HECHOS 3:2 - New Testament in Mixtec Atatláhuca

² Te cájendēca ñayuu ɨɨn tēe cáríngo nde quɨvɨ̄ ní cacu de. Te tēe un ndéé de ndɨjnahan quɨvɨ̄ yehyɨ́ templo jeē naní Hermosa, jícán de caridad nuū tāca ñáyuu quɨ́vɨcoo ini templo.

HECHOS 3:2 ပူးပေါင်းရင်းမြစ်များ

SAN LUCAS 16:20

Te suni ni īyo ɨɨn tēe ndáhú, nání de Lázaro, néne de yéhyɨ́ tée cúcá un, te nɨ́ɨ́ cáhnu de íin ndɨ̄hyɨ.

SAN LUCAS 18:35

Te ni cuyajni ya cuahān yā ñuu Jericó. Te ɨɨn tēe cuáá néne de yuhíchi, jícán de caridad.

SAN JUAN 9:8

Yūcuán na te ñayuu yúcu yajni jíín de, jíín ñáyuu jeē ní cajito jeē cúu de tēe cuáá, ni cacajnūhun jnáhan i: ¿A násūu tée yáha cúu jeē ndeé-ni yāhá te jícán caridad?

HECHOS 10:31

Te ni cahān yā jiín ná: Cornelio, je ni jini sōho Yaā Dios jeē jicán tahú rō, te chíhi ya cuenta jeē sáha ró caridad.

HECHOS 10:4

Te máá de ni ndacoto vāha de nuū yā, te ni yūhú de. Te ni cahān de: ¿Na vé cuní ni, Tátā? achí de. Te ni cahān yā jiín de: Je chíhi Yaā Dios cuenta jeē jicán tahú rō jiín jéē sáha ró caridad.

HECHOS 14:8

Te ñuu Listra néne ɨɨn tēe jeē tu cúu caca, te tu jíca cuɨtɨ de chi nde quɨvɨ̄ ní cacu de cácójó de.

HECHOS 3:10

Te ni canacuni i de jeē maá de cúu tēe ni condee yehyɨ́ templo jeē naní Hermosa, ni jicān de caridad. Te ni canaa ni i ni cajito i, te ni cayūhú i cájito i jeē ní nduvāha tēe ún.

HECHOS 4:22

Chi tēe jeē ní sáha ya jniñu jéhnu jíín de jeē ní nduvāha de, víhyá gā uū xico cuiyā de.