SAN JUAN 11:2 - New Testament in Mixtec Atatláhuca

² Te María un jéē cúu cuāha Lázaro, suu ña cúu jeē ní chihi aceite perfume jehē Jitoho yō, te ni nasíchí ña jíín ixi xíní ña.

SAN JUAN 11:2 ပူးပေါင်းရင်းမြစ်များ

SAN MARCOS 14:3

Te íne Jesús ñuu Betania vehe Simón, tēe ni ndoho cuehyɨ̄ stehyú. Te níní yéji yā staā, te ni quee ɨɨn ñahan nuū yā, ndáhá ña ɨɨn frasco yuū luu jeē ñúhun aceite perfume, jeē máni ita nardo cúu, te yōhyo yahu ndéé. Te ni tahú ña frasco un, te ni chuhun ña xinī yā.

SAN LUCAS 7:13

Te ná ni jito máá Jítoho yō nuū ña, te ni cundáhú ni yā ña, te ni cahān yā jiín ña: Ma ndahyú ni, áchí yá.

SAN LUCAS 7:19

Te ni cana Juan uū tēe ún, te ni tají de cuangoo nuū Jesús, návāha cajnūhún de ya núu máá yá cúu ndije Cristo jeē ní cachi Yaā Dios jeē tají yá, chí núu nasūu yá cúu te condetu de ɨnga.

SAN JUAN 11:21

Te ni cahān Marta jiín Jesús: Núu ní íyo ní yáha, te ma cúū cuāha ná núú.

SAN JUAN 11:3

Te ndɨndúú cuáha de un ní catají ña jnūhun cuahān nuū Jesús: Tēe jeē maní ni jíín, cúhú de, áchí ña, áchí mozo.

SAN JUAN 11:32

Yūcuán na te ni jinū María nuū íne Jesús, te ni jecuɨñɨ̄ yɨtɨ́ ña nuū jehé yā, te ni cahān ña: Núu ní íyo ní yáha, te ma cúū cuāha ná núú, áchí ña.

SAN JUAN 12:3

Yūcuán na te María ni quee ña jíín nájnūhun sava litro aceite perfume jeē máni ita nardo cúu, te yōhyo yahu ndéé. Te ni chuhun ña jehē Jesús, te ni nasíchí ña jíín ixi ña. Te nɨ́ɨ́ ini vehe un ní chitú xícō perfume un.

SAN JUAN 13:13

Cácahān rō jeē Maestro jiín Jítoho rō cúu ri, te ndaā cácahān rō, chi suu ndije cúu ri.

SAN JUAN 13:14

Núu súcuan te vēsú Maestro rō jiín Jítoho rō cúu ri, te ni nacate ri jehē rō jijnáhan ró, te suni súcuan cánuú jéē nacate máá ró jehē jnáhan ró.