JUAN 5:38

Te tu ní cáchuhun ni rō jnūhun un jéē ni cáhān Tatá rī, chi tu cácandíje ró rúhū, Yaā ní tají yá vēji.

SAN JUAN 7:16

Yūcuán na te ni cahān Jesús: Jnūhun stéén rī chi nasūu jnúhun máá rí cúu, chi jnūhun jeē ni jéhe máá Yaā ní tají rúhū cúu.

SAN JUAN 7:28

Yūcuán na te ni cahān jee Jesús jeē steén yā jnūhun ini templo: Cájini rō ruhū, te cájini rō ndé ñuu vēji ri. Te vēsú súcuan te máá Yaā ndaā cúu jeē ní tají rúhū vēji ri, te tú vēji ri jeē cuní maá rí. Te tu cájini rō ndese Yaā cúu ya.

SAN JUAN 8:26

Te íyó cuéhē gā jnūhun cuu cahān rī jiín ró te sándaā rī sɨquɨ̄ rō. Te ma cahán rī, chi ini ñayɨ̄vɨ yáha cáhán rī maá‑ni jnūhun jeē ní jini ri ni cahān Yaā ní tají rúhū vēji ri. Te máni jnūhun ndaā cahán yā. Achí yá.

SAN JUAN 8:28

Jeē yúcuan ní cahān gā yā: Nde na yáha jeē cáta caa ró rúhū, Yaā ní nduu tēe, jicā cruz, yūcuán na te cuni rō ndé ɨɨn cúu ri. Te cuni rō jeē tú na vé sáha ri jeē maá rí, chi cáhán rī maá‑ni jnūhun ni steén Tatá rī nuū rī.

SAN JUAN 8:38

Ruhū chi cáhán rī jnūhun jeē ni stéén Tatá rī nuū rī. Te máá ró chi cásáha ró jniñu jeē ni cáhān tatá maá ró jijnáhan ró. Achí yá.

SAN JUAN 8:42

Te ni cahān Jesús: Núu Yaā Dios cúu ndije tátá rō, te coo manī rō jiín rí nuú. Chi nde nuū Yaā Dios ni quenda ri vēji ri. Te tú vēji ri jeē cuní maá rí, chi máá yá ni tají rúhū.