SAN JUAN 12:20 - New Testament in Mixtec Atatláhuca

²⁰ Te sava ñayuu nación Grecia, suni ni quijicoo i ñuu Jerusalén vico pascua un jéē chiñúhún i Yaā Dios.

SAN JUAN 12:20 ပူးပေါင်းရင်းမြစ်များ

SAN MARCOS 7:26

Te ñahan ñuu jicá cúu ña, chi nde Sirofenicia cúu nación ña. Te ni cahān ndahú ña jíín yá jeē na quénehen ya tachī ini sēhe sɨ́hɨ́ ña.

SAN JUAN 12:1

Te cúmanī iñū gā quɨvɨ̄ te coo vico pascua. Te ni jehēn tucu Jesús ñuu Betania nuū ndeé Lázaro, tēe ni jihī te ni nastécu yā de.

SAN JUAN 12:19

Yūcuán na te ni cacahān maá tée fariseo: Vijna te je ni cajito yó jéē ma cúu cuɨtɨ gā casɨ yō. Chi jíto yó jéē ndɨvii cuɨtɨ ñayuu cuangoo i jíín de. Achí de jíjnáhan de.

SAN JUAN 7:35

Yūcuán na te máá tée un ní cacajnūhun jnáhan de: ¿Te ndé nuū quihín tēe yáha jeē ma nánihīn yō de? ¿A quíhīn de nuū jnáhan yó hebreo jeē ní cajitē núu cáyūcu ndé nación Grecia? ¿Te á stéén de jnūhun nuū ñáyuu Grecia, chí naún?

HECHOS 14:1

Te ñuu Iconio ni quɨ̄vɨcoo Pablo jiín Bernabé ini vehe iī sinagoga jnáhan de hebreo. Te jíín jnúhun jeē ní canacani de te ni cacandíje cuehē jnáhan de hebreo, te suni súcuan cuehē ñayuu sɨ́ɨn nación ni cacandíje i.

HECHOS 16:1

Yūcuán na te sáá te ni jinū Pablo jiín Silas ñuu Derbe jiín ñuu Listra. Te yūcuan néne ɨɨn tēe suchí cándíje, nání i Timoteo. Sēhe yɨɨ́ ɨɨn ñahan hebrea cúu i, te ñahan cándíje cúu ña. Te tátá i chi tēe griego cúu de.

HECHOS 17:4

Te ni cacandíje sava jnáhan de hebreo jiín cuéhē ñayuu griego jeē cáchiñúhún i Yaā Dios, jiín cuéhē ñahan cácuu nuū, te ni nduu ɨnuú ni i jíín Pablo jiín Silas.

HECHOS 20:21

Te ɨnuú‑ni jnūhun ni nacani ná núū ndɨhɨ ní, cúu jnáhan ñuu ná hebreo cúu ñayuu tāca gá nación, chi ni cahān na jéē na nácani ni ni jéē stóo ni cuéchi ní te na cándíje ní máá Jítoho yō Jesucristo.

HECHOS 21:28

Te ni cacana jee i: Tēe ñuu yō Israel, cuāha núú ní ndaha jíjnáhan ní na jnɨ́ɨ yó tée yáha. Chi máá de cúu tēe jíca cuu nɨ́ɨ́ cáhnu stéén de nuū tāca ñáyuu, te cáhán de sɨquɨ̄ nación yō jiín sɨ́quɨ̄ ley jeē ni jéhe ya nuū Moisés jiín sɨ́quɨ̄ templo yáha. Te suni je ni quɨ̄vɨcoo de jíín jecu tēe griego ini templo iī yāhá, te súcuan stɨ́vɨ de jnūhun iī jeē cahán jeē ma cúu quɨ̄vɨ ñayuu ini templo te núu nasūu ñáyuu hebreo cúu i, áchí.

HECHOS 8:27

Te ni quihin Felipe ichi cuahān de. Te nde nación Etiopía ni quiji ɨɨn tēe eunuco jeē ndíso jníñu de cúu de tesorero nuū ñáhan cúu reina ndácu jniñu nación Etiopía, nání ña Candace. Tēe un ní quichiñúhún de Yaā Dios ñuu Jerusalén.

ROMANOS 1:16

Chi tu cúcanu rī sɨquɨ̄ jnúhun vāha ya, chi yūcuan cúu poder Yaā Dios jeē jnáma ya tāca ñáyuu cácandíje, xīhna gā ñayuu hebreo te suni tāca gá ñayuu.

ROMANOS 10:12

Chi ɨnuú‑ni cúu ñayuu hebreo jiín táca gá ñayuu, chi máá yá cúu Jitoho nuū ndɨhɨ yó, te cuehē jeē váha sáha ya jiín ñáyuu cácahān ndahú jíín yá.

GÁLATAS 2:3

Te ni tu ní cásáha fuerza de Tito, tēe ni jica jíín rí, jeē cóndee jnunī circuncidar de, vēsú nasūu tée hebreo cúu de.

GÁLATAS 3:28

Te vijna chi tuá cúu ró ni ñayuu hebreo ni ñayuu griego, ni mozo jeē ní jeen ñayuu, ni ñayuu sájniñu cuenta maá, ni tēe ni ñahan. Chi ɨɨn na cúu ró núū yā jeē cáyɨhɨ ró ndaha Cristo Jesús.

COLOSENSES 3:11

Te ñayuu ní ndujeé tuá cúu i ñayuu griego, ni ñayuu hebreo, ni ñayuu ni sáha circuncidar, ni ñayuu tu ní sáha circuncidar, ni ñayuu ñuu jicá, ni ñayuu yucú jeē ní indāa néé, ni mozo jeē ní jeen ñayuu, ni ñayuu sájniñu cuenta maá, chi ɨnuú cúu ndɨhɨ i nuū yā. Chi Cristo cúu Jitoho ndɨhɨ i, te ndéé yá ini anuá ndɨhɨ i, ndúú yá jiín i.