APOCALIPSIS 18:8 - New Testament in Mixtec Atatláhuca

⁸ Jeē yúcuan cúu jeē ɨɨn quɨvɨ̄‑ni te quiji cuehē jnūndóho sɨquɨ̄ ña. Chi cuu ndɨ̄yɨ, te cucuíhyá ndasɨ́ ni ña, te coo jnamā, te cayū ña nuū ñuhún. Chi yōhyo íyó poder maá Jítoho yō Yaā Dios, Yaā ní ndonda sɨquɨ̄ cuéchi ña, áchí.

APOCALIPSIS 18:8 ပူးပေါင်းရင်းမြစ်များ

1 CORINTIOS 10:22

Ma quɨ́vɨ nduu yō súcuan jíín táchī, návāha ma cucuɨ́ñɨ́ Jítoho yō jiín yó. ¿Chí téyɨ́ gá maá yó vēsú maá yá jeē ma cúu stóho ya yohó, cájeni ni rō, chí naún?

APOCALIPSIS 11:17

Te ni cacahān de: Na cútahū na núū ní, Tátā Yaā Dios, chi máá ní jnɨ́ɨ ndɨhɨ poder, te cúu ní Yaā iyó vijna, te ni īyo ní nɨ́ɨ́ cáni, te coo ní nɨ́ɨ́ cáni. Te ni najnɨɨ ní ndɨvii jeē iyó, te jíín poder ni ní quejéé ní ndácu ní jniñu nuū.

APOCALIPSIS 17:16

Te ndɨhúxí ndɨquɨ jeē ní jito ró jéē névāha quɨtɨ xéén un, suu cácuu rey jeē coto uhū de ñahan jíca jnéní un. Te sáha de jeē quendōo ndáhú ña te quendōo vichí lɨ́ɨ ña. Te caji de cūñu ña te cahmu de ña nuū ñuhún.

APOCALIPSIS 17:18

Te ñahan jeē ní jito ró cúu máá ñuu teyɨ́ jéē cujéhnu nuū tāca rey ñayɨ̄vɨ́. Achí ndajéhé un.

APOCALIPSIS 18:17

Te vijna te ɨɨn núnúu‑ni te ni naa ndɨhɨ tācá ndajníñu váha ún, achi de jíjnáhan de. Te cuɨñɨ jícá táca tée cáscáca barco, jiín ñáyuu cuángoo nuū barco, jiín tée cásájniñu ini barco, jiín táca gá tēe cásájniñu nuū mar.

APOCALIPSIS 18:19

Te cosō de tɨcachā ñuhun xinī de jeē cácucuíhyá ni de. Te ndahyū de te ndahyū cohó de. Te cana jee de jíjnáhan de: Nacā jeē xeēn ndóho ñuu teyɨ́ yáha. Chi jíín ndajníñu cúcá jeē ni íyo ñuu un ní cacucúcá táca ñáyuu cánevāha barco cájica nuū mar. Te vijna te ɨɨn núnúu‑ni te ni naa ndɨhɨ‑ni, achi de.

APOCALIPSIS 19:3

Te ni cacahān tucu i: Yōhyo cújéhnu ya. Chi nɨ́ɨ́ cáni canda ñuhmā ñuu un jéē cayú, achí.