SAN JUAN 1:3 - New Testament in Mixtec Atatláhuca

³ Te ni sáha Yaā Dios jeē jiín máá yá ni jecōo ndɨhɨ tāca jéē iyó. Te ma jécōo ni ɨɨn jeē iyó núu tu ní sáha máá yá.

SAN JUAN 1:3 ပူးပေါင်းရင်းမြစ်များ

SAN JUAN 1:10

Te Yaā cúu Jnūhun Yaā Dios ni condee yā ini ñayɨ̄vɨ́, te vēsú jeē jiín máá yá ni sáha Yaā Dios ñayɨ̄vɨ́, te ñayuu ñayɨ̄vɨ́ tu ní cácuni i cuatáhú i jeē maá yá cúu.

SAN JUAN 1:2

Máá yá ndeé yá nde jeē xíhna ñúhún jíín Yaā Dios.

1 CORINTIOS 8:6

Te nuū maá yó chi ɨɨn‑ni Yaā iyó, jeē cúu Tátá yō Yaā Dios. Te máá yá ni sáha tāca jéē iyó, te cuenta maá yá cúu yó jíjnáhan yó. Te suni íyó ɨɨn‑ni Jitoho yō Jesucristo, te nde nuū maá yá vēji tāca jéē iyó, te suni máá yá ni sáha yóhó.

EFESIOS 3:9

Chi ni jeni ya ruhū jeē steén cají rí jeē suni máá i jnama ya i. Te yūcuan cúu jnūhun Yaā Dios jeē ni yɨ́sāhi ndé jenahán ndasɨ́, chi máá yá ni sáha ndɨhɨ‑ni.

HEBREOS 11:3

Sɨquɨ̄ jeē candíje yó cúu jeē jécūhun ni yō jeē ni sáha Yaā Dios ñayɨ̄vɨ jíín jnúhun ni cahān‑ni ya. Te jíín poder Yaā Dios jeē tu jíto yó núū, ni jecōo tāca jéē jíto yó núū.

1 JUAN 5:1

Tāca ñáyuu jeē cácandíje i jeē Jesús cúu Cristo, Yaā ní tají Yaā Dios, máá i cácuu sēhe Yaā Dios. Te ñayuu manī jiín Yaā cúu Tátá, suni cácundáhú ni i ñayuu cácuu sēhe ya.

APOCALIPSIS 3:14

’Te tee ró jnúhun yáha na quíhín nuū jeē cujéhnu nuū ñáyuu cácandíje ñuu Laodicea: Súcuan cáhán ruhū, maá Yaā cúu jnūhun ndaā, Yaā cúu testigo vāha jeē cahán ndaā. Te máá rí ni sáha ndɨhɨ jeē ni cáhān Yaā Dios jeē na jécōo.

APOCALIPSIS 4:11

Jitoho ná te Yaā Dios na cúu ní. Te vāha ndasɨ́ Yaā cúu ní jéē cácahān i jeē luu cújéhnu ní, te cáhīyo yɨ́ñúhún i nuū ní, te jnɨ́ɨ ní ndɨhɨ poder. Chi máá ní ni sáha ndɨhɨ jeē iyó, te sɨquɨ̄ jeē súcuan ni cuu ni maá ní te ni jecōo ndɨhɨ. Achí de jíjnáhan de.