APOCALIPSIS 21:22 - New Testament in Mixtec Atatláhuca

²² Te tú na templo ni jíto ri ini ñuu ún, chi nɨ́ɨ́ cáhnu ñuu un ndéé máá Jítoho yō, Yaā jnɨ́ɨ ndɨhɨ poder, jiín Yaā cúu Londe.

APOCALIPSIS 21:22 ပူးပေါင်းရင်းမြစ်များ

SAN MATEO 24:2

Te ni cahān yā jiín de: Tāca jéē cájito ró yáha, jendaá cahán rī jiín ró jeē quiji quɨvɨ̄ jeē ma cóso jnáhan ga ni ɨɨn yuū, chi ndɨhɨ jnanū. Achí yá.

SAN JUAN 10:30

Máá rí jiín Tátá rī, chi ɨɨn‑ni cúu ri, achí yá.

SAN JUAN 13:32

Te núu jíín rúhū cuni ñayuu ndese cújéhnu Yaā Dios, núu súcuan te suni stéén Yaā Dios ndese cújéhnu ruhū jeē cúu ri Sēhe ya. Te yachī‑ni stéén yā.

SAN JUAN 4:21

Te ni cahān Jesús jiín ña: Nánā, candíje ní jnúhun cáhán na, chi quee quɨvɨ̄ jeē ni nasūú yucu yáha ni nasūú ñuu Jerusalén cúu nuū chiñúhún ní maá Yaā cúu Tátá, chi ndɨhɨ‑ni lugar te cuu chiñúhún ní yá.

SAN JUAN 4:23

Te je ni quee quɨvɨ̄ jeē ñáyuu cáchiñúhún ndáā, vijna te chiñúhún ndije i Yaā cúu Tátá nde jiín ini jiín ánuá i. Chi máá Tátá cúní yā jeē súcuan chiñúhún ñáyuu yā.

COLOSENSES 1:19

Chi ni cusɨɨ̄ ni Yaā Dios jeē ndɨhɨ ndese cúu máá yá, suni súcuan cúu Cristo.

COLOSENSES 2:9

Chi ndɨhɨ ndese cúu máá Yaā Dios, suni súcuan cúu Cristo.

APOCALIPSIS 1:8

Suhva cáhán maá Jítoho yō, Yaā jnɨ́ɨ ndɨhɨ poder: Máá rí cúu nájnūhun letra A xīhna ñúhún jíín letra Z jeē sándɨ̄hɨ́ na, chi máá rí ni squejéé ndɨhɨ te máá rí sínu, áchí máá Yaā iyó vijna, te ni īyo ya nɨɨ́ cáni, te coo ya nɨɨ́ cáni.

APOCALIPSIS 11:17

Te ni cacahān de: Na cútahū na núū ní, Tátā Yaā Dios, chi máá ní jnɨ́ɨ ndɨhɨ poder, te cúu ní Yaā iyó vijna, te ni īyo ní nɨ́ɨ́ cáni, te coo ní nɨ́ɨ́ cáni. Te ni najnɨɨ ní ndɨvii jeē iyó, te jíín poder ni ní quejéé ní ndácu ní jniñu nuū.

APOCALIPSIS 14:4

Te tāca tée yáha cácuu jeē tu ní cásáha cuēchi jíín ñahan cásáha néé, chi tēe ndoo ánuá cácuu de. Te cándiquīn de Londe ndé‑ni cúu‑ni nuū cuahán yā. Chi ni jnama ya de ini ñayɨ̄vɨ́, te máá de cácuu tēe jeē xíhna gā ni cacandíje nuū Yaā Dios jiín núū Yaā cúu Londe.

APOCALIPSIS 15:3

Te cájita i yaa jeē ní tava Moisés, tēe cúu mozo Yaā Dios, jiín yaa maá Yaā cúu Londe. Te súcuan cáhán yaa ún: Yōhyo náā ni na cájito ná ndɨhɨ jniñu jéhnu teyɨ́ jéē sáha ní, Tátā Yaā Dios, chi jnɨ́ɨ ní ndɨhɨ poder. Te máni jniñu ndaā jniñu váha sáha ní, jeē cúu ní Rey nuū tācá nación.

APOCALIPSIS 16:14

Te tachī ún chi ndajéhé jexeén cácuu, te cásáha jniñu jéhnu jeē náā ni ñayuu cájito i. Te ni quendacoo tachī un jéē nastútú táca rey nɨɨ́ cáhnu ñayɨ̄vɨ, jéē cuajnáhan de sɨquɨ̄ Yaā Dios quɨvɨ̄ jeē ndíji ya. Te máá yá cúu jeē jnɨ́ɨ ndɨhɨ poder.

APOCALIPSIS 16:7

Te ni jini sōho ri jeē cahán ɨnga nde nuū altar: Tátā Yaā Dios, máá ní cúu jeē jnɨ́ɨ ndɨhɨ poder. Te jniñu váha jniñu ndaā ni sáha ní jéē ní ndonda ní sɨ́quɨ̄ cuéchi i. Achí.

APOCALIPSIS 19:15

Te ini yuhu máá Yaā jeē yosó sɨ́quɨ̄ caballo, quénda jeē cáa nájnūhun ɨɨn espada xeēn. Te espada un cúu jnūhun ya jeē stóho ya ñayuu tācá nación. Te nīhin ndacu ya jniñu nuū i. Te sándaā yā sɨquɨ̄ cuéchi i nájnūhun jeē jeñú sɨquɨ̄ ndehē uva cájexīn. Te cuāha ya castigo xeēn ndoho i jeē quɨtɨ́ ni yā sɨquɨ̄ cuéchi i. Chi máá yá jnɨ́ɨ ndɨhɨ poder.

APOCALIPSIS 4:8

Te ndɨcúún jeē técu un íyó íñū ndijēn jeē ɨ́ɨn ɨɨn. Te máni máá tɨ́nūu cúu nɨ́ɨ́ cáhnu nde jiín nɨ́ɨ́ chíji ndijēn. Te nduú ñuú tu jécuɨñɨ̄ cuɨtɨ jeē cahán: Yaā iī Yaā ndoo ndasɨ́ cúu máá Jítoho yō Yaā Dios, Yaā jnɨ́ɨ ndɨhɨ poder, Yaā iyó vijna, te ni īyo yá nɨɨ́ cáni, te coo ya nɨɨ́ cáni. Achí.

APOCALIPSIS 5:6

Yūcuán na te ni jito ri Yaā jeē cúu Londe Yaā Dios jeē ní cajehni i te ni natecu. Te Londe un íin ya nuū íin mesa Yaā Dios, mēhñú ndɨcúún jeē técu, jiín tée jéhnu cándiso jníñu. Te íyó úxā ndɨquɨ jíín úxā tɨnūú Londe ún. Te tɨnūú un cúu ndɨhúxá Espíritu Yaā Dios jeē ní tají yá ni jengoo nɨ́ɨ́ cáhnu ñayɨ̄vɨ́.

APOCALIPSIS 7:15

Jeē yúcuan cúu jeē cáhīin i nuū mesa nuū ndácu Yaā Dios jniñu, te cájejníñu i ini templo yā nduú ñuú. Te Yaā jeē néne nuū mesa, coto ya i jeē quéndōo vāha i nuū yā.

APOCALIPSIS 7:17

Chi máá Yaā cúu Londe jeē néne nuū mesa jeē ndácu jniñu, coto ya i nájnūhun jeē cúu i lanchi ya. Te condeca ya i quihīn yā jiín i nuū cáne ndute jeē cótecu i sáha. Te Yaā Dios nacuaa yā ndute núú i jíjnáhan i, te ma ndahyú gā i. Achí tée jéhnu ún.