HECHOS 5:4 - New Testament in Mixtec Atatláhuca

⁴ ¿Te á násūu cuenta maá ró cúu ñuhun un ndé ná tu xīco ró? Te ná ni xīco ró ¿te á násūu cuenta maá ró cúu xūhun jéē cuajníñu ró ndé nuū cuní maá ró? ¿Te naun ni jeni ni rō jeē stahú ró súcuan? Te nasūu máni máá tée cúu jeē jícu ró stáhú ró, chi suni Yaā Dios, áchí Pedro.

HECHOS 5:4 ပူးပေါင်းရင်းမြစ်များ

SAN LUCAS 10:16

Te ni cahān gā yā jiín tée jeē tají yá quingoo: Ñayuu chusóhó jnúhun cahān rō, nuū maá rí chusóhó i. Te ñayuu squéhichī rohó, suni ruhū squéhichī i. Te ñayuu squéhichī ruhū, suni squéhichī i Yaā ní tají rúhū vēji ri. Achí yá.

HECHOS 5:3

Te ni cahān Pedro: Ananías, ¿naun ni jēhe ro jnúhun jeē quɨ̄vɨ jexeén, jeē cúu Satanás, ini anuá rō te stáhú ró Espíritu Santo cuní rō? Chi jeē ní caxīco ró ñuhun ró te cuēchi ró cúu jeē tu ní cáchi ndaā rō jeē ni squéndōo ró jecu xūhún un cuajníñu máá ró, chi ni sáha ró nájnūhun jeē ndɨhɨ xūhun ní jēhe ró.

HECHOS 5:9

Te ni cahān Pedro jiín ña: ¿Naun ni casquíjnáhan jnūhun ró jéē cóto ndee rō Espíritu Santo maá Jítoho yō? Chi ni nducú ró stahú ró yā. Cuni nahín jéē cáhma nanecoo tēe cuachindūji yɨɨ ró, te suni súcuan quichindūji de róhó, áchí de.

1 CORINTIOS 8:8

Te ndaā chi nasūu jéē yéji yō cúu jeē sáha jeē cuatáhú Yaā Dios yohó. Chi núu yéji yō, nasūu yúcuan sáha jeē quéndōo vāha ga yō nuū Yaā Dios. Te núu tu yéji yō, ni tu sáha jeē quéndōo ndáhú gá yō nuū yā.

1 TESALONICENSES 4:8

Núu súcuan te ñayuu jeē squéhichī jnūhun yáha, nasūu jnúhun ɨɨn tēe squéhichī i, chi sa jnūhun Yaā Dios, Yaā ni jéhe Espíritu Santo nuū yō.

FILEMÓN 1:14

Te tu ní cúní rī sáha ri súcuan, chi nde cuāha máá ró jnūhun. Chi nasūu jéē safuerza rī rohó, chi jeē váha ni rō te sáha ró favor jiín rí, nájnūhun cúsɨɨ̄ ni maá ró.

SANTIAGO 1:15

Te jeē ndíyo néé ni i, yūcuan quéjéé cuéchi. Te cuēchi ún, núu je ni cunīhin, te sáha jeē jnahnú ndetū ñayuu.