APOCALIPSIS 7:3 - New Testament in Mixtec Atatláhuca

³ Ma sáha ró daño nuū ñúhun ni nuū tācá yujnu ni nuū mar, chi nde na tée yó sello jneē tāca ñáyuu cájejníñu nuū Yaā Dios yō.

APOCALIPSIS 7:3 ပူးပေါင်းရင်းမြစ်များ

SAN MATEO 24:22

Te núu tú nastɨ́yɨ Yaā Dios tiempo jnūndóho ún, te ni ɨɨn ñayuu ma cácu cuɨtɨ i. Te jeē sɨquɨ́ ñáyuu cácandíje jeē ní nacāji ya, jeē yúcuan nastɨ́yɨ ya tiempo un.

SAN MATEO 24:31

Te tají rí ndajéhé rī quingoo, te tɨvɨ nīhin ya trompeta. Te quinastútú yá ñayuu ní nacāji ri ndɨcúún lado ñayɨ̄vɨ́, nde ɨɨn lado ñayɨ̄vɨ jíín ndé ɨnga lado.

SAN JUAN 12:26

Núu ndé ñáyuu cuní i cuajníñu i nuū rī, na cóndiquīn i ruhū. Te nuū cóndee rī, suni yūcuán condee ñayuu jejníñu nuū rī. Te ñayuu jejníñu nuū rī, chi sáha Tátá rī jeē cujéhnu i.

SAN JUAN 3:33

Te núu ɨɨn ñayuu candíje i jnūhun cáhán yā, suu cúu jeē jejnúhún i jeē Yaā ndaā cúu Yaā Dios.

ROMANOS 6:22

Te vijna te je ni canduu libre rō jeē tuá cácuu ró mozo nuū cuéchi, te cájejníñu ró núū Yaā Dios. Te suu sáha jeē quéndōo vāha ró, chi cáhīyo ndoo cáhīyo iī rō nuū yā, te nde sandɨ̄hɨ́ te cotecu rō nɨɨ́ cáni.

APOCALIPSIS 13:16

Te tāca ñáyuu cujéhnu jiín ñáyuu tu cújéhnu, tāca ñáyuu cucá jíín ñáyuu ndahú, tāca ñáyuu sájniñu cuenta maá jiín mozo jeē ní cajeen ñayuu, ni sáha tɨ jeē ni jécondee ɨɨn jnunī ndaváha i chí jnéē i.

APOCALIPSIS 13:17

Te ni ɨɨn ñayuu ma cúu cuaan i xīcó i te núu tu ndíso i jnunī jeē cúu sɨ́hvɨ́ tɨ́ chí jnúnī número jeē cúu sɨ́hvɨ́ tɨ́.

APOCALIPSIS 14:1

Yūcuán na te ni ndacoto ri, te ni jito ri jeē íin máá Yaā cúu Londe xinī yucu Sión. Te cáhīin ciento uū xico cuūn mil ñayuu jiín yá. Te jneē i ndéé sɨhvɨ́ máá yá jiín sɨ́hvɨ́ Tátá yā Yaā Dios.

APOCALIPSIS 14:9

Yūcuán na te ndíquín ɨnga ndajéhé unī vēji, te ni cahān jee ya: Xeēn coo sɨquɨ̄ ñayuu cáchiñúhún quɨtɨ xéén jiín imagen tɨ̄, te jéhe i jnūhun condee jnunī tɨ̄ jneē i chí ndaha i.

APOCALIPSIS 19:2

Te ndaā te vāha sándaā yā tācá jniñu, chi ni ndonda ya sɨquɨ̄ cuéchi ñuu neé cújéhnu ún. Chi ni stɨ́vɨ un ñáyuu nɨɨ́ cáhnu ñayɨ̄vɨ jíín jnúhun cásɨ́quɨ́ ndéē Yaā Dios. Te ni sáha ya jeē ní ndutahū ñuu un sɨ́quɨ̄ jeē ní jehni tāca mozo yā. Achí i jíjnáhan i.

APOCALIPSIS 20:4

Te ni jito ri tāca mesa nuū ndácu jniñu, te yūcuan cáyūcu táca ñáyuu jeē ní canihīn jníñu i sándaā i jniñu. Te suni ni jito ri anuá tāca ñáyuu jeē ní cajehnde xinī i sɨquɨ̄ jeē ní canacani i jnūhun Jesús jiín jnúhun Yaā Dios. Te tu ní cáchiñúhún i quɨtɨ xéén jiín imagen tɨ̄, ni tu ní cájēhe i jnūhun jeē cóndee jnunī tɨ̄ jneē i chí ndaha i. Te ni jito ri jeē ní natecu i te ni candacu i jniñu jíín Cristo mil cuiyā.

APOCALIPSIS 22:4

Te coto i nuū yā, te condee sɨhvɨ́ yá jneē i.

APOCALIPSIS 6:6

Te mēhñú ndɨcúún jeē técu un ní jini sōho ri ɨɨn jeē cahán: Máá ɨɨn kilo‑ni trigo nihīn i jíín yáhu i jeē sájniñu i ɨɨn quɨvɨ̄. Te núu cebada, te unī‑ni kilo nihīn i jíín yáhu i jeē sájniñu i ɨɨn quɨvɨ̄. Te aceite jiín vino chi ma sáha ró jéē cúmanī. Achí.

APOCALIPSIS 7:1

Te ná ni cuu jniñu yáha, te ni jito ri cuūn ndajéhé yā jeē cáhīin ndɨcúún lado ñayɨ̄vɨ́. Te cájesɨ yā nuū ndɨcúún tachī, návāha ma quée nuū ñúhun ni nuū mar ni nuū ní ɨɨn yujnu.

APOCALIPSIS 7:2

Te suni ni jito ri ɨnga ndajéhé yā, vēji ichi núū cáne niāndii. Te ndáhá yá sello Yaā Dios, Yaā técu. Te ni cahān jee ya jiín ndɨcúún ndajéhé un jéē ndíso jníñu jeē sáha daño nuū ñúhun íchi jíín núū mar:

APOCALIPSIS 9:4

Te ni ndacu ya jniñu nuū tɨ̄ jeē ma sáha tɨ daño ite jiín yúcū cuíi jíín yujnu, chi máni ñayuu jeē tu ndéé sello Yaā Dios jneē i cúu jeē tuu tɨ.