APOCALIPSIS 4:2 - New Testament in Mixtec Atatláhuca

² Te máá Espíritu Santo ni scóto‑ni ya ruhū. Te ni jito ri jeē andɨvɨ́ íin ɨɨn mesa nuū ndácu jniñu, te néne máá yá nuū mesa un.

APOCALIPSIS 4:2 ပူးပေါင်းရင်းမြစ်များ

SAN MATEO 22:43

Te ni cahān yā jiín de: Núu súcuan ¿te ndese cúu jeē David ni cahān de Jitoho de ya, ni sáha Espíritu Santo nde jenahán? Chi ni cahān de:

HEBREOS 8:1

Núu súcuan te jnūhun cánuú gá jeē jé ni cahān rī cúu yāhá: Névāha yó ɨɨn sutū cujéhnu nájnūhun ni cahān rī, te ndéé yá lado váha mesa nuū ndácu jniñu máá Yaā cujéhnu nde andɨvɨ́.

APOCALIPSIS 1:10

Te ɨɨn domingo ni jito ndijin rī jeē ni stéén maá Espíritu Santo nuū rī. Te ni jini sōho ri ɨɨn jeē cána jee nīhin ichi yátá rī nájnūhun jeē tɨ́vɨ trompeta.

APOCALIPSIS 12:5

Te ni scácu ña ɨɨn sēhe yɨɨ́, te sūchi un ní jeconaā jeē ndácu nīhin i jniñu nuū ndɨ́vii nación. Yūcuán na te ni ndoñúhún séhe yɨɨ́ ña ún, ni ndaa i cuahān i nde nuū íin mesa Yaā Dios nuū ndácu ya jniñu.

APOCALIPSIS 17:3

Te ni sáha ga Espíritu Santo jeē ní jito ndijin rī, te ndajéhé yā un cuáhān yā jiín rí nde nuū ñúhun téhé. Te ni jito ri ɨɨn ñahan, yósó ña ɨɨn quɨtɨ xéén cacuéhé. Te nɨ́ɨ́ cáhnu tɨ ndeé jnūhun néé jéē quɨtɨ́ ni Yaā Dios sáha. Te íyó úxā xinī tɨ̄ jiín úxī ndɨquɨ tɨ.

APOCALIPSIS 19:4

Te ndɨhócó cuūn tēe jéhnu cándiso jníñu, jíín ndɨcúún jeē técu, ni cajecuɨñɨ̄ yɨtɨ́ de, te ni cachiñúhún de Yaā Dios, Yaā néne nuū mesa ndácu jniñu. Te ni cacahān: Amén. Súcuan na cóo. Yōhyo cújéhnu ya.

APOCALIPSIS 20:11

Yūcuán na te ni jito ri ɨɨn mesa cuijín cáhnu, te néne máá Yaā ndácu jniñu. Te ñayɨ̄vɨ jíín andɨvɨ́ ni ndoñúhún cuáhān jeē ní jito ya nuū, chi tuá ni cúu quendōo nuū yā.

APOCALIPSIS 21:10

Te ni sáha ga Espíritu Santo jeē ní jito ndijin rī, te ndajéhé un ní jeca ya ruhū cuahān yā jiín rí xinī ɨɨn yucu cáhnu súcún. Te ni steén yā nuū rī maá ñuu iī cujéhnu jeē cúu Jerusalén, te ni cuun vēji nde andɨvɨ́ núū néne Yaā Dios.

APOCALIPSIS 21:5

Yūcuán na te ni cahān maá Yaā néne nuū mesa: Condēhé, chi nasáha jeé rí tāca jéē iyó, áchí yá. Te suni ni cahān yā: Tee ró jnúhun yáha. Chi tāca jnúhun yáha cúu jnūhun jeē jiní ndije ró jéē ndaā cúu.

APOCALIPSIS 3:21

Tāca ñáyuu jeē cúndeyɨ́ sɨ́quɨ̄ jeneé, cuāha ri jnūhun conene i jíín rí nuū mesa nuū ndácu ri jniñu. Chi máá rí suni ni snáā rī poder jeneé, te ni cucōo ri jiín Tátá rī nuū mesa nuū ndácu ya jniñu.

APOCALIPSIS 4:10

Te tāca jínu jeē casáha súcuan, te ndɨhócó cuūn tēe jéhnu cándiso jníñu, cájecuɨñɨ̄ yɨtɨ́ de nuū Yaā jeē técu nɨɨ́ cáni cuɨtɨ, cáchiñúhún de ya. Te cástáa de corona de, cájequin de ichi núú jehé mesa yā. Te cácahān de:

APOCALIPSIS 4:5

Te nde nuū mesa nuū ndácu ya jniñu ndíndēé taja te nɨ́hɨn te cáhán taja. Te ichi núú mesa yā íin ndɨhúxá Espíritu Yaā Dios, jeē cáa nájnūhun uxā yɨtɨ náhnu jeē cayú ñuhūn.

APOCALIPSIS 4:9

Chi máni jeē cácahān ndɨcúún un jéē cujéhnu ndasɨ́ máá Yaā jeē néne nuū mesa, Yaā jeē técu nɨɨ́ cáni cuɨtɨ. Te yɨ́ñúhún cácahān un jíín yá, te nácuatáhú núū yā.

APOCALIPSIS 5:1

Yūcuán na te ni jito ri jeē Yaā néne mesa jeē ndácu jniñu, ndaváha ya jnɨ́ɨ ya ɨɨn tutu cáni jeē ní tuu. Te yósó jnúhun ndɨndúú lado tutu ún, te ndíhyú jiín úxā sello.

APOCALIPSIS 5:13

Te suni ni jini sōho ri jeē cácahān ndɨhɨ jeē ni sáha Yaā Dios jeē iyó ini andɨvɨ́ jíín ini ñayɨ̄vɨ jíín chīji ñayɨ̄vɨ jíín ini mar. Te ndɨvii un ní cacahān: Cúsɨɨ̄ ni yō cahán yō jeē yóhyo vāha Yaā cúu máá Yaā néne mesa nuū ndácu ya jniñu, jíín Yaā cúu Londe Yaā Dios. Te na cóo yɨ́ñúhún yó núū yā, chi cújéhnu luu ya, te jnɨ́ɨ ya poder nɨɨ́ cáni cuɨtɨ. Achí.

APOCALIPSIS 6:16

Te ni cacahān i jíín yucu jíín cava: Ndicó cáva sɨquɨ̄ rī, na quɨ́sāhi rí návāha tú coto máá Yaā néne mesa ndácu jniñu, jíín Yaā cúu Londe jeē cuáha ya castigo xeēn ruhū.