GÁLATAS 5:4 - New Testament in Mixtec Atatláhuca

⁴ Róhó jéē cánducú ró quendōo ndaā rō jeē squícu ró ley un, je ni casiáá rō Cristo núu súcuan. Je ni castóo ró jnúhun jeē ndahva yā cuēchi ró sɨ́quɨ̄ jeē cundáhú ni Yaā Dios rohó.

GÁLATAS 5:4 ပူးပေါင်းရင်းမြစ်များ

ROMANOS 11:6

Te núu ni nacāji ya i sɨquɨ̄ jeē váha ni yā jiín i, te nasūu sɨ́quɨ̄ jeē ni sáha i jniñu váha cúu. Chi núu sɨquɨ̄ jeē ni sáha i jniñu váha cúu, yūcuán na te nasūu sɨ́quɨ̄ jeē váha ni yā cúu.

ROMANOS 3:20

Chi tú ni ɨɨn ñayuu quendōo ndaā i nuū yā jeē nducú i squícu i jniñu ndácu ley un. Chi ley un jéjníñu máni návāha cuni yō jeē iyó cuéchi yó.

GÁLATAS 2:21

Núu súcuan te tu cúní rī casɨ rī nuū jnúhun jeē ndáhva Yaā Dios cuēchi yó sɨ́quɨ̄ jeē yóhyo vāha ni yā jiín yó. Chi núu jeē quéndōo ndaā yō nuū yā jeē nducú yó squícu yó ley jenahán, yūcuán na te tu ndé jéjníñu jeē ni jíhī Cristo nuú.

GÁLATAS 5:2

Sáha ró cuenta jijnáhan ró, chi ruhū Pablo cahán rī jiín ró jeē núu squícu ró ley circuncidar, yūcuán na te tu níhín jníñu cuɨtɨ jeē ní candíje ró jéē ni jíhī Cristo jehē rō.

HEBREOS 12:15

Te coto má cáca yátá ni ɨɨn ró te scuíta ró jnúhun jeē sáha Yaā Dios jeē váha róhó, návāha tú cuu ró nájnūhun ɨɨn yucū uvuá jeē stɨ́vɨ te sáha daño jiín cuéhē ñayuu.

HEBREOS 4:1

Te níní íyó gá jnūhun jeē ni jéjnūhun ya jeē quɨ́vɨcoo ñayuu nuū ndetātú i sáha ya, te na cónso īyo yó jéē ma stɨ́vɨ yó, návāha tú coo jíín sava ró jéē ma nihín rō quɨ̄vɨ ró.

APOCALIPSIS 2:5

Núu súcuan te nucūhun ni rō ndese ni castóo ró jnúhun jeē ni íyo manī rō jiín rí, te nacani ni rō, te na sáha ró nájnūhun ni casáha ró ndé quɨvɨ̄ ún. Te núu ma nácani ni rō, te yachī jeē rī te stáa ri candelero rō nuū íin, cúu jeē ma cuɨ́ñɨ ga rō jiín ñáyuu cácandíje.