SAN JUAN 10:32 - New Testament in Mixtec Atatláhuca

³² Te ni cahān yā jiín de: Ni steén rī cuehē jniñu váha nuū rō jeē ni sáha ri jiín poder Tatá rī. ¿Te á sɨ́quɨ̄ jeē ni sáha ri jniñu váha cúu jeē cuáha ró yúū xinī rī núu súcuan? Achí yá.

SAN JUAN 10:32 ပူးပေါင်းရင်းမြစ်များ

SAN MATEO 11:5

Te cachi rō nuū de jeē ñáyuu cuaá cánanune tɨnūú i, te ñayuu yacuá cánacaca i, te ñayuu ndóho cuehyɨ̄ stehyú cánduvāha i, te ñayuu sohó cánanune sōho i, te ñayuu jihí nátecu i sáha ri. Te suni nácani ri jnūhun nuū ñáyuu ndahú jéē jnama Yaā Dios i.

SAN JUAN 10:25

Te ni cahān Jesús: Je ni castūhun rí nuū rō, te tu ní cácandíje ró. Tācá jniñu jeē ní tejníñu Tátá rī ruhū sáha ri, yūcuan stéén cají jéē maá yá ni tají rúhū.

SAN JUAN 10:31

Yūcuán na te jnáhan ñuu yā hebreo ni caquihin tucu de yuū jeē cuáha de xinī yā.

SAN JUAN 10:33

Te ni cacahān de jíín yá: Nasūu sɨ́quɨ̄ jeē ni sáha ró jniñu váha cúu jeē cuáha ri yuū xinī rō, chi sɨquɨ̄ jeē cahán ndevāha ró jéē achí ró jeē ɨnuú cúu ró jíín Yaā Dios. Chi tēe‑ni cúu ró, te sáha ró jéē ɨnuú cúu ró jíín Yaā Dios. Achí de jíín yá.

SAN JUAN 10:37

Núu tu sáha ri jniñu sáha Tátá rī, núu súcuan te ma candíje ró rúhū.

SAN JUAN 5:36

Te íyó jéē steén cají gá jeē cujéhnu ri vēsú jeē ni cáhān Juan. Suu jniñu sáha ri, jniñu jeē ní tejníñu Tátá rī ruhū jeē sáha ri, jniñu un stéén ndije jeē maá yá ni tají rúhū vēji ri.

HECHOS 10:38

Te cájini ni jéē Yaā Dios ni jēhe ya Espíritu Santo jiín poder nuū Jesús, Yaā ní jehnu ñuu Nazaret. Te cájini ni jéē ní jica cuu ya ni sáha ya jniñu váha, te ni nasávāha ya tāca ñáyuu jeē cándoho i sáha jexeén, chi Yaā Dios ni chindéé ñáhán yá Jesús.

HECHOS 2:22

’Jeē yúcuan níhín tée ñuu yō Israel, cuni nahín gá ni jnúhun yáha jíjnáhan ní. Ni steén Yaā Dios jeē ní tají yá maá Jesús, Yaā ní jehnu ñuu Nazaret, chi máá Yáā Dios ni jēhe ya jeē ni sáha Jesús jniñu jéhnu mēhñu máá ní, jiín jniñu jeē steén jeē cujéhnu ya, te jniñu un ní canaa ni ni ní cajito ní. Te je cájini vāha ní jéē súcuan ni cuu.

1 JUAN 3:12

Te ma sáha yó nájnūhun ni sáha Caín, jeē ní cuu de sēhe jexeén, te ni jehni de ñani de. ¿Te najehē ni jehni de ñani de? Sɨquɨ̄ jeē ñani de ni sáha jniñu ndaā te máni jniñu néé ní sáha máá de.