HECHOS 22:3 - New Testament in Mixtec Atatláhuca

³ Máá ná cúu jnáhan ñuu yō hebreo, te ni cacu ná ini ñuu Tarso ndañúū Cilicia. Te ini ñuu Jerusalén yāha ní jehnu ná, te ni cutūhva ná núū Gamaliel, te ni steén de nuū ná ndɨhɨ sɨquɨ̄ ley jeē ni jéhe ya nuū jií yō. Te nde jiín ini jiín ánuá na ní nducú ndéyɨ́ ná squícu ná súcuan nuū Yaā Dios, nájnūhun cásáha máá ní vijna.

HECHOS 22:3 ပူးပေါင်းရင်းမြစ်များ

SAN LUCAS 10:39

Te Marta, íyó ɨɨn cuhū ña nání María. Te María ni cucōo ña nuū jehé Jesús, jíni nahín ña jnūhun cáhán yā.

SAN LUCAS 2:46

Te nuū uní quɨvɨ̄ te ni cananihīn de i ini templo, néne i mēhñu tée cástéén tutu ley Yaā Dios, te jíni nahín i jeē cácahān de te cájnūhún i de sɨquɨ̄ jnúhun ún.

SAN LUCAS 8:35

Te cuangoo ñayuu un cuácondēhé i na vé ni cuu. Te ni jinūcoo i nuū íne Jesús. Te ni cajito i nuū tée ní quendacoo tachī ini, néne de nuū jehé Jesús, te ñúhun de sahma, te je ni nducájí xínī de. Te ni cayūhu ñáyuu ún.

HECHOS 11:25

Yūcuán na te cuahān de nde ñuu Tarso cuananducú de Saulo. Te ni nanihīn jnáhan de jíín Saulo, te ndéca de tēe un ní ndee de ñuu Antioquía.

HECHOS 15:23

Te ni cajendēca de carta jeē cahán suhva: Máá ná cácuu tēe apóstol, jiín táca tée jéhnu cándīso jníñu nuū ñáyuu cácandíje, jíín táca gá hermano yō. Te cátee ná carta yáha cuájeē nuū ni jíjnáhan ní, hermano, jeē cácuu ní ñáyuu sɨ́ɨn nación jeē cáyūcu ní ñuu Antioquía jiín Siria jiín Cilicia. Cuandeyɨ́ ni ni jíjnáhan ní.

HECHOS 15:41

Te ni cajica cuu de nɨ́ɨ́ Siria jiín Cilicia. Te tāca grupo ñayuu cácandíje ni cahije ga ni i jíín jnúhun ya ni casáha de.

HECHOS 21:20

Te ni cajini sōho de jnūhun yáha, te ni cacahān de jeē yóhyo cújéhnu Yaā Dios. Te ni cacahān de jíín Pablo: Hermano, vijna te jíní ni náa cuehē mil jnáhan ñuu yō hebreo ni cacandíje i Jesús, te cácahān nīhin i jeē cánuú squícu yó ley jeē ni jéhe ya nuū Moisés.

HECHOS 21:39

Yūcuán na te ni cahān Pablo: Tuú, chi tēe hebreo cúu ná, te ni cacu ná ñuu Tarso, ɨɨn ñuu jeē cujéhnu ndañúū Cilicia. Te quiñūhun ni ni cuáha ní jnúhun na cáhán na jíín ñáyuu yáha jíjnáhan i, áchí de.

HECHOS 23:34

Te ni cahu gobernador carta un. Te ni cajnūhún de ndé ñuu cúu Pablo, te ni jini de jeē tée ndañúū Cilicia cúu Pablo.

HECHOS 23:6

Te nuū ní jini Pablo jeē sava de cácuu grupo saduceo te sava ga de cácuu grupo fariseo, te ni cahān jee de: Tátā jijnáhan ní, máá ná cúu ɨɨn jnáhan grupo fariseo, te suni súcuan ni īyo tátá na. Chi suni máá ná ñúhun ni na jéē nastécu yā ndɨ̄yɨ, te sɨquɨ̄ yúcuan cúu jeē cácahān ni cuéchi sɨquɨ̄ ná, áchí de.

HECHOS 26:5

Te núu cácuni maá de cahān ndaā de, te je cájini de sāña jéē ndé lulí ná ni quɨ̄vɨ ná nuū grupo fariseo, te grupo un nīhin ga cánducú ndéyɨ́ de squícu de ley yā vēsú tāca gá grupo tēe nación yō.

HECHOS 26:9

’Te máá ná chi ni jeni ni na jéē jíni ñúhún ndonda ná sɨ́quɨ̄ ñayuu cácandíje i Jesús, Yaā ní jehnu ñuu Nazaret.

HECHOS 5:34

Te mēhñú un jíjnáhan néne ɨɨn tēe grupo fariseo nání de Gamaliel, te cúu de maestro jeē steén ley yā, te tāca ñáyuu cájejnúhún i de. Te ni ndocuɨñɨ̄ de, te ni ndacu de jniñu jeē na cújiyo núu tēe apóstol.

HECHOS 6:9

Te ñayuu hebreo jeē ní cacuyāhu i te ni canduu libre i, íyó vehe iī sinagoga i. Te tēe un cácuu tēe ñuu Cirene jiín tée ñuu Alejandría jiín tée Cilicia jiín tée Asia. Te sava tēe un ní caquejéé de cástáhān jnáhan de jíín Esteban.

HECHOS 9:1

Te Saulo chi máni cáhán de jeē cáhni de tāca ñáyuu cácandíje i máá Jítoho yō, te jeē yúcuan ní jehēn de nuū sutú cujéhnu ga.

HECHOS 9:11

Te ni cahān maá Jítoho yō jiín de: Quihin ichi te quihīn rō calle jeē naní Calle Derecha, te vehe Judas cajnūhun ró ɨɨn tēe nání Saulo ñuu Tarso, chi jícán tahú de.

HECHOS 9:30

Te ni cajini tācá hermano cácandíje, te ni cajendēca de Saulo nde ñuu Cesarea. Te yūcuan ní canatají de Saulo cuanuhun de nde ñuu de Tarso.

ROMANOS 11:1

Núu súcuan te cájnūhun rí: ¿A ní stóo Yaā Dios ñayuu maá yá Israel, chí naún? Tú cuɨtɨ. Chi ruhū suni tēe Israel cúu ri, te yucūn Abraham cúu ri, te Benjamín cúu jíí rī jenahán.

2 CORINTIOS 11:22

Núu cácutéyɨ́ de jeē tée hebreo cácuu de, te suni súcuan ruhū. Núu tēe Israel cácuu de, te suni ruhū. Núu yucūn Abraham cácuu de, te suni ruhū.

GÁLATAS 1:14

Te vāha ga ni cutūhva ri sahān ún vēsú cuehē gā tēe nación rī jeē ní cajehnu jíín rí, chi ni condɨhvɨ̄ gā ni rī sɨquɨ̄ tāca jéē ní cajequin jií rī.

GÁLATAS 1:21

Yūcuán na te ni jehēn rī nɨɨ́ región Siria jiín Cilicia.