HECHOS 3:4 - New Testament in Mixtec Atatláhuca

⁴ Te Pedro jiín Juan ni cajito vāha de nuū tée ún. Te ni cahān Pedro jiín de: Condēhe núū rī jijnáhan ri, achí de.

HECHOS 3:4 ပူးပေါင်းရင်းမြစ်များ

SAN LUCAS 4:20

Te ni nacasɨ yā tutu ún, te ni nacuāha ya nuū tée jéjníñu ini sinagoga, te ni nucōo ya jeē steén yā jnūhun nuū ñáyuu cáhīin ini sinagoga. Te tācá i cájito vāha i nuū yā.

SAN JUAN 11:40

Te ni cahān Jesús jiín ña: ¿A násūú je ni cahān rī jiín ró jeē núu candíje ró te coto ró jéē yóhyo cújéhnu Yaā Dios jiín poder yā? achí yá.

SAN JUAN 5:6

Te ni jito Jesús jeē catú de, te ni jini yā jeē ní cuu cuehē cuiyā cuhú de. Te ni cahān yā jiín de: ¿A cúní rō nduvāha ró? áchí yá.

HECHOS 10:4

Te máá de ni ndacoto vāha de nuū yā, te ni yūhú de. Te ni cahān de: ¿Na vé cuní ni, Tátā? achí de. Te ni cahān yā jiín de: Je chíhi Yaā Dios cuenta jeē jicán tahú rō jiín jéē sáha ró caridad.

HECHOS 11:6

Te ni jito vāha ná, te ni jini na jéē chíji un cáñūhun quɨtɨ cúún ndaha jíín quɨtɨ xéén jíín cóō jiín quɨtɨ cándava.

HECHOS 3:1

Te ɨɨn quɨvɨ̄ te máá cáhunī jehíni ni caa Pedro jiín Juan cuangoo de templo, chi hora un cájicān tahú jnáhan de hebreo.

HECHOS 3:11

Te tēe ni nduvāha ún, tu siáá de Pedro jiín Juan. Te ni cacutútú‑ni cuehē ñayuu nuū de ini corredor jeē naní Salomón, te ni canaa ni i cájito i.

HECHOS 3:12

Te ni jito Pedro jeē ní cutútú ñáyuu ún, te ni cahān de jíín i: Níhín tée ñuu yō Israel jijnáhan ní, ¿najehē cánaa ni ni cájito ní jniñu yáha? ¿Najehē cájito ní núū ná te cájeni ni ni jéē maá ná jijnáhan ná íyó poder na jéē sáha ná jéē nácaca tēe yáha? ¿Chí ní nduvāha de sɨquɨ̄ jeē tée cájica ndaā cácuu ná cájeni ni ní?

HECHOS 3:3

Te tēe un ní jito de nuū Pedro jiín Juan jeē véji de quɨ̄vɨcoo de ini templo, te ni jicān de caridad nuū Pedro jiín Juan.

HECHOS 3:5

Te máá tée un ndétu tūhva de, ni jeni ni de jeē cuáha Pedro jiín Juan jecu xūhun núū de.