SAN JUAN 13:9 - New Testament in Mixtec Atatláhuca

⁹ Te ni cahān Simón Pedro: Núu súcuan cúu te nasūu máá jéhē‑ni ná, chi suni nacate ní ndaha ná jíín xínī ná, áchí de.

SAN JUAN 13:9 ပူးပေါင်းရင်းမြစ်များ

SAN MATEO 27:24

Te ni jini Pilato jeē tu cúndeyɨ́ de jíín ñáyuu, chi sa víhyá gā cácuvaā i. Te ni ndacu de jniñu jeē na quíji ndute, te ni nandahá de nuū ñáyuu cuehē ún. Te ni cahān de: Jeē nándahá rí yāha cúu seña jeē tú na cuēchi condee sɨquɨ̄ rī jeē cúū tēe vāha yāhá. Chi sɨquɨ̄ maá ró jijnáhan ró na cóndee. Achí de.

SAN JUAN 13:10

Te ni cahān Jesús jiín de: Tēe jeē sa ní jichi, tu jíni ñúhún ndundoo nɨ́ɨ́ cáhnu de, chi máá jéhē‑ni de, chi je íyó ndoo nɨ́ɨ́ cáhnu de. Te máá ró chi je ni candundoo ró. Te tú ndɨhɨ ró cáhīyo ndoo.

SAN JUAN 13:8

Te ni cahān Pedro jiín yá: Ma nácate cuɨtɨ ni jéhē ná. Te ni cahān Jesús: Núu tú nacate ri jehē rō, te ma cúu cundúú ró jiín rí.

HEBREOS 10:22

Núu súcuan te na quɨ́vɨcoo yó núū Yaā Dios, te na cóo ndije ndaā anuá yō, te na cándíje nīhin yó jéē iyó ndáā ndɨhɨ jnūhun ya. Chi jíín nɨ́ñɨ̄ Cristo ni ndundoo ánuá yō nuū tāca cuéchi ni casáha yó, nájnūhun ni ndundoo yó núū yā jeē ní jendute yó jíín ndute.

1 PEDRO 3:21

Te nájnūhun ni cacācu i nuū ndúte, súcuan cúu jeē jéndute yó vijna te cácu ánuá yō. Te jeē jéndute yó, nasūu jéē ndúndoo yɨquɨ cúñu yō, chi sa jeē jicán yō nuū Yaā Dios jeē ndúndoo ánuá yō. Te súcuan te cācu yó, chi ni cundúú yó jiín Jesucristo nuū jnúhun ni natecu yā.