SAN JUAN 1:23 - New Testament in Mixtec Atatláhuca

²³ Te ni cahān Juan: Máá rí cúu tēe jeē ni cáhān Isaías, tēe ni nacani jnūhun Yaā Dios nde jenahán, jeē quíji ri cana jee ri nde nuū ñúhun téhé. Te cáhán rī jiín ñáyuu jeē na sátūhva i máá i, chi quiji máá Jítoho yō. Achí Juan.

SAN JUAN 1:23 ပူးပေါင်းရင်းမြစ်များ

SAN MATEO 3:3

Te Isaías, tēe ni nacani jnūhun Yaā Dios nde jenahán, suhva ni tee de jnūhun Juan nuū tútu: Coo ɨɨn tēe cana jee nde nuū ñúhun téhé: Sátūhva ró máá ró jijnáhan ró, chi quee maá Jítoho yō. Te sáha ró jniñu ndaā, chi vēji ya, achi de. Achí Isaías.

SAN MARCOS 1:3

Te tēe ún cana jee de nde nuū ñúhun téhé: Sátūhva ró máá ró jijnáhan ró, chi quee maá Jítoho yō. Te sáha ró jniñu ndaā, chi vēji ya, achi de. Achí Isaías.

SAN JUAN 1:22

Te ni cacahān tucu jíín de: ¿Te ndé ɨɨn cúu ró núu súcuan? Cachi nuū rī jijnáhan ri, chi jíni ñúhún castūhun rí nuū tāca tée ni catají rúhū vējicoo ri. Cachi na jniñu ndíso ró víī.

SAN JUAN 1:24

Te tēe grupo fariseo cácuu jeē ní catají tée ni quijicoo ún.

SAN JUAN 3:28

Máá ró jijnáhan ró chi ni cajini sōho ró jéē ni cáhān cají rí jeē násūu máá rí cúu Cristo, chi cúu ri ɨɨn jeē ní tají Yaā Dios jeē cósnūú nacani jnūhun jeē quíji ya.