APOCALIPSIS 5:6 - New Testament in Mixtec Atatláhuca

⁶ Yūcuán na te ni jito ri Yaā jeē cúu Londe Yaā Dios jeē ní cajehni i te ni natecu. Te Londe un íin ya nuū íin mesa Yaā Dios, mēhñú ndɨcúún jeē técu, jiín tée jéhnu cándiso jníñu. Te íyó úxā ndɨquɨ jíín úxā tɨnūú Londe ún. Te tɨnūú un cúu ndɨhúxá Espíritu Yaā Dios jeē ní tají yá ni jengoo nɨ́ɨ́ cáhnu ñayɨ̄vɨ́.

APOCALIPSIS 5:6 ပူးပေါင်းရင်းမြစ်များ

SAN LUCAS 1:69

Te ni jeni ya ɨɨn Yaā iyó poder jeē jnáma ya yohó, te Yaā ún cacu yucūn mozo yā rey David.

SAN JUAN 1:29

Te ɨnga quɨvɨ̄ un ní jito Juan nuū Jesús jeē véji ya nuū de. Te ni cahān de jíín ñáyuu: Condēhe jíjnáhan ró, chi yāha véji Yaā cúu Londe jeē ní tají Yaā Dios, te cuu yā jeē sándoo ya cuēchi ñayuu ñayɨ̄vɨ́.

SAN JUAN 1:36

Te ni jito de nuū Jesús jeē jíca ya yūcuán. Te ni cahān de: Condēhe jíjnáhan ró, chi yūcuan cúu Yaā cúu Londe jeē ní tají Yaā Dios.

HECHOS 8:32

Te jnūhun cáhu de tutu iī un cáhán suhva: Nájnūhun lanchi jeē cuahán tɨ̄ nuū cúū tɨ̄, súcuan ni casáha ñayuu jiín yá. Te nájnūhun ɨɨn londe quɨtɨ sáte jéē tu ndáhyú tɨ̄, súcuan ni sáha ya, chi tú na vé ni cáhán cuɨtɨ yā ná ni cajicān i cuēchi sɨquɨ̄ yā.

APOCALIPSIS 1:4

Máá rí cúu Juan, te tée ri jnūhun yáha cuájeē nuū rohó, ndɨhúxá grupo ñayuu cácandíje jeē cáyūcu Asia. Te ñúhun ni rī jeē maá Yaā Dios na sáha ga yā jeē váha róhó jíjnáhan ró, te sáha ya jeē coo ndeyɨ́ coo sɨɨ̄ ni rō. Chi máá yá cúu Yaā iyó vijna, te ni īyo ya nɨɨ́ cáni, te coo ya nɨɨ́ cáni. Te ñúhun ni rī jeē suni súcuan sáha ndɨhúxá Espíritu jeē cáhīin ya yuhu mesa nuū ndácu Yaā Dios jniñu.

APOCALIPSIS 12:11

Te ni cacundeyɨ́ i sɨquɨ̄ Satanás un, ní sáha jnūhun jeē ni jíhī Yaā cúu Londe, jíín jéē ní cacahān ndaā i jnūhun Yaā Dios, jiín jéē tu ní cundáhú ni i máá i, chi ni jēhe i jnūhun candíje i vēsú núu cuu i jeē sɨquɨ́ yā.

APOCALIPSIS 13:8

Te ñayuu nɨɨ́ cáhnu ñayɨ̄vɨ jéē tu yósó sɨ́hvɨ́ i nuū tútu, ni cachiñúhún i quɨtɨ xéén un. Te Yaā cúu Londe jeē ní cajehni i, máá yá névāha tutu un jéē yosó sɨ́hvɨ́ ñáyuu cotecu nɨɨ́ cáni, te je yósó sɨ́hvɨ́ i nde quɨvɨ̄ ni jécōo ñayɨ̄vɨ́.

APOCALIPSIS 14:1

Yūcuán na te ni ndacoto ri, te ni jito ri jeē íin máá Yaā cúu Londe xinī yucu Sión. Te cáhīin ciento uū xico cuūn mil ñayuu jiín yá. Te jneē i ndéé sɨhvɨ́ máá yá jiín sɨ́hvɨ́ Tátá yā Yaā Dios.

APOCALIPSIS 17:14

Te cuajnáhan de jíín Yaā cúu Londe. Te Yaā cúu Londe quende yā poder de jíjnáhan de. Chi máá yá cúu Jitoho nuū tāca jítoho, te máá yá cúu Rey nuū tāca rey. Te ñayuu cáhīin jíín yá, chi ni nacāji Yaā Dios i te ni cana ya i, te cásquícu vāha i. Achí ndajéhé un.

APOCALIPSIS 21:22

Te tú na templo ni jíto ri ini ñuu ún, chi nɨ́ɨ́ cáhnu ñuu un ndéé máá Jítoho yō, Yaā jnɨ́ɨ ndɨhɨ poder, jiín Yaā cúu Londe.

APOCALIPSIS 21:23

Te ñuu ún tu jíni ñúhún cundijin jiín luz niāndii jiín yóō. Chi jeē ndíndēe máá Yaā Dios cúu jeē cúndijin ñuu ún. Te luz ñuu un cúu máá Yaā cúu Londe.

APOCALIPSIS 22:1

Yūcuán na te ndajéhé yā ni steén yā nuū rī ɨɨn yūte íyó ndoo. Te ndute un sáha jeē cótecu yō nɨɨ́ cáni. Te xíñú nájnūhun vidrio, te cáne nuū mesa nuū ndácu Yaā Dios jniñu jíín Yaā cúu Londe.

APOCALIPSIS 22:3

Te tācá‑ni jeē ni cáhān yā jeē násūu jéē váha cúu, ma cóo ini ñuu ún. Te ini ñuu ún cuɨñɨ máá mesa nuū ndácu Yaā Dios jniñu jíín Yaā cúu Londe. Te ñayuu cácandíje jeē cácuu i mozo yā, chiñúhún i ya.

APOCALIPSIS 4:8

Te ndɨcúún jeē técu un íyó íñū ndijēn jeē ɨ́ɨn ɨɨn. Te máni máá tɨ́nūu cúu nɨ́ɨ́ cáhnu nde jiín nɨ́ɨ́ chíji ndijēn. Te nduú ñuú tu jécuɨñɨ̄ cuɨtɨ jeē cahán: Yaā iī Yaā ndoo ndasɨ́ cúu máá Jítoho yō Yaā Dios, Yaā jnɨ́ɨ ndɨhɨ poder, Yaā iyó vijna, te ni īyo yá nɨɨ́ cáni, te coo ya nɨɨ́ cáni. Achí.

APOCALIPSIS 5:11

Te ni jito ga rī, te ni jini sōho ri jeē cácahān cuehē ndajéhé yā jeē ní cajicó ndúū xiin mesa yā, jiín xiin ndɨcúún jeē técu, jiín xiin tēe jéhnu cándiso jníñu. Te íyó cuéhē ndasɨ́ millón ndajéhé un.

APOCALIPSIS 5:12

Te suhva ni cacahān jee ya: Vāha ndasɨ́ Yaā cúu Londe jeē ní cajehni i. Te jeē yúcuan jnɨ́ɨ ya poder, te yōhyo cúcá yá, te yōhyo ndíchí yá, te ndíso ya cuehē fuerza, te cáhīyo yɨ́ñúhún ndɨhɨ nuū yā, te luu cújéhnu ya, te cácahān i jeē váha ndasɨ́ Yaā cúu ya. Achí.

APOCALIPSIS 5:13

Te suni ni jini sōho ri jeē cácahān ndɨhɨ jeē ni sáha Yaā Dios jeē iyó ini andɨvɨ́ jíín ini ñayɨ̄vɨ jíín chīji ñayɨ̄vɨ jíín ini mar. Te ndɨvii un ní cacahān: Cúsɨɨ̄ ni yō cahán yō jeē yóhyo vāha Yaā cúu máá Yaā néne mesa nuū ndácu ya jniñu, jíín Yaā cúu Londe Yaā Dios. Te na cóo yɨ́ñúhún yó núū yā, chi cújéhnu luu ya, te jnɨ́ɨ ya poder nɨɨ́ cáni cuɨtɨ. Achí.

APOCALIPSIS 5:14

Te ni cacahān ndɨcúún jeē técu: Súcuan na cóo, áchí. Te ndɨhócó cuūn tēe jéhnu cándiso jníñu ni cajecuɨñɨ̄ yɨtɨ́ de, te ni cachiñúhún de nuū Yaā jeē técu nɨɨ́ cáni cuɨtɨ.

APOCALIPSIS 6:16

Te ni cacahān i jíín yucu jíín cava: Ndicó cáva sɨquɨ̄ rī, na quɨ́sāhi rí návāha tú coto máá Yaā néne mesa ndácu jniñu, jíín Yaā cúu Londe jeē cuáha ya castigo xeēn ruhū.