APOCALIPSIS 5:12 - New Testament in Mixtec Atatláhuca

¹² Te suhva ni cacahān jee ya: Vāha ndasɨ́ Yaā cúu Londe jeē ní cajehni i. Te jeē yúcuan jnɨ́ɨ ya poder, te yōhyo cúcá yá, te yōhyo ndíchí yá, te ndíso ya cuehē fuerza, te cáhīyo yɨ́ñúhún ndɨhɨ nuū yā, te luu cújéhnu ya, te cácahān i jeē váha ndasɨ́ Yaā cúu ya. Achí.

APOCALIPSIS 5:12 ပူးပေါင်းရင်းမြစ်များ

SAN MATEO 28:18

Te ni quee ya nde nuū de, ni cahān yā jiín de: Je ni jēhe Tátá rī ndɨhɨ poder nuū rī jeē ndácu ri jniñu andɨvɨ́ jíín ñáyɨ̄vɨ́.

SAN JUAN 1:29

Te ɨnga quɨvɨ̄ un ní jito Juan nuū Jesús jeē véji ya nuū de. Te ni cahān de jíín ñáyuu: Condēhe jíjnáhan ró, chi yāha véji Yaā cúu Londe jeē ní tají Yaā Dios, te cuu yā jeē sándoo ya cuēchi ñayuu ñayɨ̄vɨ́.

SAN JUAN 17:2

Chi ni sáha ní jéē ndíso jníñu ná sɨ́quɨ̄ tāca ñáyuu, návāha tāca ñáyuu jeē ni jéhe ní núū ná, cotecu i nɨ́ɨ́ cáni sáha ná.

2 CORINTIOS 8:9

Chi je cájini rō ndese yōhyo vāha ni Jitoho yō Jesucristo jiín yó. Chi sɨquɨ̄ jeē ní cundáhú ni yā rohó te ni nasáha ndáhú yá maá yá, vēsú cucá ndasɨ́ yá nde andɨvɨ́ núú. Te súcuan ni sáha ya jeē cácucúcá ró ndɨhɨ jeē ndíso jnūhun ya, sɨquɨ̄ jeē ní nasáha ndáhú yá maá yá.

1 TIMOTEO 1:17

Núu súcuan te nɨ́ɨ́ cáni na cáhán yɨñúhún yó jeē yóhyo luu cújéhnu máá Yaā jeē cúu Rey sɨquɨ̄ ndɨhɨ, jeē técu nɨɨ́ cáni, jeē tu náā cuɨtɨ. Te tu cúu coto yó núū yā vijna, te máá ɨɨn‑ni ya iyó, te ndíchí yá. Amén.

APOCALIPSIS 1:6

Te ni sáha ya jeē ní nduu yó rey jiín sútū cájejníñu nuū Tatá yā Yaā Dios. Te na cáhán yō jeē yóhyo luu cújéhnu ya te jnɨ́ɨ ya poder nɨɨ́ cáni. Amén.

APOCALIPSIS 13:8

Te ñayuu nɨɨ́ cáhnu ñayɨ̄vɨ jéē tu yósó sɨ́hvɨ́ i nuū tútu, ni cachiñúhún i quɨtɨ xéén un. Te Yaā cúu Londe jeē ní cajehni i, máá yá névāha tutu un jéē yosó sɨ́hvɨ́ ñáyuu cotecu nɨɨ́ cáni, te je yósó sɨ́hvɨ́ i nde quɨvɨ̄ ni jécōo ñayɨ̄vɨ́.

APOCALIPSIS 15:3

Te cájita i yaa jeē ní tava Moisés, tēe cúu mozo Yaā Dios, jiín yaa maá Yaā cúu Londe. Te súcuan cáhán yaa ún: Yōhyo náā ni na cájito ná ndɨhɨ jniñu jéhnu teyɨ́ jéē sáha ní, Tátā Yaā Dios, chi jnɨ́ɨ ní ndɨhɨ poder. Te máni jniñu ndaā jniñu váha sáha ní, jeē cúu ní Rey nuū tācá nación.

APOCALIPSIS 19:1

Te ná ni cuu tāca jéē yáha, te ni jini sōho ri jeē cahán jee cuehē ndasɨ́ ñáyuu ini andɨvɨ́: Yōhyo cújéhnu Yaā Dios. Chi Yaā Dios maá yó cúu jeē ní jnama yóhó. Te máá yá cujéhnu ndasɨ́, te máá yá jnɨ́ɨ ndɨhɨ poder.

APOCALIPSIS 4:11

Jitoho ná te Yaā Dios na cúu ní. Te vāha ndasɨ́ Yaā cúu ní jéē cácahān i jeē luu cújéhnu ní, te cáhīyo yɨ́ñúhún i nuū ní, te jnɨ́ɨ ní ndɨhɨ poder. Chi máá ní ni sáha ndɨhɨ jeē iyó, te sɨquɨ̄ jeē súcuan ni cuu ni maá ní te ni jecōo ndɨhɨ. Achí de jíjnáhan de.

APOCALIPSIS 5:13

Te suni ni jini sōho ri jeē cácahān ndɨhɨ jeē ni sáha Yaā Dios jeē iyó ini andɨvɨ́ jíín ini ñayɨ̄vɨ jíín chīji ñayɨ̄vɨ jíín ini mar. Te ndɨvii un ní cacahān: Cúsɨɨ̄ ni yō cahán yō jeē yóhyo vāha Yaā cúu máá Yaā néne mesa nuū ndácu ya jniñu, jíín Yaā cúu Londe Yaā Dios. Te na cóo yɨ́ñúhún yó núū yā, chi cújéhnu luu ya, te jnɨ́ɨ ya poder nɨɨ́ cáni cuɨtɨ. Achí.

APOCALIPSIS 5:6

Yūcuán na te ni jito ri Yaā jeē cúu Londe Yaā Dios jeē ní cajehni i te ni natecu. Te Londe un íin ya nuū íin mesa Yaā Dios, mēhñú ndɨcúún jeē técu, jiín tée jéhnu cándiso jníñu. Te íyó úxā ndɨquɨ jíín úxā tɨnūú Londe ún. Te tɨnūú un cúu ndɨhúxá Espíritu Yaā Dios jeē ní tají yá ni jengoo nɨ́ɨ́ cáhnu ñayɨ̄vɨ́.

APOCALIPSIS 5:8

Te ná ni quihin ya tutu ún, te ndɨcúún jeē técu jiín ndɨhócó cuūn tēe jéhnu cándiso jníñu, ni cajecuɨñɨ̄ yɨtɨ́ núū yā. Te ná ɨɨn ná ɨɨn tēe jéhnu un cándaha yaa jeē naní arpa, jíín cóhō cūu oro jeē ñúhun chitú súje cutú. Te sūje cutú un cúu máá táca jnúhun jeē cájicān tahú ñayuu yɨ́hɨ ndaha Yaā Dios.

APOCALIPSIS 5:9

Te ni cajita de ɨɨn yaa jeé, te suhva cáhán: Vāha ndasɨ́ Yaā cúu ní jéē quihin ní tutu te cahnde ni sello jeē ndihyú. Chi ni cajehni i níhín, te jíín nɨ́ñɨ̄ ni ní nacuaan ní ñayuu mēhñu táca raza, tācá yuhu, tācá ñuu, tācá nación, návāha cuu i ñayuu Yaā Dios.

APOCALIPSIS 6:1

Yūcuán na te ni jito ri jeē Yaā cúu Londe Yaā Dios, ni jehnde yā ɨɨn jeē uxá sello un. Te ni jini sōho ri jeē cahán ɨɨn jnáhan ndɨcúún jeē técu ún, nájnūhun cáhán taja: Nehen te cuni rō.

APOCALIPSIS 7:12

Te ni cacahān yā: Amén. Cúsɨɨ̄ ni yō cahán yō jeē yóhyo vāha Yaā cúu Yaā Dios maá yó. Te luu cújéhnu ya te ndíchí yá. Te na nácuatáhú yó nuū yā, te na cóo yɨ́ñúhún yó núū yā. Chi jnɨ́ɨ ya poder, te ndíso ya cuehē fuerza jeē nɨɨ́ cáni cuɨtɨ. Amén. Achí táca ndajéhé yā.