SAN JUAN 12:23 - New Testament in Mixtec Atatláhuca

²³ Te ni cahān Jesús jiín de: Je ni quee quɨvɨ̄ jeē ndujéhnu Yaā ní nduu tēe.

SAN JUAN 12:23 ပူးပေါင်းရင်းမြစ်များ

SAN MATEO 25:31

Te ni cahān gā yā: Ɨɨn quɨvɨ̄ te ndiji máá Yaā ní nduu tēe, te cuu ya Rey nuū ñáyuu. Te tācá ndajéhé yā cuɨñɨ nɨ́ɨ́ xiin ya. Te cucōo ya mesa nuū ndácu ya jniñu, te yōhyo luu cujéhnu ya.

SAN MATEO 26:45

Yūcuán na te ni ndee tucu ya nuū de jíjnáhan de, te ni cahān yā jiín de: Vijna te cusū rō te ndetātu ró. Te je ni quee hora, te ruhū, Yaā ní nduu tēe, natūu ri te jnɨɨ tēe cáhīyo cuēchi ruhū.

SAN MARCOS 14:35

Te ni jica ya jecu gā, te ni jecuɨñɨ̄ yɨtɨ́ yá ni jequin ya nuū yā nuū ñúhun. Te ni jicān tahú yā nuū Yaā Dios jeē núu cuu te ma ndóho ya jnūndóho jeē quejéé quiji sɨquɨ̄ yā.

SAN MARCOS 14:41

Te ni ndee yā jeē vuelta unī, te ni cahān yā jiín de: Vijna te cusū rō te ndetātu ró. Te tuú chi je ni cuu, chi je ni quee hora, te ruhū, Yaā ní nduu tēe, natūu ri te jnɨɨ tēe cáhīyo cuēchi ruhū.

SAN JUAN 12:16

Te quɨvɨ̄ ún te tēe cáscuáha jíín yá, tu ní cájecūhun ni de jeē súcuan squícu tāca jéē yosó núū tútu iī. Te nde ná ni ndujéhnu Jesús jeē cuánuhun yā andɨvɨ́, te sáá te ni canucūhun ni de tāca jnúhun yósó sɨ́quɨ̄ yā, jiín jéē ní casáha de súcuan jíín yá.

SAN JUAN 12:27

’Te vijna te cúcuíhyá ndasɨ́ ni rī sáha jnūndóho quiji sɨquɨ̄ rī. ¿Te ndese cahān rī? ¿A cáhān rī jiín Tátá rī: Jnama ní sáña núū jnúndóho jeē quíji sɨquɨ̄ ná, achi rī? Ma cúu, chi jeē sɨquɨ́ yúcuan cúu jeē véji ri.

SAN JUAN 13:1

Te jehíni ɨnga quɨvɨ̄ te quejéé vico pascua. Te je jíní Jesús jeē ní quee quɨvɨ̄ jeē quénda ya ñayɨ̄vɨ yáha quínuhun yā nuū Tatá yā. Te níní cúndáhú ni yā ñayuu maá yá jeē cáyūcú ini ñayɨ̄vɨ́. Te vijna jeē jínu jeē íne ya ñayɨ̄vɨ́, te sáha ya ɨɨn jniñu jeē steén cají yá jeē cundáhú ni yā i.

SAN JUAN 7:39

Te súcuan ni cahān yā jeē ñáyuu candíje jeē jnáma ya i, nihīn i Espíritu Santo. Chi ná tu quee Espíritu ún, chi ná tu ndaa Jesús quinuhun yā nuū ndujéhnu ya.