SAN JUAN 1:39 - New Testament in Mixtec Atatláhuca

³⁹ Te ni cahān yā jiín de: Quíngoo yó te cuni rō. Te ni jengoo de, te ni cajito de nuū ndeé yá. Te ni caquendōo de jíín yá quɨvɨ̄ ún, chi nájnūhun cacuūn jehíni cúu.

SAN JUAN 1:39 ပူးပေါင်းရင်းမြစ်များ

SAN LUCAS 24:29

Te máá de ni castétu de ya, ni cacahān de jíín yá: Ndōo ní vehe ná, chi je ni ini te je yajni cuaa, áchí de. Yūcuán na te ni quɨ̄vɨ ya jeē quéndōo ya jiín de.

SAN JUAN 1:38

Te ni ndió cóto Jesús, te ni jito ya jeē cándiquīn de yatā yā. Te ni cahān yā jiín de: ¿Na vé cánanducú ró? Te ni cacahān de jíín yá: Maestro, ¿ndé nuū ndeé ní?

SAN JUAN 1:40

Te Andrés, ñani Simón Pedro, cúu ɨɨn jeē ndɨndúú tée un jéē ní cajini sōho jnūhun ni cahān Juan, te ni candiquīn Jesús.

SAN JUAN 1:46

Te ni cahān Natanael jiín de: ¿Te ndese cúu cujéhnu ɨɨn tēe jeē ní cacu ñuu ndahú Nazaret? Te ni cahān Felipe: Quíhín yō de cuni rō, achí de.

SAN JUAN 4:40

Te jeē yúcuan cúu jeē ñayuu Samaria un ní jinūcoo i nuū yā, te ni cacahān ndahú i jíín yá jeē na quéndōo ya ñuu i. Te ni ndōo ya yūcuan úū quɨvɨ̄.

SAN JUAN 6:37

Tāca ñáyuu jeē sáha Tátá rī jeē candíje i ruhū, máá i quɨ́vɨcoo ndaha ri. Te jétáhú rí tāca jéē cuní quɨ̄vɨ ndaha ri, chi ma squéhichī cuɨtɨ rī quihīn.

APOCALIPSIS 3:20

Cuni sōho, chi íin ri yehyɨ́ ánuá rō te cáhán rī. Te núu ndé‑ni róhó cuni sōho te nune ró yéhyɨ́ ánuá rō, te quɨ̄vɨ ri caji rī staā jiín ró, te suni caji maá ró jiín rí. Te suu cúu jeē cóndee rī anuá rō.