APOCALIPSIS 7:10 - New Testament in Mixtec Atatláhuca

¹⁰ Te ni cacana jee i: Yaā Dios maá yó cúu jeē ní jnama yóhó, Yaā jeē néne nuū mesa jeē ndácu jniñu, jíín Yaā cúu Londe Yaā Dios. Achí i jíjnáhan i.

APOCALIPSIS 7:10 ပူးပေါင်းရင်းမြစ်များ

SAN LUCAS 3:6

Te ndɨhɨ i cuni i jeē jnáma Yaā Dios i. Súcuan cahān Juan, achí tutu.

SAN JUAN 1:29

Te ɨnga quɨvɨ̄ un ní jito Juan nuū Jesús jeē véji ya nuū de. Te ni cahān de jíín ñáyuu: Condēhe jíjnáhan ró, chi yāha véji Yaā cúu Londe jeē ní tají Yaā Dios, te cuu yā jeē sándoo ya cuēchi ñayuu ñayɨ̄vɨ́.

SAN JUAN 1:36

Te ni jito de nuū Jesús jeē jíca ya yūcuán. Te ni cahān de: Condēhe jíjnáhan ró, chi yūcuan cúu Yaā cúu Londe jeē ní tají Yaā Dios.

SAN JUAN 4:22

Máá ní ñáyuu Samaria tu cájini ni ndé ɨɨn cúu jeē cáchiñúhún ní. Te máá ná jijnáhan ná chi cájini na ndé ɨɨn cúu jeē cáchiñúhún ná. Chi nde nuū maá ná jijnáhan ná ñáyuu hebreo cúu nuū véji Yaā jnama ñayuu.

EFESIOS 2:8

Chi sɨquɨ̄ jeē yóhyo manī yā jiín ró cúu jeē ní jnama ya rohó, chi ni cacandíje ró jéē sáha ya jehē rō. Te nasūu sɨ́quɨ̄ jeē ní casáha máá ró cúu, chi tahū jeē ni jéhe ya nuū rō cúu.

APOCALIPSIS 12:10

Yūcuán na te ni jini sōho ri ɨɨn jnūhun jeē cahán jee ichi ándɨvɨ́: Je ni quee quɨvɨ̄ jeē jínu jnama ya yohó, jíín jéē steén ndijin yā jeē jnɨ́ɨ ya poder, jiín jéē ndácu ya jniñu, jíín jéē ndíso jníñu máá Cristo jeē ní tají yá. Chi je ni quenehen ya maá jéē cahán cuēchi sɨquɨ̄ tācá hermano yō. Chi nduú ñuú ni cahān cuēchi sɨquɨ̄ i nuū Yaā Dios maá yó.

APOCALIPSIS 19:1

Te ná ni cuu tāca jéē yáha, te ni jini sōho ri jeē cahán jee cuehē ndasɨ́ ñáyuu ini andɨvɨ́: Yōhyo cújéhnu Yaā Dios. Chi Yaā Dios maá yó cúu jeē ní jnama yóhó. Te máá yá cujéhnu ndasɨ́, te máá yá jnɨ́ɨ ndɨhɨ poder.

APOCALIPSIS 21:5

Yūcuán na te ni cahān maá Yaā néne nuū mesa: Condēhé, chi nasáha jeé rí tāca jéē iyó, áchí yá. Te suni ni cahān yā: Tee ró jnúhun yáha. Chi tāca jnúhun yáha cúu jnūhun jeē jiní ndije ró jéē ndaā cúu.

APOCALIPSIS 22:3

Te tācá‑ni jeē ni cáhān yā jeē násūu jéē váha cúu, ma cóo ini ñuu ún. Te ini ñuu ún cuɨñɨ máá mesa nuū ndácu Yaā Dios jniñu jíín Yaā cúu Londe. Te ñayuu cácandíje jeē cácuu i mozo yā, chiñúhún i ya.

APOCALIPSIS 4:6

Te ichi núú mesa yā ún suni íyó nájnūhun ɨɨn mar jeē jíto quɨyɨ nájnūhun vidrio. Te xiin mesa yā un ní jicó ndúū cuūn jeē técu. Te íyó cuéhē tɨnūu nɨ́ɨ́ cáhnu ichi núú jíín ichi yátá un.

APOCALIPSIS 5:7

Te Londe un ní jequīhin ya tutu jeē jnɨ́ɨ ndaváha Yaā jeē néne nuū mesa.