APOCALIPSIS 7:13 - New Testament in Mixtec Atatláhuca

¹³ Yūcuán na te ni cahān ɨɨn tēe jéhnu un jíín rí: ¿Ndé ñáyuu cúu yāha jéē cáñuhun sahma cuijín, te ndé chi véjicoo i?

APOCALIPSIS 7:13 ပူးပေါင်းရင်းမြစ်များ

SAN JUAN 7:28

Yūcuán na te ni cahān jee Jesús jeē steén yā jnūhun ini templo: Cájini rō ruhū, te cájini rō ndé ñuu vēji ri. Te vēsú súcuan te máá Yaā ndaā cúu jeē ní tají rúhū vēji ri, te tú vēji ri jeē cuní maá rí. Te tu cájini rō ndese Yaā cúu ya.

HECHOS 3:12

Te ni jito Pedro jeē ní cutútú ñáyuu ún, te ni cahān de jíín i: Níhín tée ñuu yō Israel jijnáhan ní, ¿najehē cánaa ni ni cájito ní jniñu yáha? ¿Najehē cájito ní núū ná te cájeni ni ni jéē maá ná jijnáhan ná íyó poder na jéē sáha ná jéē nácaca tēe yáha? ¿Chí ní nduvāha de sɨquɨ̄ jeē tée cájica ndaā cácuu ná cájeni ni ní?

APOCALIPSIS 3:4

Te vēsú súcuan te íyó nahín jecu rō ñuu Sardis jeē tu ní cásáha ró cuéchi, jeē cúu nájnūhun jeē tu ní sájnéhén ró sahma ró. Jeē yúcuan cuíjín yaa coo sahma ró caca ró jíín rí, chi ñayuu vāha cácuu ró.

APOCALIPSIS 4:10

Te tāca jínu jeē casáha súcuan, te ndɨhócó cuūn tēe jéhnu cándiso jníñu, cájecuɨñɨ̄ yɨtɨ́ de nuū Yaā jeē técu nɨɨ́ cáni cuɨtɨ, cáchiñúhún de ya. Te cástáa de corona de, cájequin de ichi núú jehé mesa yā. Te cácahān de:

APOCALIPSIS 4:4

Te xiin mesa yā ni jito ri jeē ní jicó ndúū ocō cuūn gā mesa nuū ndácu jniñu. Te nuū mesa un néne ocō cuūn tēe jéhnu cándiso jníñu. Te cáñuhun de sahma cuijín yaa, te xinī de cáñuhun corona oro.

APOCALIPSIS 5:11

Te ni jito ga rī, te ni jini sōho ri jeē cácahān cuehē ndajéhé yā jeē ní cajicó ndúū xiin mesa yā, jiín xiin ndɨcúún jeē técu, jiín xiin tēe jéhnu cándiso jníñu. Te íyó cuéhē ndasɨ́ millón ndajéhé un.

APOCALIPSIS 5:5

Yūcuán na te ni cahān ɨɨn tēe jéhnu un jíín rí: Ma ndahyú rō, chi íyó ɨɨn Yaā ndíso jníñu jeē cahnde yā ndɨhúxá sello ndihyú tutu, te nune ya. Te máá yá chi íyó cuéhē poder yā, nájnūhun jeē iyó cuéhē fuerza ɨɨn ndɨcaha. Te ni cacu ya chīji yucūn Judá, jeē cúu yucūn rey David. Te ni snáā yā poder tāca jéneé.

APOCALIPSIS 7:9

Te ná ni cuu jniñu yáha te ni ndacoto ri, te ni jito ri cuehē ndasɨ́ ñáyuu. Te cúu i ñayuu tācá nación jiín táca raza jiín táca yuhu jíín táca ñuu. Te cáhīin i nuū mesa nuū ndácu Yaā Dios jniñu jíín núū maá Yaā cúu Londe. Te sɨquɨ̄ jeē cuehé ndasɨ́ i, te ni ɨɨn ma cúu cahu nasaa i cúu. Te cáñuhun i sahma cuijín, te cándāhá i ñuū.