SAN JUAN 1:7 - New Testament in Mixtec Atatláhuca

⁷ Tēe un ní quiji de jeē nácani cájí de jnūhun máá Yaā cúu luz, návāha candíje tāca ñáyuu jeē jiín jnúhun cáhán de.

SAN JUAN 1:7 ပူးပေါင်းရင်းမြစ်များ

SAN JUAN 1:12

Te vēsú súcuan te sava ñayuu chi ni cajetáhú i ya, te ni cacandíje i jeē sáha ya jehē i. Te nuū maá i ni jēhe ya jnūhun jeē ndúu i sēhe Yaā Dios.

SAN JUAN 1:15

Te Juan ni nacani de jnūhun ya, te ni cahān de: Yaā yáha cúu jeē ni cáhān rī náa áchí rí jeē Yaā quiji chi cújéhnu ga yā vēsú ruhū, chi je íyó yá nde ná tu cacu ri, achí de.

SAN JUAN 1:19

Te ñayuu hebreo ñuu Jerusalén, ni catají i jecu sutū jiín tée grupo levita jeē cájejníñu ini templo, ni jengoo de nuū Juan, návāha cajnūhún de ndé ɨɨn cúu Juan te na jniñu ndíso de.

SAN JUAN 1:36

Te ni jito de nuū Jesús jeē jíca ya yūcuán. Te ni cahān de: Condēhe jíjnáhan ró, chi yūcuan cúu Yaā cúu Londe jeē ní tají Yaā Dios.

SAN JUAN 1:9

Te máá Yaā cúu luz ndije jeē steén ini anuá tāca ñáyuu, nde saá ní quiji ya ini ñayɨ̄vɨ́.

HECHOS 19:4

Te ni cahān Pablo: Jeē ní scuándute Juan ñayuu cúu jeē ni stéén de jeē na nácani ni i jeē stóo i cuēchi i, te ni cahān de jeē na cándíje i máá Yáā quiji jeē cúu Cristo Jesús, áchí Pablo.

GÁLATAS 3:26

Chi ndɨvii rō cácuu sēhe Yaā Dios sɨquɨ̄ jeē ní cacandíje ró Cristo Jesús.

EFESIOS 3:9

Chi ni jeni ya ruhū jeē steén cají rí jeē suni máá i jnama ya i. Te yūcuan cúu jnūhun Yaā Dios jeē ni yɨ́sāhi ndé jenahán ndasɨ́, chi máá yá ni sáha ndɨhɨ‑ni.

1 TIMOTEO 2:4

Chi máá yá cuní yā jnama ya tāca ñáyuu te cuni i ndese íyó jnúhun ndaā yā.

TITO 2:11

Chi vijna je ni steén Yaā Dios ndese sáha ya jeē váha ñayuu, chi cúní yā jnama ya ndɨhɨ ñayuu ñayɨ̄vɨ́.

2 PEDRO 3:9

Chi nasūu jéē cucuéé máá Jítoho yō sɨquɨ̄ jnúhun ni jejnūhun ya, nájnūhun cájeni ni sava ñayuu. Chi sa suhva íyó paciencia ni yā nuū yō, chi tu cúní yā jeē jnahnú ndetū ni ɨɨn yó, chi sa cúní yā jeē ndɨhɨ yó nacani ni yō stóo yó cuéchi yó.