SAN JUAN 13:22 - New Testament in Mixtec Atatláhuca

²² Yūcuán na te tēe cáscuáha jíín yá, ni candacoto de nuū jnáhan de, cájeni ni de ndé ɨɨn de cúu jeē ni cáhān yā.

SAN JUAN 13:22 ပူးပေါင်းရင်းမြစ်များ

SAN MATEO 26:21

Te níní yéji yā jiín de te ni cahān yā: Jendaá cahán rī jiín ró jeē ɨɨn róhó nastúu ruhū vijna, áchí yá.

SAN MATEO 26:22

Te ni cacucuíhyá ndasɨ́ ni de. Te ná ɨɨn ná ɨɨn de ni cacajnūhún de ya: ¿A sáña cúu? áchí de.

SAN MARCOS 14:18

Te ni cacucōo de mesa cáyeji de staā, te ni cahān yā: Jendaá cahán rī jiín ró jeē ɨɨn róhó jéē yéji jiín rí, nastúu ro rúhū, achí yá.

SAN MARCOS 14:19

Yūcuán na te ni cacucuíhyá ni de, te ná ɨɨn ná ɨɨn de ni cacajnūhún de ya: ¿A sáña cúu? áchí ɨɨn de. Te suni súcuan ɨnga de: ¿A sáña cúu? áchí ɨɨn ɨɨn de.

SAN LUCAS 22:21

’Te vijna chi tēe nastúu ruhū, néne de jíín rí nuū mesa yáha.

SAN LUCAS 22:23

Yūcuán na te ni caquejéé de cácajnūhun jnáhan de ndé ɨɨn de cúu jeē nastúu de ya.

SAN JUAN 13:18

’Te nasūu jéē cahán rī jeē ndɨhɨ ró ndétū, chi je jíní rī tāca róhó jéē ní nacāji ri. Te cánuú squícu jnūhun yáha jeē cáhán tutu iī: Tēe yéji staā jiín rí, ni ndió cuɨ́ñɨ́ de sɨquɨ̄ rī, achí tutu.

SAN JUAN 13:21

Te ná ni cahān Jesús tāca jnúhun yáha, te ni cucuíhyá ndasɨ́ ni yā. Te ni cahān cají yá: Jendaá cahán rī jiín ró jijnáhan ró jéē ɨɨn máá ró nastúu ruhū, achí yá.