APOCALIPSIS 20:3 - New Testament in Mixtec Atatláhuca

³ Te ni scáne ya ini tūhnchi cúnú ndasɨ́. Te ni jesɨ vāha ya, te ni sácutú yá yuyáú, návāha ma stahú gá un ñáyuu tācá nación, chi nde na jínu mil cuiyā. Te jeē yáha mil cuiyā ún, yūcuán na te cánuú jéē ndajī caca cuu jecu na tiempo.

APOCALIPSIS 20:3 ပူးပေါင်းရင်းမြစ်များ

SAN MATEO 24:24

Chi canecoo tēe cástáhú jéē achi de jeē Cristo cúu de, chí achi de jeē tée nácani jnūhun Yaā Dios cúu de. Te sáha de jniñu jéhnu jeē naa ni ñayuu coto i, návāha stáhú de nde maá ñáyuu ní nacāji ya, te núu na cúu.

SAN MATEO 27:66

Te cuangoo de, te ni casácutú de yuū jeē ndihyú yuhu yáú nuū yɨ́ndūji ya, te ni castɨ́ɨn nīhin de. Te ni castóo de tācá soldado un cándito.

SAN MARCOS 4:15

Te trigo jeē ni jítē yuhíchi cúu nájnūhun ánuá sava ñayuu. Chi cájini nahín i jnūhun ya, te ná ni cajini i, te quíji‑ni Satanás te quénde‑ni jnūhun ini anuá i.

SAN LUCAS 8:31

Te ni cacahān ndahú táchī un jíín yá jeē ma tají yá quihīn ini tūhnchi cúnú.

2 CORINTIOS 11:3

Te yúhú rí sanaa te cuāha ro jnúhun stáhú táca tée un róhó, te siáá rō jnūhun jeē chiñúhún ndáā rō Cristo nde jiín ini jiín ánuá rō. Chi suni súcuan ni sáha Satanás jiín Eva, chi ni quɨ̄vɨ ini ɨɨn coō, te ni stahú un ña jíín jnúhun ndíchí stáhú.

2 PEDRO 3:8

Te suni ma náā ni rō jnūhun yáha, ñánī mánī: Jeē nuū maá Jítoho yō chi ɨɨn quɨvɨ̄ cúu nájnūhun mil cuiyā, te mil cuiyā cúu nájnūhun ɨɨn quɨvɨ̄‑ni.

APOCALIPSIS 12:9

Súcuan ni cuu jeē ní quenehen ya coō cáhnu un jéē iyó ndé jenahán ndasɨ́. Te nání tɨ́ jexeén jíín Satanás, te máá tɨ́ cúu jeē stahú ndɨhɨ ñayuu ñayɨ̄vɨ́. Te ni scáne ya tɨ̄ nde ini ñayɨ̄vɨ jíín táca ndajéhé tɨ̄.

APOCALIPSIS 13:14

Te ni stahú tɨ́ ñayuu ñayɨ̄vɨ jíín táca jniñu jéhnu jeē ni níhīn tɨ̄ poder jeē sáha tɨ, jíto jínúū quɨtɨ xíhna ñúhún. Te ni ndacu tɨ jniñu jeē na sáha ñayuu imagen quɨtɨ xíhna ñúhún, quɨtɨ ní tújī jiín espada, jeē jé yajni cuu tɨ̄ te ni nduvāha tɨ.

APOCALIPSIS 17:2

Chi tāca rey ñayɨ̄vɨ nájnūhun ni casɨ́quɨ́ ndéē de jíín ñahan ún, cúu jeē ní castóo de Yaā Dios te cándiquīn de jnūhun néé ní steén ña. Te ni sáha ña jeē ñáyuu nɨɨ́ cáhnu ñayɨ̄vɨ, nájnūhun nájīni i te cásɨ́quɨ́ ndéē i Yaā Dios cúu jeē ní castóo i ya te cásáha ndasɨ́ i cuēchi. Achí ndajéhé yā.

APOCALIPSIS 17:8

Quɨtɨ xéén jeē ní jito ró, chi ni cotecu tɨ̄, te vijna chi tuá tɨ̄. Te ndenda tucu tɨ ini tūhnchi cúnú, te yūcuán na te quihīn tɨ̄ nuū jnahnú ndetū tɨ̄. Te ñayuu cáyūcu nɨ́ɨ́ cáhnu ñayɨ̄vɨ́, naa ni i coto i nuū quɨ́tɨ un jéē ní cotecu tɨ̄ te ni jihī tɨ̄, te natecu tucu tɨ. Te cácuu i ñayuu jeē tu yósó sɨ́hvɨ́ i nuū tútu jeē yosó sɨ́hvɨ́ ñáyuu cotecu nɨɨ́ cáni jeē ni jécosō sɨhvɨ́ i nde quɨvɨ̄ ni jécōo ñayɨ̄vɨ́.

APOCALIPSIS 20:1

Te ni jito ri jeē ní cuun ɨɨn ndajéhé yā ichi ándɨvɨ́. Te ndáhá yá ndacáa jeē núne tūhnchi cúnú ndasɨ́. Te suni ndáhá yá ɨɨn cadena cáhnu.