SAN JUAN 12:49 - New Testament in Mixtec Atatláhuca

⁴⁹ Chi tu cáhán rī jeē cúu ni maá rí, chi Tátá rī, Yaā ní tají rúhū, máá yá ni ndacu jniñu nuū rī ndese cahān rī jiín ndese stéén rī.

SAN JUAN 12:49 ပူးပေါင်းရင်းမြစ်များ

SAN JUAN 14:10

¿A tu cándíje ró jéē ɨɨn‑ni cúu ri jiín Tátá rī, te Tátá rī ɨɨn‑ni cúu ya jiín rí? Tāca jnúhun cáhán rī jiín ró, nasūu jnúhun máá rí cúu. Chi Tátá rī jeē ɨɨn‑ni cúu ya jiín rí, máá yá sáha tācá jniñu jeē sáha ri.

SAN JUAN 14:24

Te ñayuu jeē tú manī jiín rí, tu cásquícu i jeē cahán rī. Te jnūhun cájini sōho ró cáhán rī, nasūu jnúhun máá rí cúu, chi jnūhun máá Tátá rī jeē ní tají rúhū cúu.

SAN JUAN 14:31

Te na cóo nájnūhun ni ndacu Tátá rī jniñu nuū rī, návāha cuni ñayuu ñayɨ̄vɨ jéē maní rī jiín Tátá rī, te sáha ri jniñu ní ndacu ya. Ndocuɨñɨ̄ jijnáhan ró na quíngoo yó. Achí yá.

SAN JUAN 15:15

Ma cahán gā rī mozo jiín ró, chi ɨɨn mozo tu cástūhún patrón nuū i ndese jéni ni de sáha de. Chi sa suhva amigo cahān rī jiín ró, chi je ni castūhun rí nuū rō tāca jnúhun ni cahān Tatá rī jiín rí.

SAN JUAN 17:8

Chi tāca jnúhun ni cahān ni jíín ná, ní castūhun ná núū i, te ni cajetáhú i. Te ni cajini i jeē ní quenda ndije ná ndé nuū maá ní, te ni cacandíje i jeē maá ní ni tají sáña.

SAN JUAN 3:11

Jendaá cahán rī jiín ró jeē jnūhun cájecūhun ni rī cúu jeē cácahān rī jiín ró. Te cánacani cájí rí jnūhun jniñu ní cajito ri. Te tu cácandíje ró jnúhun cácahān rī.

SAN JUAN 3:32

Te nácani ya jnūhun jeē ní jito ya jiín jéē ní jini sōho ya. Te ñayuu chi tu cácandíje i jnūhun cáhán yā.

SAN JUAN 5:19

Te ni cahān Jesús: Jendaá cahán rī jiín ró jijnáhan ró: Ruhū jeē cúu Sēhe Yaā Dios, tú na vé cúu sáha ri jeē maá rí, chi máni sáha ri jeē jíto ri sáha Tátá rī. Chi tāca jéē sáha Tátá rī, suni sáha ruhū jeē cúu ri Sēhe ya.

SAN JUAN 5:30

’Tú na vé cúu sáha ri jeē maá rí. Chi nájnūhun ndácu Yaā Dios jniñu nuū rī, súcuan sándaā rī jniñu. Te ndaā sándaā rī, chi tu sáha ri jeē cuní maá rí, chi sáha ri jeē cuní maá Tátá rī, Yaā ní tají rúhū vēji ri.

SAN JUAN 6:68

Te ni cahān Simón Pedro: ¿Ndé núū gā quingoo ná? Chi máá ní cúu jeē nácani jnūhun jeē cótecu na nɨ́ɨ́ cáni sáha.

SAN JUAN 7:16

Yūcuán na te ni cahān Jesús: Jnūhun stéén rī chi nasūu jnúhun máá rí cúu, chi jnūhun jeē ni jéhe máá Yaā ní tají rúhū cúu.

SAN JUAN 8:26

Te íyó cuéhē gā jnūhun cuu cahān rī jiín ró te sándaā rī sɨquɨ̄ rō. Te ma cahán rī, chi ini ñayɨ̄vɨ yáha cáhán rī maá‑ni jnūhun jeē ní jini ri ni cahān Yaā ní tají rúhū vēji ri. Te máni jnūhun ndaā cahán yā. Achí yá.

SAN JUAN 8:28

Jeē yúcuan ní cahān gā yā: Nde na yáha jeē cáta caa ró rúhū, Yaā ní nduu tēe, jicā cruz, yūcuán na te cuni rō ndé ɨɨn cúu ri. Te cuni rō jeē tú na vé sáha ri jeē maá rí, chi cáhán rī maá‑ni jnūhun ni steén Tatá rī nuū rī.

SAN JUAN 8:42

Te ni cahān Jesús: Núu Yaā Dios cúu ndije tátá rō, te coo manī rō jiín rí nuú. Chi nde nuū Yaā Dios ni quenda ri vēji ri. Te tú vēji ri jeē cuní maá rí, chi máá yá ni tají rúhū.

APOCALIPSIS 1:1

Jnūhun yáha cúu jeē ní cachi Yaā Dios nuū Jesucristo ndese coo tācá jniñu quiji, návāha nacastūhun yá nuū ñáyuu cácandíje jeē cácuu i mozo yā. Te stéén yā nuū i tācá jniñu jeē yachī coo. Te ni tají yá ndajéhé yā ni quiji ya ni steén ndijin yā jniñu un núū ruhū Juan jeē cúu ri mozo yā.