SAN JUAN 13:23 - New Testament in Mixtec Atatláhuca

²³ Te ɨɨn máá tée scuáha jeē maní gā yā jiín, néne de xiin ya mesa jeē cácuxíni de jíín yá.

SAN JUAN 13:23 ပူးပေါင်းရင်းမြစ်များ

SAN LUCAS 16:22

Te ni jihī tēe ndáhú un, te tācá ndajéhé Yaā Dios cuangoo ya jiín ánuá de nde andɨvɨ́ nuū néne Abraham. Te suni ni jihī tēe cúcá un, te ni quindūji de.

SAN JUAN 1:18

Tú ni ɨɨn ñayuu ni jíto cuɨtɨ nuū Yaā Dios. Te máñúhún‑ni Sēhe ya jeē ndeé yá jiín Tátá yā, suu ya ni steén nuū yō ndese Yaā cúu Yaā Dios.

SAN JUAN 11:3

Te ndɨndúú cuáha de un ní catají ña jnūhun cuahān nuū Jesús: Tēe jeē maní ni jíín, cúhú de, áchí ña, áchí mozo.

SAN JUAN 11:36

Yūcuán na te ni cacahān ñayuu hebreo un: Condēhe náa yōhyo manī de jíín ndɨ́yɨ ún.

SAN JUAN 11:5

Te manī Jesús jiín Marta jiín cúhū ña jíín Lázaro.

SAN JUAN 13:24

Te ni sáha Simón Pedro seña nuū de jeē na cájnūhún de ya ndé ɨɨn de cúu jeē ni cáhān yā.

SAN JUAN 13:25

Yūcuán na te tēe un ní scáyɨ de máá de nuū Jesús, te ni cajnūhún de ya: ¿Ndé ɨɨn de cúu? áchí de jíín yá.

SAN JUAN 19:26

Te ni jito Jesús nuū naná yā jiín núū tée scuáha jeē maní gā yā jiín, suni índichi de yūcuán. Te ni cahān yā jiín náná yā: Nánā, nde vijna te máá de nucuɨñɨ̄ de cuu de sēhe ní.

SAN JUAN 20:2

Yūcuán na te jínu ña cuahān ña nuū Simón Pedro jiín núū ɨnga tēe scuáha ún jeē maní gā Jesús jiín. Te ni cahān ña jíín de: Ni catava de Jitoho yō nuū ní yɨndūji ya, te tu cájini yō ndé nuū ní cachune de ya, achí ña.

SAN JUAN 21:20

Te ni ndió cóto Pedro, te ni jito de tēe scuáha jeē maní gā Jesús jiín, ndíquín de vēji de yatā. Tēe un cúu jeē ní conene xiin Jesús ná ni cacuxíni de jíín yá, te ni cajnūhún de ya: ¿Ndé ɨɨn de cúu jeē nastúu níhín?

SAN JUAN 21:24

Te tēe scuáha un jéē maní gā Jesús jiín, suu cúu ruhū jeē nácani jnūhun tācá jniñu yáha, te suu ri tée tāca jnúhun yáha. Te cájini rō jijnáhan ró jéē iyó ndáā jnūhun nácani ri.

SAN JUAN 21:7

Yūcuán na te tēe scuáha jeē maní gā Jesús jiín, ní cahān de jíín Pedro: Máá Jítoho yō cúu, áchí de. Te jeē ní jini sōho Simón Pedro jeē maá Jítoho yō cúu, te ni nachuhun de sahma de, chi ni tava de jeē sájniñu de. Te ni ndava‑ni de nuū mar cuahān de nuū yā.