SAN JUAN 13:18 - New Testament in Mixtec Atatláhuca

¹⁸ ’Te nasūu jéē cahán rī jeē ndɨhɨ ró ndétū, chi je jíní rī tāca róhó jéē ní nacāji ri. Te cánuú squícu jnūhun yáha jeē cáhán tutu iī: Tēe yéji staā jiín rí, ni ndió cuɨ́ñɨ́ de sɨquɨ̄ rī, achí tutu.

SAN JUAN 13:18 ပူးပေါင်းရင်းမြစ်များ

SAN MATEO 10:36

Chi tāca ñáyuu candíje ruhū, chi jnáhan vehe i cúu jeē quɨtɨ̄ ni nuū i.

SAN MATEO 26:21

Te níní yéji yā jiín de te ni cahān yā: Jendaá cahán rī jiín ró jeē ɨɨn róhó nastúu ruhū vijna, áchí yá.

SAN MATEO 26:23

Te ni cahān yā: Ɨɨn róhó jéē cáyeji cáhnu jíín rí ɨɨn cohō, suu ró nastúu ruhū.

SAN MARCOS 14:17

Te jeē cuácuaa, te ni quee ya jiín ndɨhúxí uū de.

SAN MARCOS 14:18

Te ni cacucōo de mesa cáyeji de staā, te ni cahān yā: Jendaá cahán rī jiín ró jeē ɨɨn róhó jéē yéji jiín rí, nastúu ro rúhū, achí yá.

SAN MARCOS 14:20

Te ni cahān yā jiín de: Ɨɨn jeē uxí uū rō jeē cáyeji cáhnu jíín rí ɨɨn cohō, suu nastúu ruhū.

SAN LUCAS 22:21

’Te vijna chi tēe nastúu ruhū, néne de jíín rí nuū mesa yáha.

SAN JUAN 13:21

Te ná ni cahān Jesús tāca jnúhun yáha, te ni cucuíhyá ndasɨ́ ni yā. Te ni cahān cají yá: Jendaá cahán rī jiín ró jijnáhan ró jéē ɨɨn máá ró nastúu ruhū, achí yá.

SAN JUAN 13:22

Yūcuán na te tēe cáscuáha jíín yá, ni candacoto de nuū jnáhan de, cájeni ni de ndé ɨɨn de cúu jeē ni cáhān yā.

SAN JUAN 13:26

Te ni cahān Jesús: Na chúndaji ri staā te cuāha ri nuū ɨɨn de, te suu tēe un cúu, áchí yá. Te ni chundaji ya staā, te ni jēhe ya nuū Judas Iscariote sēhe Simón.

SAN JUAN 15:16

Máá rí ni nacāji róhó jéē jnáma ri rohó, te nasūu máá ró ni cánacani ni xīhna gā jeē cóndiquīn rō ruhū. Te ni jeni ri rohó jéē caca ndaā rō te scándíje ró cuéhē ñayuu jeē cuu i sēhe ri nɨɨ́ cáni. Te súcuan te ndɨhɨ jeē cacán rō nuū Tatá rī sɨquɨ̄ jeē cácandíje ró rúhū, sáha ya jeē jicán rō.

SAN JUAN 15:19

Te núu jeē iyó gá rō jiín modo ñayuu ñayɨ̄vɨ́, te coo manī ñayuu ñayɨ̄vɨ jíín ró nuú, nájnūhun manī i jíín jnáhan i. Te ni nacāji ri rohó jéē tuá coo ró jíín modo ñayuu ñayɨ̄vɨ́. Te jeē yúcuan cáquɨtɨ̄ ni i nuū rō, chi tuá cácuu ró cuenta ñayɨ̄vɨ́.

SAN JUAN 15:25

Te súcuan cásáha i návāha squícu jnūhun yósó núū tútu ley Yaā Dios jeē cánevāha i: Ni caquɨtɨ̄ ni i nuū rī, vēsú tú na cuēchi ri, achí.

SAN JUAN 17:12

Te jeē ní condee na jíín i ini ñayɨ̄vɨ́, te jíín poder ni ní condito ná i. Tāca ñáyuu ni jéhe ni núū ná, ni condito yúcún ná i. Te tu ní jéhe na jnúhun naa i jíjnáhan i, chi máá ɨɨn‑ni tēe jeē je cúu de tēe jnahnū ndetū, návāha squícu jnūhun yósó núū tútu iī.

SAN JUAN 18:32

Súcuan ni cacahān i návāha squícu jnūhun jeē ní cachi Jesús jeē quɨ́vɨ ya ndaha tēe Roma te cahni de ya jicā cruz.

SAN JUAN 19:24

Te ni cacahān maá de: Ma cáhnde yō, chi vāha ga na sáha yó sorteo, te na cóndēhe yó ndé ɨɨn yó níhīn, achí de. Te súcuan ni squícu jnūhun yósó núū tútu iī nde jenahán jéē cahān Jesús: Ni caquihin de sahma ri cuu máá de. Te ni casáha de sorteo sɨquɨ̄ camisa rī. Achí. Súcuan ni casáha soldado un.

SAN JUAN 19:36

Chi súcuan ni cuu návāha squícu jnūhun cáhán tutu iī: Ma cahnú de ni ɨɨn yɨquɨ ya, achí.

SAN JUAN 21:17

Te ni cajnūhún tucu ya de vuelta unī: Simón sēhe Jonás, ¿á mánī rō jiín rí? Te ni cucuíhyá ni Pedro jeē ní cajnūhun yá de vuelta unī núu manī de jíín yá. Te ni cahān de: Máá ní jiní ni ndɨhɨ, te jíní ni jéē maní na jíín ní. Te ni cahān yā: Núu súcuan te stéén rō jnūhun ri nuū ñáyuu cácuu nájnūhun lanchi ri.

SAN JUAN 6:70

Te ni cahān Jesús: Te vēsú ni nacāji ri ndɨhúxí uū rō, te íyó ɨɨn ró jeē ní quɨ̄vɨ jexeén ini. Achí yá.

HECHOS 1:16

Hermano jijnáhan ní, ni squícu nahín jnúhun cáhán tutu iī jeē ni cáhān David nde jenahán ní sáha Espíritu Santo. Te jnūhun un ní cuu sɨquɨ̄ Judas jeē ní yosnūu núū tée ni cajnɨɨ Jitoho yō Jesús.

HECHOS 1:2

te nde quɨvɨ̄ ní ndaa ya cuanuhun yā andɨvɨ́. Te nde ná tu ndaa ya quihīn yā, te ni sáha Espíritu Santo jeē ní ndacu ya jniñu nuū táca apóstol, tēe ni nacāji ya.

2 CORINTIOS 4:5

Te jeē cánacani ri jnūhun, te nasūu jnúhun máá rí, chi sa suhva jnūhun Jitoho yō Jesucristo cánacani ri. Te máá rí chi cácuu ri mozo‑ni nuū rō jijnáhan ró jéē sɨquɨ́ jeē maní rī jiín Jesús.

HEBREOS 4:13

Te tu íyó ni ɨɨn jeē yɨ́sāhí jeē tu jíní maá Yaā jeē náquihin cuenta, chi ndɨhɨ‑ni jíní vāha ya, te ndɨhɨ‑ni túu ndijin nuū yā.

APOCALIPSIS 2:23

Te sáha ri jeē cúū ñayuu jeē ni scándíje ña. Te súcuan cuni tāca grupo ñayuu cácandíje jeē maá rí cúu Yaā jiní ndɨhɨ ndese cáa jeē níjnūní jiín ánuá ñayuu. Te cuāha ri yāhu ɨɨn ɨɨn ró núu ndese ni casáha ró.