SAN JUAN 1:45 - New Testament in Mixtec Atatláhuca

⁴⁵ Te ni jenanducú de Natanael, te ni cahān de jíín: Ni canihīn jnáhan ri jiín Yaā jeē yosó jnúhun ya nuū tútu ley jeē ní tee Moisés, jiín núū tútu ni catee tēe ni canacani jnūhun Yaā Dios nde jenahán. Te Jesús sēhe José ñuu Nazaret cúu ya. Achí de.

SAN JUAN 1:45 ပူးပေါင်းရင်းမြစ်များ

SAN MATEO 10:3

Yūcuán na te Felipe, Bartolomé, Tomás, Mateo tēe ni stútú xúhun renta, Jacobo sēhe Alfeo, jiín Lebeo jeē suni nání Tadeo,

SAN MATEO 13:55

Chi sēhe carpintero cúu tēe yáha, te náná de cúu María, te ñani de cácuu Jacobo, José, Simón, jiín Judas.

SAN MATEO 2:23

Te ni jinū de yūcuán, te ni coyūcú de ñuu naní Nazaret. Súcuan ni cuu návāha squícu jnūhun ni cacahān tēe ni canacani jnūhun Yaā Dios nde jenahán. Chi ni cacachi de jeē cahān ñayuu jeē tée ñuu Nazaret cúu Jesús.

SAN MATEO 21:11

Te ni cacahān ñayuu vējicoo jíín yá: Yāha cúu Jesús jeē nácani jnūhun Yaā Dios, jeē véji nde ñuu Nazaret ndañúū Galilea. Achí i.

SAN MARCOS 14:67

Te ni jito ña nuū de jeē néne de násaā de yuñúhún. Te ni jito vāha ña nuū de, te ni cahān ña: Róhó chi suni ni jica ró jíín Jesús, tēe ñuu Nazaret, achí ña.

SAN MARCOS 6:3

Chi tēe yáha cúu carpintero, te sēhe María cúu de, te ñani Jacobo jiín José jiín Judas jiín Simón cúu de. Te suni cáyūcu cuáha de jíín yó yāhá. Achí i. Te súcuan ni cacujéē ni i nuū Jesús.

SAN LUCAS 18:37

Te ni cacahān i jíín de jeē Jesús, tēe ñuu Nazaret, yáha ya cuahān yā.

SAN LUCAS 2:4

Te suni José ni quenda de ñuu Nazaret, ndañúū Galilea. Te cuanuhun de región Judea, te ni najinū de ñuu Belén, jeē cúu ñuu nuū ní cacu rey David jenahán. Chi sēhe yucūn David cúu de.

SAN LUCAS 2:48

Te nuū ní cajito tátá i náná i nuū i, te ni canaa ni de. Te ni cahān naná i jíín i: Séhē, ¿naun ni sáha ró súcuan jíín rí? Chi ruhū jiín tátá rō, yōhyo ni canacani ni rī cánanducú rí rohó, achí ña.

SAN LUCAS 24:27

Te ni nacani cájí yá tāca jnúhun jeē yosó núū tútu iī jeē cahán sɨquɨ̄ maá yá. Te ni quejéé yá jiín jnúhun ni tee Moisés, te ni cahān gā yā tāca jnúhun jeē ní catee tēe ni canacani jnūhun ya nde jenahán.

SAN LUCAS 24:44

Te ni cahān yā jiín de: Tāca jéē ní cuu jíín rí cúu jeē ni cáhān rī ná ni ine ri jiín ró jíjnáhan ró ndé saá, jeē cánuú squícu tāca jnúhun ri jeē yosó núū tútu ley Moisés, jiín núū tācá tutu tēe ni canacani jnūhun Yaā Dios, jiín núū tútu salmo, achí yá.

SAN LUCAS 3:23

Te ná ni quejéé Jesús steén yā jnūhun, te íyó yá nájnūhun ocō uxī cuiyā. Te cájeni ni ñayuu jeē séhe José cúu ya. Te José ni cuu sēhe Elí,

SAN LUCAS 4:22

Te ndɨvii i ni cacahān jeē váha tēe cúu ya, te cánaa ni i jeē ní cajini i tāca jnúhun luu ni cahān yā. Te ni cacajnūhun jnáhan i: ¿A násūu séhe José cúu tēe yáha?

SAN JUAN 1:44

Te Felipe cúu tēe ñuu Betsaida, jeē cúu ñuu Andrés jiín Pedro.

SAN JUAN 12:21

Te ni quecoo i nuū Felipe, tēe ñuu Betsaida ndañúū Galilea. Te ni cacahān i jíín de: Tátā, cácuni ná cahān na jíín Jesús, achí i.

SAN JUAN 14:8

Te ni cahān Felipe jiín yá: Stéén ni Tátá ni núū ná, te na cúvāha ni na jíjnáhan ná, áchí de.

SAN JUAN 18:5

Te ni cacahān de jíín yá: Jesús tēe ñuu Nazaret cánanducú rí. Te ni cahān yā: Máá rí cúu. Te Judas, tēe jeē nástúu de ya, suni íne de jíín tée ún.

SAN JUAN 18:7

Yūcuán na te ni cajnūhún tucu ya de: ¿Ndé ɨɨn cánanducú ró? Te ni cacahān de: Jesús tēe ñuu Nazaret.

SAN JUAN 19:19

Te suni ni ndacu Pilato jniñu jeē na cóndee jnūhun xinī cruz yā, jeē cahán: Tēe yáha cúu Jesús ñuu Nazaret, Rey ñayuu hebreo, achí.

SAN JUAN 21:2

Cáhīin tútú Simón Pedro, jiín Tomás, tēe ni cacu cuátí, jiín Natanael, tēe ñuu Caná ndañúū Galilea, jiín ndɨndúú séhe Zebedeo, jiín úū gā tēe cáscuáha.

SAN JUAN 6:42

Te ni cacahān de: ¿A násūu tée yáha cúu Jesús, sēhe José? Te cájini yō tatá de náná de. ¿Te ndese cúu jeē cahán de jeē ni quíji de ichi ándɨvɨ́ núu súcuan?

SAN JUAN 6:5

Te ni ndacoto ya, te ni jito ya jeē véjicoo cuehē ndasɨ́ ñáyuu. Te ni cahān yā jiín Felipe: ¿Ndé nuū cuaan yó jéē cáji ñayuu yáha jíjnáhan i?

SAN JUAN 6:7

Te ni cahān Felipe jiín yá: Te ni ma cánda uū ciento denario staā, ni vēsú jeē cáji i jecu jecu jijnáhan i, áchí de.

HECHOS 10:38

Te cájini ni jéē Yaā Dios ni jēhe ya Espíritu Santo jiín poder nuū Jesús, Yaā ní jehnu ñuu Nazaret. Te cájini ni jéē ní jica cuu ya ni sáha ya jniñu váha, te ni nasávāha ya tāca ñáyuu jeē cándoho i sáha jexeén, chi Yaā Dios ni chindéé ñáhán yá Jesús.

HECHOS 2:22

’Jeē yúcuan níhín tée ñuu yō Israel, cuni nahín gá ni jnúhun yáha jíjnáhan ní. Ni steén Yaā Dios jeē ní tají yá maá Jesús, Yaā ní jehnu ñuu Nazaret, chi máá Yáā Dios ni jēhe ya jeē ni sáha Jesús jniñu jéhnu mēhñu máá ní, jiín jniñu jeē steén jeē cujéhnu ya, te jniñu un ní canaa ni ni ní cajito ní. Te je cájini vāha ní jéē súcuan ni cuu.

HECHOS 22:8

Yūcuán na te ni cahān ná: ¿Na nihín cúu jeē cahán, Tátā? achí ná. Te ni cahān yā jiín ná: Máá rí cúu Jesús jeē ní jehnu ñuu Nazaret, te jeē jíto xeēn rō ñayuu cácandíje i ruhū cúu jeē jíto xeēn rō ruhū, achí yá.

HECHOS 26:9

’Te máá ná chi ni jeni ni na jéē jíni ñúhún ndonda ná sɨ́quɨ̄ ñayuu cácandíje i Jesús, Yaā ní jehnu ñuu Nazaret.

HECHOS 3:6

Te ni cahān Pedro: Tú na xūhun plata ni xūhun oro cánevāha ri. Te íyó ɨɨn jeē váha ga sáha ri jiín ró: jíín poder maá Jesucristo, Yaā ní jehnu ñuu Nazaret, cáhán rī jiín ró, ndocuɨñɨ̄ te caca ró, áchí de.